اہلی شیرازی

اہلی شیرازی (پیدائش: 1454ء— وفات: 1535ء) پندرہویں اور سولہویں صدی کے فارسی زبان کے مشہور شاعر تھے کہ جن کا تعلق ایران کے شہر شیراز سے تھا۔ اہلی دربارِ شاہ اسماعیل صفوی سے منسلک مشہور شاعر تھے۔

اہلی شیرازی
معلومات شخصیت
پیدائش	سنہ 1454ء   شیراز
وفات	سنہ 1535ء (80–81 سال)  شیراز
مدفن	مزار حافظ شیرازی ،  شیراز
شہریت	ایران
عملی زندگی
پیشہ	شاعر
پیشہ ورانہ زبان	فارسی

سوانح

اہلی شیرازی کا پیدائشی نام محمد ابن یوسف تھا۔ اہلی 858ھ مطابق 1454ء میں شیراز میں پیدا ہوئے۔ ابتدائی تفصیلات پردۂ اخفا میں ہیں۔ البتہ وہ ابتدائی ماخذوں کے مطابق شیعہ خاندان سے تعلق رکھتے تھے اور دربارِ شاہ اسماعیل صفوی سے منسلک تھے جہاں وہ اہل بیت اور بزرگانِ اہل تشیع کی مدح سرائی کے لیے مشہور تھے۔

شاعری

اہلی غزل، رباعی اور قصیدہ کے استاد تھے۔اہلی کو اپنے کلام کی صوری و معنوی آرائش کا بہت خیال رہتا تھا۔ سحر ہلال اور شمع و پروانہ کے عنوان سے آپ کی دو مثنویاں موجود ہیں۔ پہلی مثنوی سحر ہلال شائع ہو چکی ہے۔ رباعیات کے مجموعے کو آپ نے ساقی نامہ کے عنوان سے مرتب کیا تھا۔ مثنوی سحر ہلال پہلی بار تہران سے 1899ء میں شائع ہوئی تھی۔

وفات

اہلی شیرازی نے 80 یا 81 سال کی عمر میں 942ھ مطابق 1535ء میں شیراز میں وفات پائی اور تدفین حافظ شیرازی کے جوار میں مزار حافظ شیرازی میں کی گئی۔

مزید دیکھیے

• اسماعیل صفوی
• حافظ شیرازی