ٹونی بلیئر

سابق برطانوی وزیر اعظم۔

جناب محترم
ٹونی بلیئر
(انگریزی میں: Tony Blair)
مناصب
رکن مملکت متحدہ 49 ویں پارلیمان
رکن مدت 9 جون 1983  – 18 مئی 1987
منتخب در	مملکت متحدہ عام انتخابات 1983ء
پارلیمانی مدت	49ویں برطانوی پارلیمان
رکن مملکت متحدہ 5o وین پارلیمان
رکن مدت 11 جون 1987  – 16 مارچ 1992
منتخب در	مملکت متحدہ عام انتخابات 1987ء
پارلیمانی مدت	50ویں برطانوی پارلیمان
رکن مملکت متحدہ 51 وین پارلیمان
رکن مدت 9 اپریل 1992  – 8 اپریل 1997
منتخب در	مملکت متحدہ عام انتخابات 1992ء
پارلیمانی مدت	51ویں برطانوی پارلیمان
ممبر آف دی پرائیوی کونسل آف دی یونائٹڈ اسٹیٹس
آغاز منصب 1994
قائد حزب اختلاف
برسر عہدہ 21 جولا‎ئی 1994  – 2 مئی 1997
مارگریٹ بیکٹ   جان میجر
سربراہ لیبر پارٹی
برسر عہدہ 21 جولا‎ئی 1994  – 24 جون 2007
گورڈن براؤن
رکن مملکت متحدہ 52 وین پارلیمان
رکن مدت 1 مئی 1997  – 14 مئی 2001
منتخب در	مملکت متحدہ عام انتخابات 1997ء
پارلیمانی مدت	52ویں برطانوی پارلیمان
فرسٹ لارڈ آف دی ٹریسزری
برسر عہدہ 2 مئی 1997  – 27 جون 2007
معلومات شخصیت
پیدائش	6 مئی 1953ء (71 سال)  ایڈنبرا
شہریت	مملکت متحدہ
قد	1.83 میٹر
جماعت	لیبر پارٹی
زوجہ	شیری بلیئر (29 مارچ 1980–)
والد	لیو بلیئر
بہن/بھائی	ولیم بلیئر ،  سارہ بلیئر
عملی زندگی
مادر علمی	سینٹ جان کالج، اوکسفرڈ (–1976) سٹی لا کالج سینٹ پیٹرز بوائز اسکول
تخصص تعلیم	اُصول قانون
تعلیمی اسناد	بی اے
پیشہ	سیاست دان ،  سفارت کار ،  آپ بیتی نگار ،  وکیل
پیشہ ورانہ زبان	انگریزی
ملازمت	ییل یونیورسٹی
اعزازات
صدارتی تمغا آزادی   (2009)  فلاڈلفیا لبرٹی میڈل کانگریشنل گولڈ میڈل
ویب سائٹ
ویب سائٹ	باضابطہ ویب سائٹ،  باضابطہ ویب سائٹ
	IMDB پر صفحات

ابتدائی زندگی

انتھونی چارلس لِنٹن بلیئر اڈنبرا میں ہیزل اور لِیو بلیئر کے گھر پیدا ہوئے۔ وہ اپنے والدین کے دوسرے بیٹے تھے۔ انھوں نے اپنے ابتدائی چند سال آسٹریلیا کے شہر ایڈیلیڈ میں گزارے جہاں ان کے والد ایک یونیورسٹی میں قانون کی تعلیم دیتے تھے۔ ان کا خاندان پچاس کی دہائی کے آخر برطانیہ واپس آ گیا اور ٹونی بلیئر نے اپنے بچپن کے باقی سال ڈرہم میں گزارہ جہاں وہ کورِسٹراسکول میں زیر تعلیم تھے۔

فائل:Blairschool.jpg

بلیر اپنے اسکول کے ساتھیوں کے ساتھ

بورڈنگاسکول میں بلیئر کے اساتذہ انھیں ایک شرارتی اور باغی لڑکے کے طور پر جانتے تھے۔ اپنے اسکول کے دنوں میں بلیئر ایک باصلاحیت اداکار کے طور پر جانے جاتے تھے جو ہمیشہ سب کی توجہ کا مرکز بننا پسند کرتے تھے۔

بلیئر کے ہاؤس ماسٹر ایرک اینڈرسن کے مطابق وہ زندگی سے بھر پور اور رولز کو ٹسٹ کرنے کے ماہر تھے۔ سترہ سال کی عمر میں انہیںاسکول رولز کی مسلسل خلاف ورزی پراسکول سے خارج کرنے کی دھمکی دی گئی۔ بلیئر تین اے لیولز کے ساتھ فیلٹس سے فارغ التحصیل ہوئے اور انھوں نے سینٹ جانز کالج آکسفرڈ میں قانون کے شعبے میں داخلہ لیا۔

راک میوزک

انیس سو ساٹھ کے عشرے کے اواخر میں ٹونی بلیئر تمام نوجوانوں کی طرح راک میوزک کے دالدادہ تھے۔ وہ مِک جیگر کے بہت بڑے فین تھے اور خیالوں کی دنیا میں وہ خِود کو میوزک مینیجر یا پروموٹر کے روپ میں کامیابیاں حاصل کرتا دیکھتے تھے۔ آکسفرڈ میں تعلیم شروع کرنے سے پہلے انھوں نے آزادی کا ایک سال لندن میں گزارہ جہاں وہ سٹوڈنٹس کے ایک راک بینڈ کے مینیجر رہے۔ آکسفرڈ میں وہ قلیل عرصے تک ایک راک بینڈ اگلی ریومرز کے ساتھ بھی منسلک رہے۔

سنجیدگی

اس کے ساتھ ساتھ انھوں نے سنجیدہ موضوعات میں بھی دلچسپی لینا شروع کر دی۔ انھوں نے بائیں بازو کی سیاست کے بارے میں بحث میں حصہ لینا شروع کر دیا جو اس وقت کے لحاظ سے ایک غیر معمولی بات تھی۔ وہ اپنے مذہبی عقائد کے بارے میں بہت سنجیدہ ہو گئے۔ وہ ابھی آکسفرڈ میں ہی تھے جب ان کی والدہ کا کینسر کی وجہ سے انتقال ہو گیا۔ اس واقعے نے ان کی شخصیت پر گہرا اثر چھوڑا۔

وکالت

بلیئر نے آکسفرڈ سے قانون کی ڈگری سیکنڈ کلاس میں حاصل کی اور سن انیس سو چھہتر میں ڈیری اِرون کے چیمبر میں ٹرینی بیرسٹر بن گئے۔ ڈیری اِرون ہی ان کے پہلے لارڈ چانسلر بھی بنے۔

شادی

شیری بوتھ

یہیں ان کی ملاقات شیری بوُتھ سے ہوئی جو اِرون کے چیمبر میں ہی ٹرینی بیرسٹر تھیں۔ شیری نے فرسٹ کلاس میں قانون کی ڈگری حاصل کی اور وہ بلیئر کے مقابلے میں زیادہ ذہین سمجھی جاتی تھیں۔ ٹونی اور شیری بلیئر نے سن انیس سو اسی میں شادی کر لی اور مشرقی لندن کے علاقے ہیکنی میں ایک گھر لے کر اس میں آباد ہو گئے۔ ساتھ ساتھ انھوں نے مقامی لیبر پارٹی سیاست میں بھی دلچسپی لینا شروع کر دی۔

پہلی کامیابی

سن انیس سو اکیاسی میں اپنے سسر ٹونی بوتھ کے ذریعے انھوں نے لیبر رکنِ پارلیمینٹ ٹام پینڈرے سے رابطہ کیا اور خود رکنِ پارلیمینٹ بننے میں ان سے مدد کے لیے کہا۔ پینڈرے کے کہنے پر ہی وہ بیکنز فیلڈ کے حلقے سے لیبر کے امیدوار بنے۔ اگرچہ کنزرویٹو پارٹی کے گڑھ میں ان کے منتخب ہونے کا تو کوئی امکان نہیں تھا لیکن وہ لیبر لیڈر مائیکل فٹ کی توجہ حاصل کرنے میں کامیاب ہو گئے جو ان کے جذبے سے بہت متاثر ہوئے اور انھیں سیاست میں تابناک مستقبل کی نوید سنائی۔

ٹوٹی اور لیبر پارٹی

سن انیس سو تراسی کے عام انتخابات میں وہ سیجفیلڈ کے حلقے سے رکنِ اسمبلی منتخب ہوئے۔ ان کی اہلیہ شیری نے بھی انتخابات میں حصہ لیا لیکن وہ جیتنے میں ناکام رہیں۔ اپنے پارلیمنٹری کیریئر کے پہلے ہی سال انھیں گورڈن براؤن کی شکل میں ایک ایسا رفیق مِل گیا جو انھیں کی طرح لیبر پارٹی کو سیاست کے جدید تقاضوں سے ہم آہنگ کرنے کا مشن لیے ہوا تھا۔

گورڈن براؤن اور پیٹر مینڈلسن کے ساتھ ملکر بلیئر نے پارٹی کی غیر مقبول پالیسیوں کو بدل کے اسے دوبارہ عوام کے لیے قابل قبول بنانے کا بیڑا اٹھایا۔ انھوں نے اپنی نئی پالیسیوں میں فری مارکیٹ اکانومی اور سماجی انصاف کا امتزاج پیش کیا۔

بلیئر میڈیا میں لیبر پارٹی کے امیج کے بارے میں بہت فکر مند تھے۔ ان کے خیال میں سن انیس سو بانوے میں نیل کنیک کے وزیر اعظم نے بن پانے کا بنیادی سبب ٹیبلائڈ پریس کا معاندانہ رویہ تھا۔ اسی وجہ سے انھوں نے لیبرپارٹی کے تعلقات عامہ کے شعبے پر خاص توجہ دی اور سابق ٹیبلائڈ صحافی الیسٹر کیمبل کی خدمات حاصل کیں۔

وزیر اعظم

ان کی میڈیا پالیسی کامیاب ثابت ہوئی اور لیبر پارٹی نے سن انیس سو ستانوے میں ہونے والے عام انتخابات میں بے مثال کامیابی حاصل کی اور بلیئر صرف تینتالیس سال کی عمر میں وزیر اعظم منتخب ہو گئے۔ وہ گذشتہ دو سو سال میں برطانیہ کے سب سے کم عمر وزیر اعظم تھے۔

ٹونی بلیئر نے سن دو ہزار ایک اور دو ہزار پانچ میں ہونے والے عام انتخِابات میں بھی کامیابی حاصل کی اگرچہ کامیابی کا مارجن کو جیتی ہوئی نشستوں کی تعداد گھٹتی چلی گئی۔ عوامی سطح پر ان کی مقبولیت کو سب سے زیادہ دھچکا ان کی عراق پالیسی کی وجہ سے پہنچا جس نے انھیں امریکی پالیسی کے قریب اور عوام سے دور کر دیا۔ اس طرح سے انھوں نے 2006 میں اعلان کیا کہ وہ اقتدار سے الگ ہو جائیں گے۔ اور انھوں نے 27 جون 2007ء کو مستعفی ہونے کافیصلہ کیا۔ جس کے بعد جون 2007 میں ٹونی وزیر اعظم کے عہدے سے علاحدہ ہو گئے۔