محمد ظاہر شاہ

مملکت افغانستان کا آخری خاندانی موروثی بادشاہ۔ قتل کیے جانے والا افغان بادشاہ نادر شاہ کا بچ جانے والا واحد فرزند تھا جس کی تعلیم کابل اور فرانس میں ہوئی۔ آٹھ نومبر انیس سو تینتیس میں اپنے والد کے قتل کے چند گھنٹے بعد ہی ظاہر شاہ کو بادشاہ بنا دیا گیا اور اس نے متوکل اللہ پیرواِ دین ِ متین ِ اسلام کا ٹائیٹل اپنالیا۔ 1946ء تک ظاہر شاہ کی بادشاہت میں ملک کا انتظام اس کے وزرا محمد ہاشم اور شاہ محمود غازی نے چلایا۔ دوسری جنگ عظیم میں اس نے اپنے ملک کو غیر جانبدار رکھا۔

محمد ظاہر شاہ Mohammed Zahir Shah محمد ظاهر شاه
شاہ مملکت خدادا افغانستان اور انحصار
ظاہر شاہ
شاہ افغانستان
8 نومبر 1933 – 17 July 1973
پیشرو	محمد نادر شاہ
جانشین	باشاہت ختم محمد داود خان بطور وزیر اعظم افغانستان
سربراہ بارکزئی خاندان
8 نومبر 1933 – 23 جولائی 2007
شریک حیات	حمیرا بیگم
نسل	شہزادی بلقیس بیگم شہزادہ محمد اکبر خان ولی عہد شہزادہ احمد شاہ خان شہزادی مریم بیگم شہزادہ محمد نادر خان شہزادہ شاہ محمود خان شہزادہ محمد داود پشتونیار خان شہزادہ میر وایس خان
خاندان	بارکزئی
والد	محمد نادرشاہ
والدہ	ماہ پرور بیگم
پیدائش	15 اکتوبر 1914 کابل، امارت افغانستان
وفات	23 جولائی 2007(2007-70-23) (عمر  92 سال) کابل، افغانستان
تدفین	کوہ مرنجان
مذہب	اہل سنت

اصلاحات

لیکن انیس سو چونسٹھ میں ظاہر شاہ نے ایک نیا آئین متعارف کروایا جس میں شاہی خاندان کی ارکان پر کچھ حکومتی عہدوں پر تعیناتی پر پابندی عائد کردی، دو ایوانوں پر مشتمل پارلیمینٹ، آزاد الیکشنز، آزاد پریس اور سیاسی جماعتوں کی تشکیل کی اجازت دی گئی۔ اس سے افغانستان میں ایک نئے دور کا آغاز ہوا۔ غیر ملکی مدد کی ملک میں آمد سے افغانستان ترقی کی راہ پر گامزن تھا۔ ظاہر شاہ افعانستان میں اکثر مختلف علاقوں کے دورے کرتے تھے اور غیر ملکی دوروں پر بھی جاتے تھے۔ لیکن ان سب اصلاحات کے باوجود ان کی حکومت خالص پشتون حکومت تھی جس کی وجہ سے دوسری اقوام میں بغاوت کے اثرات بھی نمودار ہوئے۔ خاص کر امریکا نواز ایرانی حکمران رضا شاہ پہلوی کی حمایت یافتہ قوموں نے بغاوت کے لیے انگڑائیاں لینا شروع کر دیں۔ لیکن اس کے باوجود ان کے طویل دور حکمرانی کو امن، سکیورٹی اور جدید سیاسی اصلاحات کے نام سے منسوب کیا جاتا ہے۔ چالیس سال پر محیط ان کے دور اقتدار کی اہم باتوں میں خواتین کی تعلیم، انتخابات میں رائے شماری اور پریس کی آزادی شامل ہے۔

جلاوطنی

1973ء میں جب ظاہر شاہ اٹلی کے دورے پر تھا تو اس کے کزن سردار محمد داؤد نے اس کا خاندانی تختہ الٹ دیا اور ایک ری پبلکن حکومت قائم کر لی جس کا صدر وہ خود بن گیا اور ظاہر شاہ چالیس سال تک افغانستان کا موروثی حکمران رہنے کے بعد اٹلی میں جلا وطن ہو گیا۔

گیارہ ستبمر کے بعد

فائل:Zahershah2.jpg

ظاہر شاہ صدر حامد کرزئی کے ساتھ

گیارہ ستمبر کے حملوں کے بعد جب ریاستہائے متحدہ نے افغانستان پر حملے کی تیاری کی تو ایک بار پھر ظاہر شاہ سفارتی سرگرمیوں کا مرکز بن گئے اور طالبان کے بعد کے افغانستان کو متحد کرنے میں ان کے کردار پر بات شروع ہوئی۔ ظاہر شاہ دو ہزار دو میں روم سے کابل واپس پہنچے اور تاریخی لویہ جرگہ کی سربراہی کی۔ بعد ازاں وہ دار الحکومت میں واقع اپنے سابق محل منتقل ہو گئے۔ ان کی اپنے سابق محل میں واپسی لویا جرگے میں طے پانے والے ایک معاہدے کا حصہ تھی۔ انھوں نے اس بات پر رضامندی ظاہر کی تھی کہ وہ حامد کرزئی کے مقابل افغانستان کے سربراہ کے لیے کھڑے نہیں ہوں گے۔

ملکہ کا انتقال

لیکن افغانستان کے بادشاہ کو اپنی سابق سلطنت میں قدم رکھتے ہی ایک بہت بری خبر نے آن لیا۔ لڑکپن میں ہی شادی کے بعد سے ان کی ساتھی ان کی ملکہ حمیرا اٹلی میں دل کا دورہ پرنے سے انتقال کرگئیں۔ ظاہر شاہ ان کے انتقال سے اس قدر متاثر ہوئے کہ کئی دنوں تک کسی سے بھی ملاقات نہ کی۔ ان کے آٹھ بچے ہیں جن میں سے ایک شاہ محمود ظاہر 2002ء میں 56 سال کی عمر میں روم میں انتقال کر گئے تھے۔

انتقال

92 سال کی عمر میں کابل میں اس کا انتقال ہوا۔

بیرونی روابط

• محمد ظاہر شاہ
• ظاہر شاہ: افغانستان کا آخری بادشاہآرکائیو شدہ بذریعہ news.independent.co.uk
• پروفائل, دی آبزرور

محمد ظاہر شاہ بارکزئی خاندان پیدائش: 16 اکتوبر 1914 وفات: 23 جولائی 2007
شاہی القاب
ماقبل  محمد نادر شاہ	شاہ افغانستان 8 نومبر 1933 – 17 جولائی 1973	مابعد  اعلان جمہوریہ
دعویدار
اختتام خطاب جمہوریہ افغانستان	— محض خطاب — شاہ افغانستان 17 جولائی 1973 – 23 جولائی 2007	مابعد  ولی عہد احمد شاہ