عادا یونات

عادا یونات (پیدائش 22 جون 1939) اسرائیلی ماہر قلمیات ہیں جو رائبوسوم (ribosome) کی ساخت پر کام کرنے والی اولین بانی سائنس دان ہیں۔ وہ اس وقت ویزمین انسٹی ٹیوٹ آف سائنس کے ہیلن اور ملٹن سینٹر برائے بائیو مالیکیولر اسٹرکچر اسمبلی کی ڈائریکٹر ہیں۔ 2009 میں انھیں وینکٹ رامن رامکرشنن اور تھامس اے۔ اسٹیٹز کے ساتھ کیمیا میں رائبوسوم (ribosome) کی ساخت اور کارگزاری پر تحقیق پر نوبل پرائز ملا۔ یہ اسرائیل کے دس نوبل انعام یافتہ افراد میں  پہلی اسرائیلی خاتون ہیں جنہیں نوبل انعام ملا، مڈل ایسٹ سے پہلی خاتون جنہیں سائنس میں نوبل انعام ملا اور 45 سال میں کیمیا میں نوبل انعام جیتنے والی پہلی خاتون بھی ۔

عادا یونات
(عبرانی میں: עדה יונת)
معلومات شخصیت
پیدائش	22 جون 1939ء (85 سال)  یروشلم
شہریت	اسرائیل
رکنیت	قومی اکادمی برائے سائنس ،  امریکی اکادمی برائے سائنس و فنون ،  ای ایم بی او ،  جرمن سائنس اکیڈمی آف سائنسز لیوپولڈینا ،  رائل سوسائٹی
عملی زندگی
مادر علمی	جامعہ عبرانی یروشلم
پیشہ	سالماتی حیاتیات دان ،  کیمیادان ،  استاد جامعہ ،  ماہر قلمیات ،  حیاتی کیمیا دان ،  سائنس دان ،  محقق
پیشہ ورانہ زبان	عبرانی ،  انگریزی
شعبۂ عمل	قلمیات ،  حیاتیات ،  سالماتی حیاتیات ،  حیاتی کیمیا ،  رجسمہ ،  ساختی حیاتیات
نوکریاں	جامعہ شکاگو
مؤثر شخصیات	ولیم لیپسکومب
اعزازات
نوبل انعام برائے کیمیا   (2009)  اسرائیل پرائز (2002) ای ایم بی او رکنیت

حالات زندگی

یہ یروشلم میں پیدا ہوئیں، ان کے والدین صیہونی یہودی تھے جو پولینڈ سے ہجرت کرکے 1933 میں اسرائیل کے قیام سے پہلے آ بسے تھے۔ ان کے والد ایک ربی تھے اور ربی خاندان سے تعلق رکھتے تھے۔ یروشلم میں بسنے کے بعد انھوں نے گروسری اسٹور چلایا جس سے بمشکل گزارا ہوتا تھا۔ یونات نے انتہائی غربت میں بچپن گزارا مگر والدین نے اچھی تعلیم کے لیے بہتر علاقے کے اسکول میں تعلیم دلائی۔ والد کی وفات کے بعد ان کا خاندان تل ابیب جا بسا۔ ٹچون ہدش اسکول میں یونات کو داخلہ مل گیا گو کہ والدہ کے پاس فیس کے پیسے نہیں تھے، پیسوں کی بجائے طالب علموں کو حساب پڑھانے پر فیس معاف ہوئی۔

بچپن میں پولش سائنس دان میری کیوری کے بارے میں ایک عمدہ تحریر کردہ سوانح سے متاثر ہوئیں مگر وہ ان کا رول ماڈل نہ تھیں۔ یروشلم کی عبرانی یونیورسٹی سے 1962 میں کیمیا میں گریجویشن کیا اور یہیں سے 1964 میں حیاتیاتی کیمیا میں ماسٹر کی ڈگری حاصل کی۔ 1968 میں پی ایچ ڈی کی ڈگری ویزمین انسٹی ٹیوٹ آف سائنس برائے ایکس رے کرسٹیلوگرافر

[Weizmann Institute of Science for X-ray crystallographic] سے رائبوسوم (ribosome) کی ساخت اور کارگزاری پر تحقیق پر نوبل پرائز حاصل کیا، ان کے پی ایچ ڈی معاون ولفی ٹراب تھے۔

یونات نے کریو بائیو کرسٹیلوگرافی [cryo bio-crystallography] کی تکنیک متعارف کروائی جو ساختیاتی بائیولوجی میں عام استعمال ہونے لگی اور بہت سے مشکل  پراجیکٹ قدرے آسان ہو گئے۔

ان کی ایک بیٹی ہے، ہیگتھ یونات، شیبا میڈیکل سینٹر میں ڈاکٹر ہیں۔

سیاسی نظریات

یہ مشہور قبضہ مخالف سماجی کارکن ڈاکٹر روخامہ مارٹن کی کزن ہیں۔

عادا یونات نے حماس کے تمام قیدیوں کو بغیر شرط رہا کرنے کی استدعا بھی کی ہے کیونکہ ان کا ماننا ہے کہ اگر کوئی قیدی نہیں ہوں گے تو فوجیوں کو اغوا کرنے کا جواز خود ہی ختم ہو جائے گا۔

رکنیت

یونتھ مندرجہ ذیل تنظیموں کی ممبر ہیں

• ریاست ہائے امریکا کی نیشنل اکیڈیمی آف سائنسز
• امریکن اکیڈیم آف آرٹس اور سائنس
• اسرائیلی اکیڈیمی آف سائنسز اینڈ ہیومنٹیز
• یورپین اکیڈیمی آف سائنسز اینڈ آرٹ
• یورپین مالیکیولر بائیلوجی آرگنائزیشن

2014 میں پروفیسر یونات کو پوپ فرانسس نے پونٹیفکل اکیڈیمی آف سائنسز کا عام رکن بنا دیا گیا۔

ایوارڈ اور اعزازات

• اسرائیل پرائز، 2002
• ہاروے پرائز
• میسری پرائز
• پال کیرر گولڈ میڈل
• ہاروٹز پرائز
• جارج فہیر کے ساتھ کیمسٹری میں وولف پرائز
• لائف سائنسز میں روتھس چائلڈ پرائز
• البرٹ آئن سٹائن ورلڈ ایوارڈ آف سائنس
• کیمسٹری میں نوبل پرائز، 2009
• ول ہلم ایکسنر میڈل، 2010
• ڈی لا سیلے یونیورسٹی کی طرف سے اعزازی ڈاکٹریٹ کی ڈگری، 2015
• جوزف فوریئر یونیورسٹی، فرانس کی طرف سے اعزازی ڈاکٹریٹ کی ڈگری  ، 2015
• میڈیکل یونیورسٹی آف لوڈز، پولینڈ کی طرف سے اعزازی ڈاکٹریٹ کی ڈگری
• یونیورسٹی آف واروک، برطانیہ کی طرف سے اعزازی ڈاکٹریٹ کی ڈگری

بیرونی روابط

• The Official Site of Louisa Gross Horwitz Prize
• Weizmann Institute of Science, Yonath-Site
• Talk of Ada Yonath at the Origins 2011 congressآرکائیو شدہ بذریعہ innovaxiom.com