عبیداللہ انور

مولانا عبیداللہ انور مشہور عالم دین مولانا احمد علی لاہوری کے صاحبزادے تھے۔

عبیداللہ انور
معلومات شخصیت
تاریخ پیدائش	2 اگست 1926ء
تاریخ وفات	27 اپریل 1985ء (59 سال)
شہریت	پاکستان
جماعت	رابطہ جمعیت علمائے اسلام
والد	احمد علی لاہوری
عملی زندگی
مادر علمی	مظاہر علوم سہارنپور دار العلوم دیوبند
استاذ	مفتی جمیل احمد تھانوی،  حسین احمد مدنی،  محمد ابراہیم بلیاوی،  محمد رسول خان ہزاروی،  ادریس کاندھلوی،  محمد شفیع عثمانی
پیشہ	عالم،  ماہر اسلامیات،  مصنف،  سیاست دان

ولادت

آپ 2 اگست 1926ء میں پیدا ہوئے۔

تعلیم

قرآن مجید لاہور میں حفظ کرنے کے بعد ابتدائی اور ثانوی تعلیم کے لیے مد رسہ مظاہر علوم سہارنپور میں داخلہ لیا۔ جہاں اسعداللہ رامپوری، عبد الرحمٰن کاملپوری اور مفتی جمیل احمد تھانوی سے استفادہ کیا۔ بعد ازاں دار العلوم دیوبند تشریف لے گئے اور 1947ء میں علمائے دین سید حسین احمد مدنی، علامہ محمد ابراہیم بلیاوی، مولانا رسول خان ہزاروی، مفتی شفیع عثمانی اور مولانا ادریس کاندھلوی سے تفسیر و حدیث اور فقہ و کلام کی تکمیل کرکے فراغت حاصل کی۔

تدریس

فراغت کے بعد مدرسہ مظہرالعلوم کراچی میں مدرس مقرر ہوئے۔ تقریباً 6 سال بعد لاہور تشریف لے گئے اور مصری شاہ کے ایک چبوترے پر درس دینا شروع کر دیا۔ تقریباً 10 سال تک درس قرآن دیا۔

بیعت و اجازت

آپ اپنے والد اور مشہور عالم دین مولانا احمد علی لاہوری سے بیعت ہوئے اور انہی سے خلافت ملی۔

مناصب

• والد کی رحلت کے بعد آپ انجمن خدام الدین لاہور کے صدر منتخب ہوئے۔
• 19 مارچ 1962ء کو علما کے فیصلہ کے مطابق آپ جانشین شیخ التفسیر قرار دیے گئے۔
• مدرسہ قاسم العلوم شیرانوالہ لاہور کے نگران اعلیٰ رہے اور ہفت روزہ خدام الدین کے سرپرست اعلٰ بھی تھے۔
• آخر وقت تک جمیعت علما اسلام کے نائب امیر بھی رہے۔

وفات

7 شعبان 1405ھ بمطابق مئی 1975ء بروز ہفتہ کو رحلت فرما گئے۔

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔