بیرم خان

بیرم خان ، ترک نسل کا ایک سردار اور بخارا کا باشندہ تھا۔ پہلے بابر اور پھر ہمایوں کا مصاحب اور سپہ سالار مقرر ہوا۔ ہمایوں کی جلاوطنی میں اس کے ساتھ ایران گیا۔ کابل فتح کے بعد اکبر کا اتالیق مقرر ہوا اور اکبر کو تخت نشین کرکے خود اس کا سرپرست بنا۔ اپنے چار سالہ دور حکومت میں پنجاب، اجمیر، گوالیار اور جون پور کے علاقے فتح کرکے سلطنت دہلی میں شامل کیے اور سرکش سرداروں کو مطیع کیا۔ 1560ء میں اٹھارہ برس کی عمر میں، اکبر نے عنان حکومت سنبھالی اور بیرم کو مکہ چلے جانے کا مشورہ دیا۔ لیکن اس نے پنجاب میں بغاوت کردی اور شکست کھائی۔ اکبر نے اس کی پچھلی کارگزاریوں کا لحاظ کرتے ہوئے بیرم خان کو معاف کر دیا اور پھر اس نے مکہ کا سفر باندھا۔ لیکن گجرات میں پٹنہ کے مقام پر کسی پٹھان نے ذاتی دشمنی کی بنا پر اسے 1561ء میں قتل کر دیا۔

بیرم خان
(فارسی میں: بيرام خان)
معلومات شخصیت
پیدائش	18 جنوری 1501ء  بدخشاں
وفات	31 جنوری 1561ء (60 سال)  پاٹن
وجہ وفات	لڑائی میں مارا گیا
شہریت	مغلیہ سلطنت
زوجہ	سلیمہ سلطان
اولاد	عبدالرحيم خان خاناں
عملی زندگی
پیشہ	ریاست کار،  فوجی افسر