لوئجی پیرآندیلو
لوئجی پیرآندیلو اطالوی: [luˈi:dʒi piranˈdɛllo]، (پیدائش: 28 جون 1867ء - وفات 10 دسمبر 1936ء) اٹلی کے بین الاقوامی شہرت یافتہ ڈراما نگار، افسانہ نگار اور ناول نگار اور 1934ء کے ادب کے نوبل انعام یافتہ مصنف ہیں[1]۔
| لوئجی پیرآندیلو | |
|---|---|
 پیرانڈیلو 1932ء میں | |
| پیدائش | 28 جون 1867 ایگریجینتو, صقلیہ, Italy |
| وفات | 10 دسمبر 1936 روم, اٹلی |
| پیشہ | مصنف |
| قومیت | اٹلی  |
| تعلیم | پی ایچ ڈی (فلسفہ) |
| مادر علمی | بون یونیورسٹی جرمنی، روم یونیورسٹی اٹلی |
| اصناف | ڈراما، افسانہ، ناول |
| نمایاں کام | چھ کردارخالق کی تلاش میں |
| اہم اعزازات | نوبل انعام برائے ادب 1934 |
| دستخط |  |
حالات زندگی و ابتدائی تعلیم
ترمیملوئجی پیرآندیلو 28 جون 1867ء کو سسلی، اٹلی میں گندھک کے تاجر کے گھر پیدا ہوئے۔[1] انھوں نے ابتدائی تعلیم گھر پر ہی حاصل کی۔ 1880ء میں پیآندیلو کے والدین سسلی کے صد مقام پالیرمو میں سکونت پزیر ہو گئے جہاں انھوں نے ہائی اسکول کی تعلیم مکمل کی۔
اعلیٰ تعلیم
ترمیم1887ء میں روم یونیورسٹی اٹلی، 1888ء میں بون یونیورسٹی جرمنی میں داخل ہوئے جہاں انھوں نے فلسفہ میں ڈاکٹریٹ کی ڈگری حاصل کی۔[2]
ادبی خدمات
ترمیملوئجی پیرآندیلو بہت بڑا ڈراما نگار تھا۔ ڈراموں کی شہرت کی وجہ سے اس کے افسانے طویل عرصہ لوگوں کی نظروں سے اوجھل رہے حالانکہ پیرآندیلو بتنا بڑا ڈراما نگار تھا، اتنا بڑا افسانہ نگار بھی تھا۔ اس نے اپنی زندگی میں 500 پانچ سو سے زائد کہانیاں لکھیں جو تیرہ مجموعوں کی صورت میں شائع ہو چکی ہیں۔ لوئجی پیرآندیلو آفاقی تاثیر رکھنے والا مصنف ہے۔ اس کی کہانوں میں انسانی رشتوں کی ان سچائیوں کا معنی خیز اظہار ہے جن سے معاشرہ تعمیر ہوتا ہے اور انسانی زندگی کا نقشہ بدل جاتا ہے۔ پیرآندیلو کا لازوال ڈراما "چھ کردارخالق کی تلاش میں" دنیائے ادب کے عظیم ڈراموں میں شمار کیا جاتا ہے۔ پیرآندیلو نے 50 سے زائد ڈرامے لکھے۔ اس کے علاوہ انھوں نے بے شمار افسانے، ناول اور شاعری کے مجموعہ تخلیق کے ۔[3]
اعزازات
ترمیملوئجی پیرآندیلو کی ادبی خدمات کے صلے میں 1934ء میں نوبل انعام برائے ادب دیا گیا[1]۔
وفات
ترمیمدنیائے ادب کے عظیم ڈراما نگار اور افسانہ نگار لوئجی پیرآندیلو 10 دسمبر 1936ء کو روم، اٹلی میں انتقال کر گئے[2]۔
حوالہ جات
ترمیم- ^ ا ب پ لوئجی پیرآندیلو، نوبل پرائز، نوبل فاؤنڈیشن، سویڈن
- ^ ا ب لوئجی پیرآندیلو، دائرۃ المعارف بریٹانیکا
- ↑ اردو ڈائجسٹ لاہور، فروری 2011ء، ص90