ہزارہ ایکسپریس حادثہ 2023ء

6 اگست 2023ء کو، 01:18 پر، کراچی سے راولپنڈی جانے والی ہزارہ ایکسپریس کی دس بوگیاں کراچی سے تقریباً 275 کلومیٹر (171 میل) دور نوابشاہ کے قریب پٹری سے اتر گئیں، جس میں 30 سے 35 افراد ہلاک 5 افراد ٹنڈو آدم کی راشد بوزدا کے ایک ہے گھر کے ہے اور 100 سے زیادہ زخمی ہوئے۔

ہزارہ ایکسپریس حادثہ 2023ء
تفصیلات
تاریخ	6 اگست 2023
محل وقوع	شہدادپور اور نوابشاہ کے درمیان، سندھ
ملک	پاکستان
لائن	کراچی–پشاور ریلوے لائن
آپریٹر	پاکستان ریلوے
حادثے کی قسم	ٹرین پٹری سے اترنا
اعداد و شمار
اموات	35–30
زخمی	100 سے زیادہ

پس منظر

فرسودہ نظام کی وجہ سے پاکستان کی ریلوے پر حادثے اور پٹری سے اترنا کوئی معمولی بات نہیں ہے۔ حکومت کو سادہ نظام اور عمر رسیدہ پٹریوں کو نظر انداز کرنے پر تنقید کا سامنا کرنا پڑتا ہے۔ 2021ء کا گھوٹکی ریل حادثہ ریل گاڑی کے پٹری کے اترنے سے ہوا تھا۔ اس سے ایک روز قبل علامہ اقبال ایکسپریس بغیر کسی جانی نقصان کے پٹری سے اتر گئی۔ مقامی خبر کے مطابق 2013ء سے 2019ء تک ٹرین حادثات میں 150 افراد ہلاک ہوئے۔

واقعہ

1:18 پر، کراچی سے سرگودھا جاتے ہوئے شہدادپور اور نوابشاہ کے درمیان، سرہڑی ریلوے اسٹیشن کے قریب ہزارہ ایکسپریس کی دس بوگیاں پٹڑی سے اتر گئیں۔ پوری ریل گاڑی میں تقریباً 1000 مسافر سوار تھے۔ زخمیوں کو نواب شاہ کے قریبی پیپلز ہسپتال میں داخل کیا گیا اور مرمتی عملے کے پہنچنے پر مین ریل پر آپریشن روک دیا گیا۔ تفتیش کار وجہ کا تعین کر رہے ہیں۔

مابعد

ریسکیو 1122، پاکستان ریلوے، پاکستان آرمی، رینجرز اور پولیس نے جائے حادثہ پر امدادی اور بچاؤ آپریشن کیا۔ بے نظیر آباد کے ڈپٹی انسپکٹر جنرل آف پولیس یونس چانڈیو نے بتایا کہ تباہ شدہ 10 میں سے 9 بوگیوں کو کلیئر کر دیا گیا ہے، زخمیوں اور لاشوں کو نکالا جا رہا ہے۔ ٹرین کے پٹری سے اترنے کی وجہ تاحال معلوم نہیں ہو سکی۔