لینس ڈاؤن

چارلس کیتھ پٹی فٹزمورس مارکوئس لینس ڈاؤن پنجم المعروف لارڈ لنس ڈاؤن (انگریزی: Henry Petty-Fitzmaurice, 5th Marquess of Lansdowne) (پیدائش: 14 جنوری 1845ء - وفات: 3 جون 1927ء) برطانوی سیاست دان اورمشہور سفارت کار تھے۔ وہ حکومت برطانیہ کے ماتحت مختلف سیاسی و سفارتی عہدوں پر فائز رہے، جن میں وزیر خارجہ اور وزیر جنگ جیسے اہم عہدے شامل ہیں۔ اس کے علاوہ وہ 10 دسمبر 1888ء سے 11 اکتوبر 1894ء تک ہندوستان کے وائسرائے اور گورنر جنرل، 23 اکتوبر 1883ء سے 11 جون 1888ء تک کینیڈا کے گورنر جنرل متعین رہے۔ انھیں کے دور کانگریس کے قیام عمل میں آیا۔سکھر، پاکستان میں ان کے نام پر لینس ڈاؤن پل بھی موجود ہے۔

لینس ڈاؤن
آرڈر آف گارٹر
معلومات شخصیت
پیدائش	14 جنوری 1845ء   لندن
وفات	3 جون 1927ء (82 سال)  کلونمیل
شہریت	مملکت متحدہ
جماعت	لبرل یونینیسٹ پارٹی
مناصب
رکن ہاؤس آف لارڈ
برسر عہدہ 5 جولا‎ئی 1866  – 3 جون 1927
گورنر جنرل کینیڈا (5  )
برسر عہدہ 1883  – 1888
گورنر جنرل ہند
برسر عہدہ 1888  – 1894
لارڈ ڈفرن
ممبر آف دی پرائیوی کونسل آف دی یونائٹڈ اسٹیٹس
آغاز منصب 1895
غیر ملکی اور دولت مشترکہ امور کے سکریٹری خارجہ
برسر عہدہ 12 نومبر 1900  – 4 دسمبر 1905
سربراہ کنزرویٹو پارٹی
برسر عہدہ 1911  – 1916
عملی زندگی
مادر علمی	جامعہ اوکسفرڈ ایٹن کالج
تعلیمی اسناد	ایم اے
پیشہ	سیاست دان ،  گورنر ،  وائسرائے ،  وزیر دفاع ،  وزیر خارجہ
پیشہ ورانہ زبان	انگریزی
اعزازات
رائل وکٹورین چین (1905)  آرڈر آف گارٹر (1894)  نائیٹ گرینڈ کراس آف دی آرڈر آف سینٹ مائیکل اینڈ سینٹ جورج (1884)

حالات زندگی

لارڈ لنس ڈاؤن 14 جنوری 1845ء کو لندن، انگلستان میں پیدا ہوئے۔ 1876ء میں وہ لبرل پارٹی کے ارکان رہے۔ جب گلیڈسٹن سے آئرلینڈ سے متعلق پالیسی پر اختلاف ہو گیا تو وہ کنزرویٹو پارٹی میں جا ملے۔ 10 دسمبر 1888ء سے 11 اکتوبر 1894ء تک وہ ہندوستان کے وائسرائے رہے۔ اس سے پہلے کینیڈا کے گورنر جنرل بھی رہ چکے تھے۔ اسی زمانہ میں انھوں نے امریکا سے مچھلیاں پکڑنے کے مسئلہ پر اختلافات حل کرنے کی شروعات کی اور ریل (Reil) کی بغاوت کو کچلنے میں بھی کامیابی حاصل کی۔ ہندوستان سے جانے کے بعد وہ برطانیہ کی حکومت میں وزیرِ جنگ رہے۔ اس کے بعد وزیرِ خارجہ بنائے گئے اور جاپان، فرانس اور ریاستہائے متحدہ امریکا وغیرہ سے تعلقات بہتر اور مستحکم بنانے کی طرف قدم اٹھایا۔ پہلی جنگ عظیم کے دوران وہ جنگی کابینہ کے ارکان اور 1917ء میں اس نے اخباروں میں ایک کھلا خط شائع کرا کے جنگ کے جلد خاتمہ کے لیے راہ ہموار کی۔ لینس ڈاؤن جب ہندوستان میں وائسرائے تھے تب ہی ہندوستان کی تحریک آزادی نے نیا موڑ لیا۔ جنگ آزادی 1857ء کی رہنمائی زیادہ تر پرانے راجوں، راجواڑوں کے ہاتھ میں تھی،لیکن اب انگریزی اور جدید تعلیم یافتہ اور ابھرتے ہوئے سرمایہ داروں کا ایک نیا طبقہ پیدا ہو چکا تھا جو معاشی اصلاحات چاہتے تھے۔ اسے لارڈ رپن اور اس کے بعد کی لبرل پایسی سے تقویت ملی۔ یہ طبقہ ملک کے نظم و نسق میں اپناحصہ چاہتا تھا، چنانچہ 1885ء میں اپنی ایک باقاعدہ تنظیم آل انڈیا کانگریس کی بنیاد رکھی جس کی شاخیں چند ہی سال میں ملک بھر میں پھیل گئیں اور آگے چل کر اس نے ہندوستان کی تحریک آزادی میں ایک کلیدی کردار ادا کیا۔ لارڈ لینس ڈاؤن 3 جون 1927ء کو کلونمیل، کاؤنٹی ٹپاریری، آئرلینڈ میں وفات پا گئے۔