طاہر تونسوی

ڈاکٹر
طاہر تونسوی
معلومات شخصیت
پیدائش	سنہ 1948ء ; تونسہ
وفات	31 دسمبر 2019ء (70–71 سال) ; ملتان ، پاکستان
شہریت	پاکستان
عملی زندگی
مادر علمی	جامعہ پنجاب ; اورینٹل کالج لاہور
تعلیمی اسناد	پی ایچ ڈی
ڈاکٹری مشیر	خواجہ محمد زکریا
پیشہ	محقق ، شاعر ، ادبی نقاد ، پروفیسر
پیشہ ورانہ زبان	اردو ، سرائیکی
شعبۂ عمل	تحقیق ، ادبی تنقید ، غزل ، سوانح ، سرائیکی ادب
ملازمت	جامعہ بہاؤ الدین زکریا ، یونیورسٹی آف سرگودھا
	باب ادب
	درستی - ترمیم

پروفیسر ڈاکٹر طاہر تونسوی اردو اور سرائیکی کے ممتاز محقق، ادیب، شاعر، نقاد اور پروفیسر تھے۔

حالات زندگی

ان کا اصل نام حفیظ الرحمٰن طاہر تھا۔ وہ 1948ء میں تونسہ شریف، ضلع ڈیرہ غازی خان، پاکستان میں ملک خدا بخش محمود کے گھر پیدا ہوئے۔ ڈیرہ غازی خان سے میٹرک، گورنمنٹ کالج ملتان سے انٹرمیڈیٹ اور اورینٹل کالج لاہور سے ایم اے (اردو) کیا۔ ڈاکٹر خواجہ محمد زکریا کی زیرِ نگرانی جامعہ پنجاب سے سید مسعود حسن رضوی- احوال و آثار کے عنوان سے مقالہ لکھ کر پی ایچ ڈی کی ڈگری حاصل کی۔ 1974ء میں محکمہ تعلیم سے وابستہ ہوئے اور مختلف کالجوں میں تعینات رہے۔ ملتان تعلیمی بورڈ کے چیئرمین اور ملتان ڈویژن کے ڈائریکٹر ایجوکیشن بھی رہے۔ گورنمنٹ کالج لاہور، بہاء الدین زکریا یونیورسٹی، یونیورسٹی آف سرگودھا اور گورنمنٹ کالج یونیورسٹی فیصل آبادکے شعبہ اردو سے بھی وابستہ رہے۔^[1]

ڈاکٹر طاہر تونسوی 31 دسمبر 2019ء کو ملتان، پاکستان میں انتقال کر گئے۔

↑ ڈاکٹر محمد منیر احمد سلیچ،ادبی مشاہیر کے خطوط، قلم فاؤنڈیشن انٹرنیشنل لاہور، 2019ء، ص 197