صحرائے الدہنا

صحرائے الدہناء صحرائے عرب کی مرکزی تقسیم ہے۔ یہ ریتلے خطوں کی ایک راہداری ہے جو کمان جیسی شکل بناتی ہے جو شمال میں صحرائے نفود کو جنوب میں صحرائے ربع الخالی سے ملاتی ہے۔ اس کی لمبائی 1000 کلومیٹر (620 میل) سے زیادہ ہے۔ جبل طویق کے مشرق سے نکلتے ہوئے اس کی چوڑائی 80 کلومیٹر (50 میل) سے زیادہ نہیں ہے۔ یہ وہ جغرافیائی لکیر بھی سمجھی جاتی ہے جو سعودی عرب کے صوبے، الاحساء کو نجد سے الگ کرتی ہے۔ چنانچہ صحرائے الدہناء وہ تنگ ڈوری ہے جو سعودی عرب کے عظیم صحراؤں کو آپس میں جوڑتی ہے۔

صحرائے الدہناء کا مصنوعی سیارے سے منظر

صحرائے الدہناء میں اونٹوں کا ایک قافلہ

صحرا مسلسل سات صحراؤں کا ایک سلسلہ ہے، جو ایک دوسرے سے میدانی علاقوں کے ذریعے جدا ہیں۔ سڑکیں جو الدہناء سے گزرتی ہیں، کویت کو سعودی عرب کے صوبوں، الزلفی اور ریاض سے جوڑتی ہیں اور ریاض کو صوبے، الاحساء سے جوڑتی ہے۔

صحرائے الدہناء افقی طور پر پھیلے ہوئے اونچے ریت کے ٹیلوں سے بنا ہے جنہیں عروق (رگیں) کہا جاتا ہے۔ زیادہ تر رنگ میں سرخ مائل ہے کیونکہ اس کی ریت میں آئرن آکسائیڈ کی بڑی مقدار شامل ہے۔

زمرہ:ارضیات