بیتاب
بیتاب1983 کی ہندوستانی رومانوی فلم ہے جس کی کہانی جاوید اختر نے لکھی تھی اور اس کی ہدایتکاری راہل راول نے کی ہے جبکہ اس کے پروڈیوسر بکرم سنگ دہل تھے۔ اس فلم میں سنی دیول اور امریتا سنگھ نے اپنے فلمی زندگی کے پہلے کردار ادا کیے تھے۔ اس کی موسیقی راہول دیو برمن نے ترتیب دی تھی۔ یہ فلم اُس سال کی سب سے بڑی کامیاب فلموں میں سے ایک رہی۔ اس فلم کو 1987 میں رمیش بابو اور سونم کے ساتھ تلگو میں سمرت کے نام سے اور کناڈا میں 2011 میں کارتک کے نام سے دوبارہ بنایا گیا تھا۔
| بیتاب | |
|---|---|
 Movie Poster | |
| ہدایت کار | راہول راویل |
| پروڈیوسر | بکرم سنگھ دھل |
| تحریر | جاوید اختر |
| ستارے | سنی دیول امرتا سنگھ شمی کپور نروپا رائے پریم چوپڑا |
| موسیقی | راہول دیو برمن |
| سنیماگرافی | منموہن سنگھ |
تاریخ نمائش |
|
دورانیہ | 163 منٹ |
| ملک | بھارت |
| زبان | ہندی-اردو[1][2] |
| باکس آفس | ₹13.5 کروڑ[3] |
کہانی
ترمیمیہ فلم دو نوجوان دلوں کی پریم کہانی ہے جو اپنے خاندانوں کی سماجی حیثیت کا فرق سمجھے بغیر پیار کرنے لگتے ہیں۔ سنی ( سنی دیول ) ، ایک نوجوان ، غریب لڑکا ہے جو اپنی والدہ سمترا ( نیروپا رائے ) کے ساتھ اپنی کھیتی باڑی کی زمینوں پر رہتا ہے۔ اس کے والد ایوینش ایک بہت بڑے تاجر تھے ، لیکن وہ دیوالیہ ہو گئے۔ اور اسی وجہ سے خود کشی کی۔ ایوینش کے سردار دنیش سنگھ گرجی (شممی کپور ) کے ساتھ قریبی دوستی تھی جو شہر کے سب سے امیر اور طاقت ور افراد میں سے ایک ہے۔ جب سردار کو علم ہواکہ ایوینش دیوالیہ ہو چکا ہے ، تو اس نے اس کی طرف منہ موڑ لیا۔ سردار کی ایک بیٹی ہے جسے روما ( امرتا سنگھ ) کہتے ہیں۔ وہ اور سنی کے بچپن کے دوست ہیں۔
سردار گھوڑوں کا فارم خریدتا ہے ، جو سنی کی زرعی زمین کے قریب ہے۔ایک دن سنی اپنی ماں کے ساتھ ریلوے اسٹیشن گیا تو وہاں اسے روما نظر آئی ، ان دونوں نے ایک دوسرے کو کئی سالوں کے بعد دیکھا تھا۔ سنی نے اسے فوری طور پر پہچان لیا ، لیکن روما سنی کو نہ پہچان پائی۔ اس کے بعد ان دونوں کا اکثر آمنا سامنا ہوتا ہے۔ ان کا مسلسل جھگڑا رہتا ہے ، لیکن جلد ہی روما کو پتہ چل جاتا ہے کہ وہ اس کا بچپن کا دوست ہے ۔
ستارے
ترمیم- سنی دیولبطور سنی کپور
- امریتا سنگھ بطور روما سنگھ گرجی
- شمی کپور بطور سردار دنیش سنگھ گرجی
- نروپا رائےبطور سمترا دیوی
- پریم چوپڑا بطور بحوت
- انو کپور بطور چیلا رام
- سونو نگم سنی کپور کا بچپن
موسیقی و نغمات
ترمیماس فلم میں اپنے وقت کے 5 مقبول ترین گیت ہیں جو لتا منگیشکر اور شبیر کمار نے گائے ہیں ، جن کی موسیقی آر ڈی برمن نے ترتیب دی تھی
| نمبر. | عنوان | گلوکار | طوالت |
|---|---|---|---|
| 1. | "جب ہم جواں ہوں گے" | شبیر کمار, لتا منگیشکر | 7:10 |
| 2. | "تیری تصویر مل گئی" | شبیر کمار | 4:43 |
| 3. | "تم نے دی آواز" | شبیر کمار | 5:01 |
| 4. | "اپنے دل سے بڑی دشمنی کی" | شبیر کمار, لتا منگیشکر | 5:28 |
| 5. | "بادل یوں گرجتا ہے" | شبیر کمار, لتا منگیشکر | 5:39 |
ایوارڈ نامزدگی
ترمیمفلم فیئرمیں اس فلم کو متعدد زمروں میں نامزد کیا گیا تھا ، لیکن کوئی کامیابی حاصل نہیں کر سکی۔
- بہترین فلم
- بہترین ڈائریکٹر ۔ راہول رایل
- بہترین اداکار ۔سنی دیول
- بہترین کہانی ۔جاوید اختر
- بہترین میوزک ایوارڈ ۔ آر ڈی برمن
- فلم فیئر کا بہترین گانا کا ایوارڈ - آنند بخشی - "جب ہم جوان ہوں گے"
- فلم فیئر کا بہترین مرد پلے بیک ایوارڈ - شبیر کمار - "جب ہم جوان ہوں گے" اور "پربتوں سے آج "
انفرادیت
ترمیمسنٹرل بورڈ آف فلم سرٹیفیکیشن سے یو / اے درجہ بندی (والدین کی رہنمائی کے ساتھ ) کا سرٹیفیکیت حاصل کرنے والی یہ شاید پہلی ہندوستانی فلم تھی۔
حوالہ جات
ترمیم- ↑ Vinay Lal، Ashis Nandy (2006)۔ Fingerprinting Popular Culture: The Mythic and the Iconic in Indian Cinema۔ اوکسفرڈ یونیورسٹی پریس۔ صفحہ: 77۔ ISBN 0-19-567918-0
- ↑ Jāvīd Aḵẖtar، Nasreen Munni Kabir (2002)۔ Talking Films: Conversations on Hindi Cinema with Javed Akhtar۔ اوکسفرڈ یونیورسٹی پریس۔ صفحہ: 49۔ ISBN 978-0-19-566462-1۔
JA: I write dialogue in Urdu, but the action and descriptions are in English. Then an assistant transcribes the Urdu dialogue into Devnagari because most people read Hindi. But I write in Urdu.
- ↑ "Box Office 1983"۔ Box Office India۔ 15 January 2013۔ 15 جنوری 2013 میں اصل سے آرکائیو شدہ
بیرونی روابط
ترمیم- Betaab on IMDb