مرکزی مینیو کھولیں

پاکستانی کرکٹر فضل محمود 18 فروری، 1927 میں لاہور میں پیدا ہوئے۔ انہوں نے متحدہ ہندوستان میں شمالی پنجاب کی کرکٹ ٹیم سے رانجی ٹرافی میں حصہ لے کر فرسٹ کلاس کرکٹ کا آغاز کیا اور قیام پاکستان کے بعد 16 اکتوبر 1952 میں بھارت کے خلاف کھیل کر پاکستان ٹیم سے اپنا کیرئر شروع کیا اور دس سال بعد سولہ سے بیس اگست انیس سو باسٹھ میں انگلستان کے خلاف آخری ٹیسٹ میچ کھیل کر کرکٹ کو الوداع کہا۔

فضل محمود
Fazalmehmood.JPG
ذاتی معلومات
مکمل نام فضل محمود
بلے بازی دائیں ہاتھ سے
گیند بازی تیز رائٹ آرم
حیثیت گیند باز
بین الاقوامی کرکٹ
قومی ٹیم
پہلا ٹیسٹ (کیپ 3) 16 اکتوبر 1952  بمقابلہ  بھارت
آخری ٹیسٹ 16 اگست 1962  بمقابلہ  برطانیہ
کیریئر اعداد و شمار
مقابلہ فرسٹ کلاس ٹیسٹ
میچ 112 34
رنز بنائے 2662 620
بیٹنگ اوسط 23.35 14.09
100s/50s 1 / 13 -- / 1
ٹاپ اسکور *100 60
گیندیں کرائیں 9834 9834
وکٹ 466 139
بولنگ اوسط 18.96 24.70
اننگز میں 5 وکٹ 38 13
میچ میں 10 وکٹ 8 4
بہترین بولنگ 9/43 9/43
کیچ/سٹمپ 39 / -- 11 / --
ماخذ: [1]، 1 جنوری 2008

لکھنؤ میں پاکستان نے بھارت کے خلاف جو ٹیسٹ میچ جیتا اس میں فضل محمود نے چورانوے رنز دے کر بارہ وکٹیں لیں اور جیت میں اہم کردار ادا کیا۔

فضل محمود دائیں ہاتھ کے بلے باز اور دائیں ہاتھ سے گیند کرانے والے فاسٹ میڈیم باؤلر تھے۔ انہوں نے چونتیس ٹیسٹ میچوں میں ایک سو انتالیس وکٹیں حاصل کیں اور تیرہ اننگز ایسی ہیں جن میں انہوں نے پانچ وکٹیں حاصل کیں۔

انہوں نے ایک سو بارہ انٹرنیشنل میچ بھی کھیلے جن میں انہوں نے چار سو چھیاسٹھ وکٹیں حاصل کیں۔

فضل محمود نے اوول کے میدان پر انگلستان کے خلاف ننانوے رنز دے کر بارہ وکٹیں حاصل کیں اور پاکستان نے انگلینڈ (ایم سی سی) کے خلاف اپنا پہلا ٹیسٹ میچ جیتا۔ اس میچ میں ان کے لیگ کٹرز نے بہت شہرت حاصل کی۔

وہ آف کٹر اور لیگ کٹر دونوں طرح کی گیندیں کرانے کے لیے بہت مشہور تھے اور میٹ کی پچوں پر خاص طور سے بہت مؤثر باؤلر سمجھے جاتے تھے۔ گیند پر زبردست کنٹرول اور پچ پر مسلسل موومنٹ کرانا ان کا امتیاز سمجھا گیا۔

جب انیس سوپچپن میں انہیں وزڈن کرکٹ کھلاڑی آف دی ائیر کا خطاب دیا گیا تھا تو کہا گیا تھا کہ وہ مردوں اور لڑکوں کے ہیرو اور عورتوں کے دلوں کی دھڑکن ہیں۔ وہ اپنے وقت کے عمران خان تھے۔

30 مئی، 2005 کو لاہور میں دل کا دورہ پڑنے پر انتقال ہوا۔

حوالہ جاتترميم

متعلقہ مضامینترميم