شیاما

شیاما (خورشید اختر؛ ولادت: 7 جون 1935ء، لاہور - وفات: 14 نومبر 2017ء) ایک بھارتی فلمی اداکارہ تھیں۔ شیاما 1950ء اور 1960ء کی دہائی کی مشہور ترین ہندوستانی اداکارہ تھیں۔ شیاما نے متعدد فلموں میں اپنی اداکاری کے سبب شہرت پائی جن میں آر پار، برسات کی رات، ترانہ (1951ء) شامل ہیں۔ اِس کے علاوہ شیاما نے ساون بھادوں، دل دیا درد لیا، ملن، شاردا میں بہترین ایوارڈ حاصل کیے۔ شیاما اُس عہد میں ہدایتکاروں اور فلمسازوں کے لیے اور نئی موسیقی کی آمد کے لیے بہترین انتخاب تھیں۔ شیاما جب 14 سال کی تھیں تب انھوں نے فلمی دنیا میں قدم رکھا اور وہ بہت مشہور ہوئیں۔ شیاما کا اصلی نام خورشید اخترتها ۔ 1953ء میں ہدایت کار وجے بھٹ نے خورشید اختر کو شیاما کا فلمی نام دیا تھا۔

شیاما
(ہندی میں: श्यामा)
معلومات شخصیت
پیدائش	7 جون 1935ء لاہور، صوبہ پنجاب، برطانوی ہند، موجود پنجاب، پاکستان
وفات	14 نومبر 2017ء (82 سال)  ممبئی
وجہ وفات	متعدی امراض
شہریت	برطانوی ہند (–15 اگست 1947) ڈومنین بھارت (15 اگست 1947–26 جنوری 1950) بھارت (26 جنوری 1950–)
شریک حیات	فلی مستری (1953ء - 1979ء)
عملی زندگی
پیشہ	ادکارہ
پیشہ ورانہ زبان	ہندی
اعزازات
فلم فیئر اعزاز برائے بہترین معاون اداکارہ (برائے:شاردا (1957ء فلم)) (1958)
	IMDB پر صفحہ

1960ء میں وہ لاہور آئی تھیں جہاں ان کا پرتپاک استقبال کیا گیا۔ اس کے بعد شیاما 1990ء کی دہائی میں ایک بار پھر لاہور آئیں تھیں اور انھوں نے میڈم نور جہاں کے گھر قیام کیا۔

1958 میں فلم شاردا کے لیے ان کو فلم فیئر اعزاز برائے بہترین معاون اداکارہ سے نوازا گیا تھا۔

ابتدائی حالات

باغبانپورہ لاہور سے تعلق رکھنے والی شیاما کا اصل نام خورشید اختر ہے۔ ان کا تعلق لاہور کے متمول ارائیں خاندان سے ہے۔ شیاما 7 جون 1935ء کو لاہور میں پیدا ہوئیں۔ 1945ء میں چھوٹی عمر میں ہی وہ اپنے خاندان کے ہمراہ ممبئی منتقل ہوگئیں۔

پیشہ وارانہ زندگی

1945ء میں سید شوکت حسین رضوی اپنی فلم ’’زینت‘‘ کی شوٹنگ کر رہے تھے۔ اس شوٹنگ کو دیکھنے کے لیے شیاما اپنے اسکول کی دیگر طالبات کے ساتھ سٹوڈیو آئیں۔ وہاں ایک قوالی فلمائی جا رہی تھی۔ شوکت حسین رضوی نے انھیں بھی اس قوالی میں شامل کر لیا۔ یہ قوالی بعد میں بہت مقبول ہوئی۔ اس کے بول تھے ’’آہیں نہ بھریں، شکوہ نہ کیا‘‘۔ یہ وہی مشہور زمانہ قوالی تھی جس میں پہلی بار ششی کلا بھی جلواگر ہوئیں۔ انھیں میڈم نورجہاں کی سفارش پر شوکت رضوی نے اس قوالی کی ٹیم میں شامل کیا۔’زینت‘‘ نے پورے ہندوستان میں زبردست کامیابی حاصل کی اور پھر شیاما کا فلمی سفر شروع ہو گیا۔ ہدایت کار وجے بھٹ نے خورشید اختر کو 1953ء میں شیاما کا فلمی نام دیا تھا۔ شیاما بڑی خوش شکل تھیں۔ پرکشش نین نقش کی حامل اس اداکارہ نے بہت جلد لاکھوں فلم بینوں کے دل جیت لیے۔ وہ بلا کی ذہین تھیں اور کیمرے کا سامنا انتہائی اعتماد سے کرتی تھیں۔ ان کے بارے میں یہ بھی کہا جاتا ہے کہ وہ کیمرے سے نہیں بلکہ کیمرا ان کا سامنا کرنے سے گھبراتا تھا۔ اسے کہتے ہیں بلا کی ذہانت اور ناقابل یقین اعتماد۔ ان کی خیرہ کن صلاحیتوں نے ہر ہدایت کار کو متاثر کیا جن میں اے آرکاردار اور گورودت جیسے مہان ہدایتکار بھی شامل تھے۔ گورودت نے انھیں اپنی فلم ’’آرپار‘‘ میں کاسٹ کیا جس نے شیاما کوشہرت کی بلندیوں تک پہنچا دیا۔ اس فلم کے نغمات بھی بڑے خوبصورت تھے۔ ’’آرپار‘‘ 1954 میں ریلیز ہوئی۔ گیتادت کے گائے ہوئے شاہکار گیت شیاما پر پکچرائز ہوئے تو فلم بین مسحور ہو کے رہ گئے۔ شیاما کی ایک بہت بڑی خوبی یہ تھی کہ وہ گانا فلم بند کرانے میں اپنا ثانی نہیں رکھتی تھیں۔ ’’برسات کی رات‘‘ کو بھی ان کی بہترین فلموں میں شمار کیا جاتا ہے۔ مدھوبالا اور بھارت بھوشن کی موجودگی میں شیاما نے اعلیٰ کارکردگی کا مظاہرہ کیا۔ اس کے علاوہ جس فلم نے شیاما کو نئی فنی عظمتوں سے سرفراز کیا وہ ضیاسرحدی کی فلم ’’ہم لوگ‘‘ تھی۔ ’’ہم لوگ‘‘ کا ذکر کیے بغیر شیاما پر کچھ لکھنا بیکار ہے۔ اس فلم میں انھوں نے ایسا شاندار کام کیا جو ایک لمبے عرصے تک لوگوں کو یاد رہا۔ خاص طور پر ان پر پکچرائز کیا گیا یہ گیت ’’چھن چھن چھن باجے پائل موری‘‘ بہت سراہا گیا۔ اس گیت کو جس مہارت اور لگن سے شیاما نے پکچرائز کرایا وہ یقینا ناقابل فراموش ہے۔ اس فلم کی موسیقی روشن نے ترتیب دی تھی اور ایسا لگتا تھا کہ روشن نے اس فلم کی موسیقی کے لیے اپنا خون جگر تک دے دیا ہے… ان کی فلم ’’بھائی بھائی‘‘ بھی بہت مشہور ہوئی۔ اس میں ان پر عکس بند کیا گیا یہ گانا آج بھی کانوں میں رس گھولتا ہے جس کے بول تھے: ’’اے دل مجھے بتا دے، تو کس پر آ گیا ہے‘‘ اس گیت کی پکچرائزیشن بھی لاجواب تھی۔ شیاما نے 200 سے زائد فلموں میں کام کیا۔ ان کی مشہور فلموں میں’’ہم لوگ، برسات کی رات، ترانہ، ساون بھادوں، دل دیادرد لیا، ملن،پائل کی جھنکار، شاردا، کھیل کھیل میں، اجنبی، نیادن نئی رات، جی چاہتا ہے، تقدیر، بھابی، دل ناداں، پتنگا، شبنم، شرط، شری متی جی‘‘ اور دیگر کئی فلمیں شامل ہیں۔ ’’شاردا‘‘ میں انھیں بہترین معاون اداکارہ کا فلم فیئر ایوارڈ ملا…’’دل دیا درد لیا‘‘ اے آر کاردار کی فلم تھی جس میں دلیپ کمار، وحید رحمان، رحمان اورپران جیسے اداکار تھے لیکن اس فلم میں شیاما نے بھی اپنی موجودگی کا احساس دلایا۔ بلاشبہ وہ 50ء اور60ء کی دہائی کی اہم اداکارہ تھیں۔1953ء میں انھوں نے ایک سینماٹوگرافر سے شادی کرلی تھی۔ ان کے دوبیٹے اور ایک بیٹی ہے۔ 1979ء میں ان کے شوہر کا انتقال ہو گیا۔1960ء میں وہ لاہور آئی تھیں جہاں ان کا پرتپاک استقبال کیا گیا۔ اس کے بعد وہ 90ء کی دہائی میں بھی ایک بار لاہور آئی تھیں اور میڈم نور جہاں کے گھر قیام کیا۔ شیاما کے ان گنت مداحین آج بھی بھارت اور پاکستان میں ہیں اور وہ آج بھی شیاما کے فن کی تحسین کرتے ہیں۔ یہاں ہم شیاما کی ایک اہم فلم ’’پتنگا‘‘ کا ذکر ضرور کریں گے۔’’پتنگا‘‘ اپنے زمانے کی مشہور ترین فلموں میں سے ایک تھی۔ اس میں شیام (ساحر ہ کاظمی کے والد)، نگار سلطانہ (کے آصف کی اہلیہ) پورنیما، یعقوب اور گوپ جیسے منجھے ہوئے فنکاروں کے ساتھ شیاما نے بڑے اعتماد سے کام کیا اور بے شمار فلم میکرز کو متاثر کیا۔ یہ تقدیر کے کھیل ہیں۔ ذرا سوچئے کہ اگر 1945ء میں خورشید اختر ’’زینت‘‘ کے سیٹ پر نہ آتیں اور شوکت رضوی انھیں اپنی قوالی میں شامل نہ کرتے تو آج وہ ایک عام ضعیف العمر عورت کی طرح زندگی گزار رہی ہوتیں۔ شیاما کی عمر اس وقت 80 برس ہو چکی ہے۔ اور وہ ممبئی میں رہائش پزیر ہیں۔ وہ اپنے فلمی کیریئر سے مطمئن ہیں اور نئی نسل کے فنکاروں کی بھی بھرپور حوصلہ افزائی کرتی ہیں۔ انھوں نے اپنے دور میں جتنا کام کیا اس کی ہر صورت توصیف کرنی چاہیے۔

بحیثیتِ اداکارہ

شیاما کو ہدایت کار اور فلمساز شوکت حسین رضوی نے زینت (1945ء) سے فلموں کے پردہ پر متعارف کروایا، اِس فلم میں نور جہاں (گلوکارہ) بطور اداکارہ کام کر رہی تھیں۔ شیاما کو فلم زینت (1945ء) میں 10 روپے معاوضہ ملا تھا۔ 1954ء کی فلم آر پار سے اُن کی شہرت میں مزید چار چاند لگ گئے۔ علاوہ ازیں برسات کی رات (1960ء)، شاردا (1957ء)، ترانہ (1951ء) میں بھی وہ بحیثیتِ اداکارہ شہرت کی بلندیوں کو پہنچیں۔ اُن کی شہرت دنیا بھر میں فلم بھابھی 1957ء سے ہوئی جبکہ تمام ہندوستان میں اُن کی شہرت آر پار 1954ء سے ہوئی تھی۔1954ء میں فلم آر پار میں شیاما کی جوڑی گرو دت کے ساتھ بہت پسند کی گئی۔ علاوہ ازیں شیاما جانی واکر، اداکار کے ساتھ بھی بحیثیت اداکارہ نظر آئیں۔ 1957ء میں شیاما کے ساتھ راج کپور کی جوڑی بہت پسند کی گئی۔1950ء اور 1960ء کی دہائی میں مشہور و مقبول رہنے والی اِس اداکارہ نے کل 200 فلموں میں کام کیا۔

اُن پر فلمائے گئے متعدد گیت مشہور ہوئے، جن میں سے چند یہ ہیں:

• اے دل مجھے بتا دے (فلم: بھائی بھائی 1956ء)۔
• او ! چاند جہاں وہ جائے (فلم: شاردا 1957ء)۔
• اے لو میں ہاری پیا (فلم: آر پار 1954ء)۔
• دیکھو وہ چاند چھپ کے کرتا ہے اِشارے (فلم: شرط 1954ء)۔
• چھپا کر میری آنکھوں کو (فلم: بھابھی 1957ء)۔
• جا رے کارے بادرا (فلم: بھابھی 1957ء)۔

ازدواجی زندگی

1953ء میں شیاما کی شادی فلی مستری سے ہوئی۔ یہ شادی 1979ء تک قائم رہی۔ 1979ء میں فلی مستری کے انتقال کے بعد شیاما ممبئی میں اپنی وفات تک رہائش پزیر تھیں۔

وفات

شیاما 14 نومبر 2017ء کو 82 برس کی عمر میں پھیپھڑوں کے انفیکشن کی وجہ سے انتقال کر گئیں۔ ان کو ممبئی کے بڑا قبرستان میں دفن کیا گیا۔ ان کے دو بیٹے تھے اور ایک بیٹی تھی۔

فلمیں

فلم	سال	کردار	تبصرہ
زینت	1945	-	بطور چائلڈ آرٹسٹ
پروانہ	1947	-	بنام: بے بی خورشید
جلسہ	1948	-	-
گرہستی	1948	-	-
شاعر	1949	شمع دلاری	-
شبنم	1949	-	-
روپ لیکھا	1949	-	-
پتنگا	1949	-	-
ناچ	1949	-	-
جان پہچان	1950	-	-
سبق	1950	-	-
نشانہ	1950	-	-
نیلی	1950	-	-
ڈولتی نیا	1950	-	-
سزا	1951	کامنی	-
ترانہ	1951	شیلا	-
ہم لوگ	1951	شیفالی	-
شریمتی جی	1952	اندرا/چترا	-
نشان ڈنکا	1952	-	-
مدر	1952	مینا	-
بدنام	1952	-	-
آسمان	1952	-	-
ٹھوکر	1953	-	-
سہاگ سیندور	1953	-	-
شیاما	1953	-	-
لہریں	1953	-	-
کوڑے شاہ	1953	-	-
گلِ صنوبر	1953	-	-
دلِ ناداں	1953	آشا	-
چار چاند	1953	-	-
لاڈلا	1954	-	-
تلسی داس	1954	رتنا والی ڈی پاٹھک	-
شرط	1954	کامنی / بینو	-
ساودھان	1954	-	-
سلطنت	1954	پی پی	-
پیاسے نین	1954	-	-
پیپلی صاحب	1954	-	-
پنشنر	1954	-	-
لاڈلا	1954	-	-
مجبوری	1954	-	-
خوشبو	1954	-	-
ہار جیت	1954	-	-
دھوپ چھاؤں	1954	-	-
دروازہ	1954	-	-
آر پار	1954	نکی	-
تیس مار خان	1955	-	-
تاتر کا چور	1955	-	-
بھگوت مہیما	1955	-	-
شاہی مہمان	1955	-	-
مسافر خانہ	1955	مالا	-
خاندان	1955	-	-
حسینہ	1955	-	-
ہی ہا ہی ہی ہو ہو	1955	-	-
گھر گھر میں دیوالی	1955	کنچن	-
گھمنڈ	1955	-	-
دو دولہے	1955	-	-
چار پیسے	1955	سیما بخشی	-
شیخ چلی	1956	-	-
مکھی چوس	1956	لکشمی	-
انقلاب	1956	-	-
چھومنتر	1956	سانولی	-
بھائی بھائی	1956	سنگیتا	-
جانی واکر	1957	چندرا کرپلانی	-
تاج پوشی	1957	-	-
سنورنا سندری	1957	-	-
شاردا	1957	چنچل	-
مرزا صاحباں	1957	صاحباں	-
مائی باپ	1957	-	-
جنت	1957	-	-
ہل اسٹیشن	1957	-	-
دنیا رنگ رنگیلی	1957	نرملا	-
بھابھی	1957	تارا	-
بندی	1957	شنکر کی بیوی	-
تقدیر	1958	-	-
مسٹر کارٹون ایم اے	1958	-	-
لالہ رخ	1958	شہزادی	-
امر سمادھی	1958	-	-
تیسری گلی	1958	-	-
پنچائت	1958	سُشیلا	-
کھوٹا پیسہ	1958	رُوپا	-
خزانچی	1958	اُوشا	-
گوپی چند	1958	-	-
چندن	1958	-	-
مسٹر جان	1959	-	-
جعل ساز	1959	-	-
دو بہنیں	1959	وسنت ماتھر/ مالتی ماتھر	-
چھوٹی بہن	1959	شوبھا	-
بس کنڈکٹر	1959	-	-
باپ بیٹے	1959	-	-
ٹرنک کال	1960	-	-
پولیس ڈیٹیکٹیو	1960	-	-
اپنا گھر	1960	-	-
نئی ماں	1960	-	-
کالا آدمی	1960	-	-
دنیا جھکتی ہے	1960	لکشمی	-
برسات کی رات	1960	شمع	-
ولائت پاس	1961	-	-
سارا جہاں ہمارا	1961	-	-
زبک	1961	زینب	-
راز کی بات	1962	رنجنا	-
اسی کا نام دنیا ہے	1962	کملا	-
کمرشل پلاٹ آفیسر	1963	-	-
گھر بسا کے دیکھو	1963	مونا مہرا	-
بہو رانی	1963	چندا	-
جی چاہتا ہے	1963	-	-
جانور	1965	سیما شری واستو	-
لال بنگلا	1966	بیلا	-
دل دیا درد لیا	1966	مالا	-
ملن	1967	گوری کی سوتیلی ماں	-
ملن کی رات	1967	گووند کی بیوی	-
میرا بھائی میرا دشمن	1967	-	-
مہرباں	1967	منگلا رام سواروپ	-
آگ	1967	-	-
ایک رات	1968	بیلا	-
بیٹی	1969	کملا ورما	-
بالک	1969	تارا داس	-
مستانہ	1970	چمپا کلی/ مسز دھنراج	-
ساون بھادوں	1970	سلوچنا دیوی	-
کنگن	1971	چمپا کلی	-
رت رنگیلی آئی	1972	برج بالا	-
گومتی کے کنارے	1972	مسز شیاما داس	-
زندگی زندگی	1972	مسز شرما	-
شادی کے بعد	1972	بسنتی کی ماں	-
پربھات	1973	چمپا بائی	-
خون خون	1973	-	-
سورج اور چندا	1973	ملکہ	-
ہنی مون	1973	لکشمی چودھری	-
نیا دن نئی رات	1974	کوٹھے والی	-
اجنبی	1974	شمع	-
مدہوش	1974	پدما بائی	-
سیوک	1975	-	-
چیتالی	1975	ہیرا بائی	-
کھیل کھیل میں	1975	-	-
کھیل کھلاڑی کا	1977	مسز خیراتی لال	-
پائل کی جھنکار	1980	-	-
ماسٹر جی	1985	شانتی	-
میرا کرم میرا دھرم	1987	نیلا کی ماں	-
چنتا منی سورداس	1988	-	-
ہتھیار	1989	-	-

ماخوذ از، انٹرنیٹ مووی ڈیٹابیس

متعلقہ روابط

• بھارتی فلمی اداکارا ؤں کی فہرست
• بھارتی سنیما

  بیرونی روابط

  • انٹرنیٹ مووی ڈیٹابیس (IMDb) پر شیاما
  • Shyama Filmographyآرکائیو شدہ بذریعہ upperstall.com Upperstall
  • Shyama Profileآرکائیو شدہ بذریعہ cineplot.com Cineplot
  • Remembering Shyama’s eternal legacy

  حوالہ جات