رابرٹ موگابے

رابرٹ موگابے
(شونا میں: Robert Gabriel Mugabe)،(انگریزی میں: Robert Gabriel Mugabe)
مناصب
وزیر اعظمِ زمبابوے
	برسر عہدہ; 18 اپریل 1980 – 31 دسمبر 1987
ناوابستہ ممالک کی تحریک کا جنرل سیکریٹری (10 )
	برسر عہدہ; 6 ستمبر 1986 – 7 ستمبر 1989
	ذیل سنگھ
یانیز درنوشیک
صدرِ زمبابوے (2 )
	برسر عہدہ; 31 دسمبر 1987 – 21 نومبر 2017
	کنعان بنانا
ایمرسن منانگاگوا
چیئر پرسن آف دی آرگنائزیشن آف افریقن یونٹی
	برسر عہدہ; 2 جون 1997 – 8 جون 1998
	پال بیا
بلیز کمپاوغے
سربراہ افریقی اتحاد
	برسر عہدہ; 30 جنوری 2015 – 30 جنوری 2016
	محمد ولد عبد العزیز
ادریس دیبی
معلومات شخصیت
پیدائشی نام	(انگریزی میں: Robert Gabriel Mugabe)
پیدائش	21 فروری 1924ء
وفات	6 ستمبر 2019ء (95 سال)
وجہ وفات	سرطان
طرز وفات	طبعی موت
شہریت	زمبابوے
قد
جماعت	زمبابوے افریقن نیشنل یونین - پیٹری اوٹک فرنٹ (1987–2017)
زوجہ	گریس موگابے (17 اگست 1996–6 ستمبر 2019); سیلی ہیفران (اپریل 1961–27 جنوری 1992)
اولاد	بونا موگابے
تعداد اولاد
عملی زندگی
مادر علمی	اچیموٹا اسکول; جامعہ اوکسفرڈ; کوتما کالج; جامعہ جنوبی افریقا; یونیورسٹی آف لندن انٹرنیشنل پروگرامز
تخصص تعلیم	تعلیم اور ایڈمنسٹریشن
تعلیمی اسناد	بیچلر
پیشہ	سیاست دان
پیشہ ورانہ زبان	شونا، انگریزی
شعبۂ عمل	سیاست
عسکری خدمات
لڑائیاں اور جنگیں	دوسری کانگو جنگ
اعزازات
	کنفیوشس امن انعام (2015); آرڈر آف جمیکا (1996); یو تھانٹ امن ایوارڈ (1996); جی سی بی (1994); جواہر لعل نہرو ایوارڈ (1989); آرڈر آف جوز مارٹی (1985); آرڈر آف اگسٹو سیزر سنڈینو; آرڈر آف دی ریپبلک آف سربیا; آرڈر آف آگسٹنہو نیٹو
دستخط
	درستی - ترمیم

رابرٹ گابریل موگابے (21 فروری 1924ء – 6 ستمبر 2019ء)^[19] میں پیدا ہونے والے ایک زمبابوی انقلابی اور سیاست دان تھے، جو 1987ء کے بعد سے زمبابوے کے صدر رہے اور نومبر 2017ء میں ایک سیاسی ہلچل کے نتیجے میں معزول کر دیے گئے۔^[20] اس سے قبل وہ 1980ء سے لے کر 1987ء تک زمباوے کے وزیرِاعظم رہے وہ 1975ء سے 2017ء تک اپنی سیاسی جماعت کے چیئرمین رہے، نظریاتی طور پر ایک افریقن نیشنلسٹ، 1970ء اور 1980ء کی دہائی میں وہ خود کو مارکسٹ۔ لینینسٹ جبکہ 1990ء کی دہائی سے صرف ”سوشلسٹ“ قرار دیتے تھے، ان کی پالیسیوں کو موگابیزم کہا جاتا ہے۔^[21] موگابے جنوبی روڈیسیا میں ایک غریب شونا خاندان میں پیدا ہوئے۔ کوٹاما کالج اور یونیورسٹی آف فورٹ ہار سے تعلیم حاصل کرنے کے بعد انھوں نے جنوبی روڈیسیا، شمالی روڈیسیا اور غانہ میں بطورِ معلم فرائض انجام دیے۔ جنوبی روڈیسیا پر برطانوی سفید فام اقلیت کے نوآبادیاتی قبضے کے رد عمل کے طور پر موگابے نے اپنے حقوق کی جنگ لڑنے کے لیے مارکسزم کو قبول کر لیا اور ”سیاہ فام آزاد ریاست“ کے لیے افریقی قومی احتجاج میں حصہ لینا شروع کر دیا۔ حکومت کے خلاف تقریر کر نے کی پاداش میں موگابے کو بغاوت کا مجرم ٹھہرایا گیا اور 1964ء سے 1974ء تک پابندِ سلاسل کیا گیا، قید سے رہا ہونے کے بعد وہ موزمبیق چلے گئے وہاں اپنی جماعت زمبابوے افریقن نیشنل یونین کو تشکیل دیا اور روڈیسیا کی خانہ جنگی میں زمبابوے افریقن نیشنل یونین کے کردار کی قیادت کی جو آیان سمتھ کی سفید فام قابض حکومت کے خلاف تھی۔^[22]