پاویل آداموویچ

پاول بوگدان آداموویچ ((پولش: Paweł Bogdan Adamowicz)‏؛ 2 نومبر 1965 گدانسک – 14 جنوری 2019 گدانسک) پولینڈ کے ایک قانون دان اور سیاست دان تھے۔ وہ 20 سال تک مسلسل 6 مرتبہ گدانسک شہر کے میئر رہے۔ انھوں نے گدانسک یونیورسٹی سے قانون کی تعلیم حاصل کی اور اسی یونیورسٹی میں طلبہ تحریک میں شامل ہو کر 80 کی دہائی میں اپنے سیاسی سفر کا آغاز کیا۔1988 کی ہڑتال میں آداموویچ کا اہم کردار تھا۔

پاویل آداموویچ
(پولش میں: Paweł Adamowicz)
تفصیل=
میئر گدانسک
مدت منصب 26 اکتوبر 1998 – 14 جنوری 2019
تومش پوسادسکی الیکسیندرا دولکیے ویچ (نگران)
معلومات شخصیت
پیدائشی نام	(پولش میں: Paweł Bogdan Adamowicz)
پیدائش	2 نومبر 1965ء   گدانسک
وفات	14 جنوری 2019ء (54 سال)
وجہ وفات	تیز دھار ہتھیار کا وار
طرز وفات	قتل
شہریت	پولینڈ
جماعت	آزاد سیاست دان (2015–2019)
اولاد	2
تعداد اولاد	2
عملی زندگی
تعلیمی اسناد	ایم اے
پیشہ	سیاست دان ،  وکیل ،  استاد جامعہ
مادری زبان	پولش زبان
پیشہ ورانہ زبان	پولش زبان ،  روسی
اعزازات
لیجن آف آنر (2012)
دستخط
ویب سائٹ
ویب سائٹ	باضابطہ ویب سائٹ

وہ سوک پلیٹ فارم نامی سیاسی جماعت کے رکن تھے اور 1990 میں گدانسک شہر کی کونسل کے رکن اور منتخب ہوئے 1998 تک اسی عہدے پر رہے بعد ازاں شہر کے میئر منتخب ہوئے۔

آداموویچ نے سال 2018 میں 64.8 فیصد حمایت کے ساتھ ایک بار پھر سے میئر کا انتخاب جیتا اس سے پہلے 10 نومبر 2002 کو وہ 72 فیصد حمایت کے ساتھ دوسری مرتبہ میئر منتخب ہوئے تھے۔ ۔

آداموویچ 14 جنوری 2019 بعد عصر گدانسک میں ہونے والے گریٹ آرکسٹرا فار کرسمس چیریٹی میں شریک تھے کہ ایک ستائیس سالہ چاقو بردار شخص نے ان پر حملہ کر دیا جس کے نتیجے میں وہ شدید زخمی ہو گئے۔ انھیں فوری طور پر اسپتال منتقل کیا گیا جہاں پانچ گھنٹے تک ان کا آپریشن جاری رہا لیکن وہ دل اور اندرونی اعضاء پر لگنے والے شدید زخموں کی وجہ سے جانبر نہ ہو سکے اور اسی دن انتقال کر گئے۔