ادا خان

ادا خان ایک بھارتی ٹیلی ویژن اداکارہ اور ماڈل ہے۔ وہ بہنیں میں اکاشی، امرت منتھن میں راج کماری امرت، پیا بسنتی رے میں پیا، ناگن میں ”شیشا“ اور پردیس میں ہے میرا دل میں اہانا کا کردار نبھانے کے لیے مشہور ہے۔ ناگن ٢ میں کام کرنے کے بعد اس نے یہ رشتہ کیا کہلاتا ہے (2018ء) میں ایک کیمیو بھی کیا۔

ادا خان
ادا خان باکس کرکٹ لیگ (2014ء) کی کامیابی کی پارٹی میں
معلومات شخصیت
پیدائش	(1989-05-12) 12 مئی 1989 ممبئی، مہاراشٹر، بھارت
قومیت	بھارتی
عملی زندگی
پیشہ	اداکارہ، ماڈل
دور فعالیت	2009—تاحال
	IMDB پر صفحہ

نجی زندگی

ادا خان کا جنم 12 مئی 1989ء میں بھارتی ریاست مہاراشٹر کے خوابوں کے شہر ممبئی میں ہوا۔ ادا خان نے نفسیات میں گریجویشن کیا ہے۔ اداکاری ادا خان کے خواب و خیال میں بھی نہ تھی۔ وہ اپنی سہیلیوں کے ساتھ ریسٹورنٹ میں بیٹھے ہوئی تھی کہ کسی نے اس کو پتلون کے ایک پرنٹ ایڈ کی پیشکش کی۔

کیریئر

ادا خان 2018ء میں ہولی پارٹی میں

ادا خان 12 مئی 1989ء کو ممبئی، مہاراشٹر میں پیدا ہوئی۔ ادا خان نے اپنا کیریئر ایک ماڈل کے طور پر شروع کیا۔ پھر اس نے کچھ اشتہارات کیے۔ اس نے سونی انڈیا کے ٹی وی شو پالمپور ایکسپریس میں کام کر کے اپنی اداکاری کا آغاز کیا۔

سنہ 2010ء میں ادا نے اسٹار پلس کے ڈرامے بہنیں میں اکاشی کا معاون کردار نبھایا۔ سنہ 2012ء میں ادا نے لائف اوکے کے شو امرت منتھن میں راج کماری امرت کور کا کردار نبھایا۔

اس نے یہ ہے عاشقی، کرائم پیٹرول، کوڈ ریڈ اور ساودھان انڈیا @ 11 میں بھی کام کیا۔ وہ ریالٹی شو ویلکم ٢ – بازی مہمان نوازی کی کا بھی حصہ تھی۔

سنہ 2014ء میں ادا نے سونی پل کے ڈرامے پیا بسنتی رے میں پیا کا کردار نبھایا۔ نومبر 2015ء میں ادا خان نے کلرز ٹی وی کے شو ناگن میں شیشا کا کردار نبھایا۔ شو ناگن نے بلند ٹی آر پی حاصل کی اور جون 2016ء میں ختم ہو گیا۔ اسی شو کا دوسرا سیزن بھی شروع ہوا جس میں ادا نے شیشا کا منفی کردار نبھایا اور یہ دوسرا سیزن بھی جون 2017ء میں ختم ہو گیا۔ اس نے کلرز ٹی وی کے شو کامیڈی نائٹس بچاؤ میں بھی کام کیا۔ اس نے باکس کرکٹ لیگ (2016ء) میں جے پور راج جوشیلے کی ٹیم کے لیے بھی کھیلا۔