ہیلین سییکوس

ہیلین سیکوس فرانسیسی نثر نگارہ، پروفیسر، شاعرہ اور ادبی تنقید نگارہ ہیں۔ ان کی وجہِ شہرت ان کا مضمون The Laugh of Medusa ہے۔ جو 1975ء میں شائع ہوا۔ اس مقالے میں انھوں نے عورتوں کو مخاطب کر کے لکھنے پر اکسایا ہے۔ ان کا کہنا ہے کہ یا تو عورتیں خود لکھیں، عورتوں کے لیے لکھیں اور اپنا آپ، اپنی تحریر میں لائیں، ورنہ وہ اس زبان کی وجہ سے جو ان کی اپنی نہیں اور نہ وہ اس میں اپنے وجود کا اظہار کر سکتی ہیں، ہمیشہ اپنے جسموں میں قید رہیں گی۔ انھوں نے 1968ء میں ادب میں ڈاکٹریٹ مکمل کیا، انگریزی ادب میں کام کیا اور اس کے بعد بے شمار ناول لکھے، ان کے تئیس شعری مجموعے، چھ مضامین پر مشتمل کتابیں، پانچ ڈرامے اور بے شمار اہم مقالے سامنے آ چکے ہیں۔ انھوں نے ایک کتاب وئیلیس دریدا کے ساتھ مل کر لکھی۔ لوسی اریگریرے اور جولیا کرستیوا کے ساتھ انھیں بھی پس ساختیاتی نسائیتی نظریے کی بانی شمار کیا جاتا ہے۔ انھوں نے جنسیت اور زبان کے تعلق پر بہت کام کیا ہے۔ انھوں نے یونیورسٹی آف پیرس میں نسائیتی مطالعات کے پہلے مرکز کی بنیاد رکھی۔ انھیں کوئینز یونیورسٹی، یونیورسٹی آف البرٹا کینیڈا، یونیورسٹی آف لندن، یونیورسٹی کالج ڈبلن جمہوریہ آئرلینڈ، یونیورسٹی آف یارک، جارج ٹاؤن یونیورسٹی، نارتھ ویسٹرن یونیورسٹی اور وسکانسن میڈیسن یونیورسٹی امریکا سے اعزای ڈگریاں دی گئی ہیں۔

Hélène Cixous
(فرانسیسی میں: Hélène Cixous)
Hélène Cixous, Sept. 2011.
معلومات شخصیت
پیدائش	(1937-06-05) 5 جون 1937 وہران، فرانسیسی الجزائر
شہریت	فرانس
عملی زندگی
پیشہ	شاعر ،  مضمون نگار ،  ڈراما نگار ،  حقوق نسوان کی کارکن ،  مصنفہ ،  زبان کا فلسفی ،  ادبی نقاد ،  استاد جامعہ ،  فلسفی ،  فلم اداکارہ
مادری زبان	فرانسیسی ،  جرمن
پیشہ ورانہ زبان	فرانسیسی ،  جرمن ،  انگریزی
شعبۂ عمل	نسائیت
نوکریاں	کورنیل یونیورسٹی ،  پیرس 8 وینسین-ساں-دونی یونیورسٹی
مؤثر شخصیات	سیگمنڈ فرائڈ ،  ژاک لاکاں ،  ژاک دریدا
اعزازات
لیجن آف آنر (1993)
	IMDB پر صفحہ

مزید دیکھیے

• نسائیت