شیر افضل جعفری
اردو اور پنجابی کے پاکستانی شاعر
شیر افضل جعفری (پیدائش: یکم ستمبر 1909ء - وفات: 22 جنوری 1989ء) پاکستان سے تعلق رکھنے والے اردو اور پنجابی زبان کے ممتاز شاعر تھے۔ وہ جھنگ کے ملنگ شاعر کے نام سے یاد کیے جاتے تھے۔
| شیر افضل جعفری | |
|---|---|
 | |
| پیدائش | شیر محمد یکم ستمبر 1909ء جھنگ، صوبہ پنجاب |
| وفات | 22 جنوری 1989ء (79 سال) جھنگ، پنجاب، پاکستان |
| آخری آرام گاہ | قبرستان شہیدین، جھنگ |
| قلمی نام | شیر افضل جعفری |
| پیشہ | شاعر |
| زبان | اردو، پنجابی |
| نسل | پنجابی |
| شہریت |  پاکستانی |
| اصناف | غزل، نظم، سلام، نعت، مرثیہ، منقبت |
| نمایاں کام | سانولے من بھانولے موج موج کوثر |
پیدائش
ترمیمشیر افضل جعفری یکم ستمبر 1909ء کو جھنگ، برطانوی ہند کے صوبہ پنجاب میں پیدا ہوئے[1][2][3]۔ ان کا اصل نا م شیر محمد تھا۔ وہ اردو اور پنجابی زبان کے ایک منفرد لب و لہجے کے شاعر تھے خصوصاً وہ اپنی اردو شاعری کو جس طرح پنجابی زبان کے خوب صورت الفاظ سے ہم آمیز کرتے تھے وہ انہی کا خاصا تھا۔ ان کے شعری مجموعوں میںسانولے من بھانولے، چناب رنگ، شہر سدا رنگ اور موج موج کوثر کے نام شامل ہیں۔[1]
تصانیف
ترمیم- سانولے من بھانولے
- موج موج کوثر
- شہر سدا رنگ
- چناب رنگ
نمونۂ کلام
ترمیمغزل
| جلوہ بے مایہ تھا چشم و نظر سے پہلے | زیست اک حادثہ تھی قلب و جگر سے پہلے | |
| وحی اتری دل بے تاب کی تشکیل کے بعد | عشق تعمیر ہوا علم و ہنر سے پہلے | |
| عین فردوس میں جل اٹھا تھا آدم کا شباب | آگ برسی تھی یہیں دیدۂ تر سے پہلے | |
| زندگی مزرع تکلیف و سکوں ہے افضل | شام اُگتی ہے یہاں نورِ سحر سے پہلے [4] |
وفات
ترمیمشیر افضل جعفری 22 جنوری، 1989ء کو جھنگ،پاکستان میں وفات پاگئے۔ وہ جھنگ میں قبرستان شہیدین میں آسودۂ خاک ہیں۔[1][2][5][3]
حوالہ جات
ترمیم- ^ ا ب پ عقیل عباس جعفری، پاکستان کرونیکل، ورثہ / فضلی سنز، کراچی، 2010ء، ص 645
- ^ ا ب شیر افضل جعفری، سوانح و تصانیف ویب، پاکستان
- ^ ا ب ڈاکٹر محمد منیر احمد سلیچ، وفیات ناموران پاکستان، لاہور، اردو سائنس بورڈ، لاہور، 2006ء، ص 412
- ↑ جلوہ بے مایہ تھا چشم و نظر سے پہلے (غزل)، شیر افضل جعفری، ریختہ ویب، بھارت
- ↑ محمد شیر افضل جعفری، ڈاکٹر غلام شبیر رانا، ہماری ویب، پاکستان