چو یون فات

چو یون فات (سابقہ پیٹرک چو، پ۔ 18 مئی 1955ء) ایک ہانگ کانگی اداکار ہیں جو ایشیا میں فلم ساز جان وو کی ہنگامہ خیز خون ریز صنف کی فلموں آ بیٹر ٹومورو، دی کلر اور ہارڈ بوئلڈ میں کام کرنے اور مغرب میں کراؤچنگ ٹائیگر، ہیڈن ڈریگن میں لی مو بایی کا کردار اور پائیریٹز آف دی کیربین: ایٹ ورلڈز اینڈ میں ساؤ فینگ کا کردار نبھانے کے لیے مشہور ہیں۔ انھوں نے زیادہ تر دڑامائی فلموں میں کام کیا ہے اور بہترین اداکار کے لیے تین مرتبہ ہانگ کانگ فلم ایوارڈ اور تائیوان میں بہترین اداکار کے لیے دو مرتبہ گولڈن ہورس ایورڈ جیت چکے ہیں۔

چو یون فات
(Cantonese (Traditional Han script) میں: 周潤發)،(Chinese (Hong Kong) میں: 周潤發)،(انگریزی میں: Chow Yun-Fat)
معلومات شخصیت
پیدائش	18 مئی 1955ء (69 سال)  ہانگ کانگ
رہائش	کولون تونگ
شہریت	عوامی جمہوریہ چین (1 جولا‎ئی 1997–) برطانوی ہانگ کانگ (18 مئی 1955–30 جون 1997)
مذہب	بدھ مت
زوجہ	کینڈیس یو (1983–1984) جیسمین تان (1986–)
عملی زندگی
پیشہ	اداکار ،  منظر نویس ،  فلم اداکار ،  گلو کار ،  ماڈل ،  ٹیلی ویژن اداکار
مادری زبان	یوئی چینی
پیشہ ورانہ زبان	معیاری چینی ،  یوئی چینی ،  انگریزی ،  شنگھائی زبان
	IMDB پر صفحات

سنہ 2014ء میں چو ہانگ کانگ میں دوسرے سب سے زیادہ کمائی کرنے والے اداکار تھے، کمائی 170 ملین ہانگ کانگ ڈالر (21.9 ملین امریکی ڈالر) تھی۔ ذرائع کے مطابق ان کے پاس کل مالیت 5.6 بلین ہانگ کانگ ڈالر (714 ملین امریکی ڈالر) ہے۔

کتاب

26 جون 2008ء کو چو نے ہانگ کانگ میں اپنا پہلا تصویری مجموعہ جاری کیا، جس میں ان کی فلموں کے عکس بندی مقاموں پر لی گئی تصاویر شامل تھیں۔ کتاب سے آنی والی آمدنی انھوں نے 2008ء میں سیچوان میں آنے والے زلزلے کے متاثرین میں تقسیم کر دی۔ ان کی کتاب کا ناشر لوئیس وُئیٹن تھا، کتب وُئیٹن کے ہانگ کانگ اور پیرس میں واقع اسٹوروں میں فروخت ہوئی تھی۔

نجی زندگی

چو نے دو مرتبہ شادی کی؛ پہلی شادی سنہ 1983ء میں کینڈیس یو سے کی تھی جو ایک ٹیلی ویژن اداکارہ ہیں، یہ شادی نو مہینوں تک چل سکی۔ سنہ 1986ء میں چو نے ایک سنگاپوری خاتون جیسمین تان سے شادی کی۔ دونوں کی سنہ 1991ء میں بیٹی پیدا ہوئی۔ چو کی ایک دینی بچی (goddaughter)، سیلین این جی (Celine Ng) ہے جو چکی ڈک (Chickeeduck)، مک ڈونلڈز، ٹوائز 'آر' اَس اور دیگر کمپنیوں کے لیے چائلڈ ماڈل کے طور پر کام چکی ہیں۔