چودھری محمد اشفاق
چوہدری محمد اشفاق (پیدائش: 22 فروری 1945)، استحکام پاکستان پارٹی کے رکن ہیں، وہ پاکستان کی قومی اسمبلی اور پنجاب کی صوبائی اسمبلی کے رکن منتخب ہوئے۔ وہ پاکستانی صنعتکار میاں محمد لطیف ، چناب گروپ کے بانی ان کے بھائی ہیں۔ [1]
| چودھری محمد اشفاق | |
|---|---|
| معلومات شخصیت | |
| جماعت | پاکستان پیپلز پارٹی |
درستی - ترمیم  | |
سیاسی کیرئیر ترمیم
وہ 1988 کے عام انتخابات میں ٹوبہ ٹیک سنگھ سے پاکستان پیپلز پارٹی کے امیدوار کے طور پر رکن صوبائی اسمبلی پنجاب منتخب ہوئے۔ 1990 کے عام انتخابات میں انھیں شکست ہوئی۔ وہ 1993 کے عام انتخابات میں پاکستان پیپلز پارٹی کے امیدوار کے طور پر رکن قومی اسمبلی پاکستان منتخب ہوئے۔ 1997 کے عام انتخابات میں انھیں شکست ہوئی۔ بعد ازاں وہ پاکستان مسلم لیگ ن میں شامل ہو گئے۔ 2001 میں وہ ضلع ناظم ٹوبہ ٹیک سنگھ منتخب ہوئے۔ 2005 میں، وہ ضلع ناظم کے انتخاب میں چوہدری عبد الستار کے ہاتھوں شکست کھا گئے تھے جو پاکستان مسلم لیگ ن کے محمد جنید انور چوہدری کے دادا تھے۔ وہ 2008 کے پاکستانی عام انتخابات میں ایم این اے کی نشست پر پاکستان مسلم لیگ (ق) کے امیدوار کے طور پر پاکستان مسلم لیگ (ن) کے محمد جنید انور چوہدری کے ہاتھوں شکست کھا گئے تھے۔ وہ 2013 کے پاکستانی عام انتخابات میں پاکستان تحریک انصاف کے امیدوار کی حیثیت سے پاکستان مسلم لیگ (ن) کے محمد جنید انور چوہدری کے ہاتھوں دوبارہ ایم این اے کی نشست پر شکست کھا گئے۔ وہ 2018 کے پاکستانی عام انتخابات میں پاکستان تحریک انصاف کے امیدوار کی حیثیت سے پاکستان مسلم لیگ (ن) کے محمد جنید انور چوہدری کے ہاتھوں دوبارہ ایم این اے کی نشست پر شکست کھا گئے تھے۔ ; جس نے مسلسل تیسری بار کامیابی حاصل کی۔ 2023 میں انھوں نے استحکام پاکستان پارٹی میں شمولیت اختیار کی۔ ان کے سیاسی کیرئیر میں یہ پانچواں موقع ہے کہ انھوں نے وفاداریاں تبدیل کیں۔
حوالہ جات ترمیم
- ↑ "No rules in power politics"۔ DAWN.COM۔ January 17, 2006