قرضوں کی معافی (پاکستان)

پاکستان میں بااثر افراد حکومت کی ملی بھگت سے بینکوں سے بڑے بڑے قرضے لیتے ہیں اور پھر انھیں معاف کرا لیتے ہیں۔ غریب عوام کا پیسہ سیاست دانوں اور رئیسوں کو منتقل کرنے کا یہ نہایت ہی بھونڈا طریقہ ہے۔

دورانیہ	کتنے قرضے معاف ہوئے
1971ء سے 1991ء تک	2.3 ارب روپے
1991ء سے 2009ء تک	84.6 ارب روپے
2009ء سے 2015ء تک	345.4 ارب روپے

اخبار نوائے وقت

اخبار نوائے وقت میں ضیا الحق سرحدی لکھتے ہیں کہ جب وفاقی حکومت نے 1990ء سے 2015ء تک کے قرضے معاف کروانے والوں کی فہرست ایوان بالا (سینیٹ) میں پیش کری تو معلوم ہوا کہ پچھلے 25 سالوں میں 988 سے زائد کمپنیوں اور شخصیات نے 4 کھرب، 30 ارب 6 کروڑ روپے کے قرضے معاف کرائے۔ ان میں 19 کمپنیاں یا افراد ایسے ہیں جنھوں نے ایک ارب روپے سے زیادہ کا قرضہ معاف کروایا۔

قرضہ معاف کروانے والا	کب معاف ہوا	کتنا قرضہ معاف ہوا
عبد اللہ پیپرز پرائیویٹ لمیٹڈ	2015ء	ایک کھرب 54 ارب 84 کروڑ 73 لاکھ روپے معاف کرائے
یونس حبیب۔ مہران بینک	1997ء	2 ارب 47 کروڑ روپے معاف کرائے
سابق چیئرمین نیب سیف الرحمن خان	2006ء	ایک ارب 16 کروڑ 67 لاکھ روپے معاف کرائے
چوٹی ٹیکسٹائل ملز	2008ء	30 کروڑ روپے معاف کرائے
سپیرئرٹیکسٹائل ملز پرائیویٹ لمیٹڈ (جہانگیر خان ترین)		24کروڑ75لاکھ روپے
سابق اسپیکر فہمیدہ مرزا	2007ء	7 کروڑ روپے کا قرضہ معاف کرایا
فوجی سیمنٹ	2004ء	پانچ کروڑ سے زائد کا قرضہ معاف کرایا
صادق آباد ٹیکسٹائل ملز (شیریں مزاری)	2002ء	5کروڑ سے زائد کا قرض معاف کرایا

"آئین پاکستان موجود ہونے کے باوجود، ریاست پاکستان میں قانون کا نفاذ سب کے لیے برابر نہیں۔ ملک کے خزانے پر ہاتھ صاف کرنے والی بڑی مچھلیاں قانون کے آہنی شکنجے سے کیسے بچ نکلتی ہیں؟ صد افسوس پاکستان میں بڑے مگرمچھ قانون کی گرفت سے صاف بچ نکلتے ہیں۔ بظاہر قانون کی نظر میں سب براب رہیں مگرعملاً ایسا نہیں۔"

اقتباس

سربراہ حکومت	دورانیہ	کتنے قرضے معاف ہوئے
بینظیر بھٹو (دوسرا دور)	اکتوبر 1993ء سے نومبر 1996ء	3.5 ارب روپے کے قرضے معاف ہوئے
جنرل پرویز مشرف	1999ء سے 2008ء	59 ارب روپے کے قرضے معاف ہوئے
آصف علی زرداری	2008ء سے 2013ء	124 ارب روپے معاف ہوئے
میاں برادران		280 ارب روپے کے قرضے معاف ہوئے

"وطن عزیز کے آئین کی شقN 63۔(1) کے مطابق 20 لاکھ روپے سے زائد کا قرضہ معاف کروانے والا اور اس کے افراد خانہ رکن اسمبلی منتخب نہیں ہو سکتے۔ اس واضح پابندی کے باوجود جانے ہمارے سیاست دانوں کے پاس وہ کون سی گیڈر سنگھی ہے جس کی دلفریب مہک کا اثرنہ تو ان کے کاغذات نامزدگی کی جانچ پرکھ کرنے والے ریٹرنگ افسران پر ہوتا ہے اور نہ ہی الیکشن کمیشن کی سکرونٹی انھیں قرضہ معاف کروانے کی بنا پر نااہلی کا آئینہ دکھا پاتی ہے۔

شاید یہی وجہ سے کہ ہمارے امیرترین یعنی جہانگیر ترین، جعفر لغاری، شیریں مزاری، عبد القادر بلوچ، عبد الستار بچانی، پرویز ملک اور شائستہ پرویز ملک، دیوان عاشق بخاری، عاصمہ عالمگیر، علی چوہان اور جام کمال جیسے سیاست دان 20 لاکھ سے زائد کا قرضہ معاف کروانے اور آئین کے مطابق نااہلی کے حقدار ہونے کے باجود ہر بار اسمبلی ممبر منتخب ہو کر ہم ایسوں کی قسمت کے فیصلے اور نئے قوانین بنانے کی عوامی خدمت میں جت جاتے ہیں۔"

قرضہ معاف کروانے والا	کتنا قرضہ معاف کروایا
ظہور ٹیکسٹائل ملز	14 کروڑ معاف کرواے
سابق چئیرمین سی ڈی اے امتیاز عنایت الہی	30 کروڑ معاف کرواے
عارف سہگل، آصف سہگل اور دیگر	1 ارب 12 کروڑ کے قرضے معاف کرواے
آغا تجمل حسین، آغا بابر حسین	1 ارب 16 کروڑ معاف کرواے
یورو گلف کے خواجہ یوسف چھاگلہ	5 ارب 34 کروڑ روپے معاف کرواے
ایم ایس سی ٹیکسٹائل کے مشتاق علی چیمہ	1 ارب 40 کروڑ معاف کروائے
عبد اللہ طارق	154 ارب روپے معاف کروائے
اظہر علی	153 ارب روپے معاف کرواے

وزیر اعظم کے مشیر ہارون اختر کی تاندلیانوالا شوگر ملز کے کروڑوں معاف کیے گئے تو دوسری طرف تحریک انصاف سے وابستہ انہی کے کزن جہانگیر خان ترین کی ملز بھی کروڑوں معاف کروانے میں کامیاب رہی ہیں۔ پی ٹی آئی کی خاتون رکن قومی اسمبلی شیریں مزاری کی صادق آباد ملز بھی قرضہ معاف کروانے والوں میں شامل ہے۔ ظہور ٹیکسٹائل ملز بھی 14 کروڑ معاف کرواچکی ہے۔
انصاف کے دیوتا یعنی سابق چیف جسٹس افتخار چوہدری کے ہونہار بیٹے ارسلان افتخار بھی قرضے معاف کروانے والوں میں شامل ہیں۔
نیب کے سابق سربراہ جنرل امجد، گندھارا انسان لمیٹیڈ نامی کمپنی کے جنرل علی قلی خان، میجر جنرل میاں عبد القیوم اور برگیڈئیر حفیظ بھی کروڑوں کے قرضے معاف کروانے کے کار خیر میں برابر کے شریک ہیں۔
خیال رہے معاف کروایا گیا پیسہ بنکوں کا نہیں ہوتا بلکہ کھاتہ داروں کا ہوتا ہے جو اپنی محنت کی کمائی کے جائز منافع سے بھی محروم کردیے جاتے ہیں۔

غلط قرضے

1999ء میں شایع ہونے والی کتاب "پاکستان کے مالک کون؟" میں جناب شاہد الرحمٰن بڑی تفصیل سے پاکستان میں سرکاری سرپرستی میں ہونے والی بدعنوانیوں کا ذکر کرتے ہوئے بتاتے ہیں کہ 1993ء سے 1999ء تک کے غلط قرضوں (bad loans) کی تین فہرستیں حکومت پاکستان کی طرف سے جاری کی گیئں۔

1. پہلی فہرست نگراں حکومت کے وزیر اعظم معین قریشی نے 1993ء میں جاری کری جو 29 اگست کے ڈیلی ڈان میں شائع ہوئی۔
2. دوسری فہرست بینظیر بھٹو نے اکتوبر 1996ء میں جاری کری۔
3. تیسری فہرست نگراں حکومت کے وزیر اعظم معراج خالد نے جنوری 1997ء میں جاری کری۔

بے نظیر بھٹو کی جاری کردہ لسٹ میں ڈیوٹی فری شاپ کے مالک فوزی علی کاظم کا کوئی ذکر نہیں تھا جس پر ایک ارب روپے کا قرضہ واجب الادا تھا۔ یہ قرض آصف علی زرداری کی ایک فون کال پر منظور کیا گیا تھا اور اس کے بعد حبیب بینک کے اعلیٰ عہدے دار صفدر عباس زیدی کو منسٹر بنا دیا گیا جبکہ دوسرے عہدے دار یونس حبیب کو جیل میں ڈال دیا گیا۔ اسی طرح آواری ہوٹل کے بہرام ڈی آواری کے 67 کروڑ 20 لاکھ روپوں کے قرضوں کا تینوں فہرستوں میں ذکر نہ تھا جو درحقیقت غیر ملکی کرنسی میں جاری ہوئے تھے۔ معین قریشی کی جاری کردہ لسٹ میں ذکر تھا کہ صدرالدین ھاشوانی کے 12 کروڑ روپے معاف کیے گئے۔ لیکن بعد کی دونوں لسٹوں میں اس کا کوئی ذکر نہیں تھا۔
ان فہرستوں کے مطابق پاکستان کے چار بڑے نادہندگان اتفاق گروپ، فضل سنز (میاں آفتاب احمد چنّوٹی)، توکل اور بیلا کیمیکلز ہیں۔

سن عیسوی	سیاسی واقعہ	پاکستانی بینکوں کے دیے گئے نادہندہ قرضے
جولائی 1977ء	ذوالفقار علی بھٹو کی حکومت کو فوج نے برطرف کیا	1.34 ارب روپے
اگست 1993ء	نواز شریف کی حکومت عدالتی بحالی کے بعد دوبارہ ختم ہوئی	80 ارب روپے
نومبر 1996ء	بینظیر بھٹو کی حکومت دوسری دفعہ برطرف کی گئی	126 ارب روپے
جنوری 1997ء		130 ارب روپے

معین قریشی کی جاری کردہ لسٹ

Fazalsons group	Rs 2,164 million
Hyesons	Rs 1,174 million
Habib group	Rs 850 million
Naqvi group	Rs 676 million
Tawakkal	Rs 479 million
Adamjee	Rs 198 million
Dadabhoy	Rs 191 million
Chaudharies of Gujrat	Rs 109.66 million
Ittefaq group	Rs 83 million
Hashwani	Rs 48.7 million
Fancy	Rs 40.6 million
Saifullah's	Rs 37.3 million
Zardari group	Rs 7 million

بے نظیر بھٹو کی جاری کردہ لسٹ

بے نظیر بھٹو نے یہ لسٹ 6 ستمبر 1996ء کو جاری کری۔ دو مہینے بعد پیپلز پارٹی کے اپنے ہی صدر فاروق احمد خان لغاری نے بے نظیر کی حکومت کو برطرف کر دیا۔

S.No	Name	Amount Borrowed	Default (Rs in Millions)
1	Ittefaq	3,675	2,891
2	Fazalsons	3,475	3,475
3	Tawakkal	1,768	1,464
4	Bela Chemicals	1,259	1,217
5	Abdul Shakoor Kalodia	1,215	1,215
6	Naqvi	1,213	1,060
7	Zahur	1,035	905
8	Ghani	1,023	985
9	Arabian Sea Enterprise	950	913
10	Hyesons	750	725
11	Chaudri Cables	716	684
12	Farooq A Sheikh	632	632
13	Habib	615	615
14	Bawany Alnoor	601	485
15	Chaudry Shujaat	544	381
16	Dawood	540	325
17	Adamjee	526	494
	Total	20,537	18,466

معراج خالد کی جاری کردہ لسٹ

پاکستان کی نگراں حکومت کے وزیر اعظم معراج خالد نے جنوری 1997ء میں یہ لسٹ جاری کری۔

S.No	Name	Default (Rs. in Million)
1	Ittefaq	3,013
2	Tawakkal	2,956
3	Fazalsons	2,800
4	Bela Chemicals	2,339
5	Chaudri Shujaat	1,557
6	Abdul Shakoor Koladia	1,254
7	Fauzi Ali Kazim	1,159
8	Saigol	1,086
9	Naqvi	1,056
10	Zahur	1,028
11	Abdullah Al-Rajaih	1,031
12	Ghani	903
13	Habib	845
14	Adamjee	832
15	Hashwani	640
16	Arabian Sea Enterprise	626
17	Sargodha	581
18	United	501
19	Chakwal	441
20	Dawood	376
21	Bawany-Alnoor	352
22	Fateh	213
23	Packages	166
24	Colony	81
	Total	25,389

مزید دیکھیے

• قومی احتساب بیورو
• این آر او
• قرضوں کی معافی (انڈیا)

بیرونی ربط

• بی بی سی اردو
• ڈرٹی منی
• ڈان اخبار- چار سال میں 112 ارب روپے کے قرضے معاف ہوئے۔
• اسٹیٹ بینک آف پاکستان کے مطابق جہانگیر ترین نے دس کروڑ روپے کا قرضہ معاف کروایا