معراج خالد

ملک معراج خالد پاکستان کے ایک فقیر منش سیاست دان اور عبوری دور میں نگران وزیر اعظم تھے۔

معراج خالد
19ویں وزیراعظم پاکستان
مدت منصب 5 نومبر 1996 – 17 فروری 1997
صدر	فاروق لغاری
بینظیر بھٹو نواز شریف
معلومات شخصیت
پیدائش	20 ستمبر 1916  لاہور
وفات	13 جون 2003 (87 سال)  لاہور
شہریت	پاکستان برطانوی ہند
مذہب	اسلام
جماعت	پاکستان پیپلز پارٹی
عملی زندگی
مادر علمی	اسلامیہ کالج لاہور
پیشہ	سیاست دان،  وکیل
مادری زبان	اردو
پیشہ ورانہ زبان	اردو

معراج خالد
10واں اور 13واں پاکستان کی قومی پارلیمان کا خطیب
مدت منصب 27 مارچ 1977 – 5 جوالائی 1977
صاحبزادہ فاروق علی سید فخر امام
مدت منصب 3 دسمبر 1988 – 4 نومبر 1990
حامد ناصر چٹھہ گوہر ایوب خان
معلومات شخصیت
پیدائش	20 ستمبر 1916  لاہور
وفات	13 جون 2003 (87 سال)  لاہور
شہریت	پاکستان برطانوی ہند
جماعت	پاکستان پیپلز پارٹی
عملی زندگی
مادر علمی	اسلامیہ کالج لاہور
پیشہ	سیاست دان،  وکیل
مادری زبان	اردو
پیشہ ورانہ زبان	اردو

حالات زندگی

ملک معراج خالد 20 ستمبر، 1916ء کو لاہور کے قریب،ضلع قصور کے ایک گاؤں کوٹ رادھا کشن میں پیدا ہوئے۔ انہوں نے قانون کی تعلیم حاصل کی۔ معراج خالد پیشہ کے اعتبار سے وکیل تھے اور لاہور کے نواحی علاقہ برکی کے ایک چھوٹے کاشکار خاندان سے تعلق رکھتے تھے۔ انہوں نے اپنی عملی سیاست کا آغاز 60 کی دہائی میں ایوب خان کے دور میں مسلم لیگ سے کیا اور بعد میں ’ضمیر کے بحران‘ کے عنوان سے ایک پمفلٹ لکھ کر ایوب خان کی حکومت پر تنقید کی جسے بہت شہرت ملی۔ جب ذوالفقار علی بھٹو نے ایوب خان حکومت سے علیحدگی اختیار کی تو وہ لاہورمیں ملک معراج خالد کی بنائی ہوئی ایک تنظیم ایفروایشین پیپلز سالیڈیریٹی کے پلیٹ فارم سے پہلی بار حزب مخالف کے رہنما کے طور پر عوام کے سامنے آئے۔

معراج خالد پیپلز پارٹی میں شامل ہونے والے ابتدائی لوگوں میں شامل تھے اور پیپلز پارٹی کے ٹکٹ پر لاہور سے 1970ء کے انتخابات میں رکن قومی اسمبلی منتخب ہوئے۔ اس وقت کے آئین کے مطابق ایک رکن قومی اسمبلی کو 6 ماہ کے لیے کسی صوبہ کا وزیراعلی بھی منتخب کیا جاسکتا تھا۔ اس شق کے تحت وہ 6 ماہ پنجاب کے وزیراعلیٰ رہے اور ان کا اس وقت کے طاقت ور گورنر غلام مصطفے کھر سے اختیارات پر تناؤ رہا۔

بعد میں انہیں ذوالفقار علی بھٹو کی کابینہ میں وفاقی وزیر زراعت بنا دیا گیا اور 1977ء کے متنازع انتخابات کے بعد مختصر مدت تک رہنے والی قومی اسمبلی میں وہ اسپیکر منتخب کیے گئے۔

معراج خالد تحریک بحالی جمہوریت میں بہت متحرک رہے اور انہوں نے کئی بار جیل کاٹی۔ جب بے نظیر بھٹو 1986ء میں ملک واپس آئیں تو معراج خالد کا شمار پارٹی کے ’انکلوں‘ میں کیا جانے لگا جنہیں بے نظیر بھٹو نے آہستہ آہستہ پارٹی کے معاملات سے دور کر دیا۔ 1988ء کے انتخابات کے بعد منتخب ہونے والی پیپلز پارٹی کی حکومت میں بے نظیر بھٹو وزیر اعظم بنیں اور انھوں نے ایک بار پھر معراج خالد کو قومی اسمبلی کا اسپیکر بنایا۔

جب صدر غلام اسحاق خان اور فوج کے سربراہ جنرل مرزا اسلم بیگ نے بے نظیر بھٹو کی حکومت کو رخصت کرنے کا فیصلہ کیا تو وہ در پردہ ملک معراج خالد کو بے نظیر بھٹو کے خلاف عدم اعتماد لا کر وزیر اعظم بننے کی دعوت دیتے رہے جو انھوں نے قبول نہیں کی۔ تاہم ملک معراج خالد کے بے نظیر بھٹو سے اختلافات شدت اختیار کر گئے تھے اور 1993ء کے انتخابات میں پیپلز پارٹی کی سربراہ نے انہیں لاہور سے ان کی روایتی نشست پر انتخاب لڑنے کے لیے پارٹی کا ٹکٹ نہیں دیا۔ اسی دوران میں ملک معراج خالد پیپلز پارٹی کی سیاست سے دور ہو گئے اور انہوں نے اخوان المسلمون نامی تنظیم بنا کر لاہور کے دیہی علاقہ میں اسکول کھولنے اور انہیں چلانے پر توجہ مرکوز کرلی۔ وہ بین الاقوامی اسلامی یونیورسٹی اسلام آباد کے ریکٹر بھی مقرر ہو گئے۔ جب صدر فاروق احمد خان لغاری نے وزیر اعظم بے نظیر بھٹو کی دوسری حکومت کو 1993ء میں برطرف کیا تو معراج خالد کو نگران وزیر اعظم مقرر کیا گیا۔ انھوں نے 3 ماہ کی مقررہ مدت میں انتخابات کرواکے اقتدار نوازشریف کے سپرد کر دیا۔ انھوں نے کبھی با ضابطہ طور پر پیپلز پارٹی چھوڑنے کا اعلان نہیں کیا لیکن وہ 10 سال سے اس سے لاتعلق رہے۔

معراج خالد ایک سادہ انسان تھے جنھیں اکثر لاہور کی مال روڈ پر گھومتے ہوئے اور باغ جناح میں سیر کرتے ہوئے دیکھا جا سکتا تھا۔ جب وہ نگراں وزیر اعظم بنے تو انھوں نے وی آئی پی کلچر کے تحت ملنے والی مراعات کو ختم کرنے کی کوشش کی اور ایئرپورٹ پر عام مسافروں کے راستے کو استعمال کرنا شروع کیا۔

وفات

ملک معراج خالد 13 جون، 2003ء کو لاہور، پاکستان میں انتقال کر گئے۔

سیاسی عہدے
ماقبل  عبدالحمید خان دستی	وزیراعلٰی پنجاب 1972ء   –   1973ء	مابعد  غلام مصطفٰی کھر
ماقبل  صاحبزادہ فاروق علی	سپیکر قومی اسمبلی پاکستان 1977ء	مابعد  سید فخر امام
ماقبل  حامد ناصر چٹھہ	سپیکر قومی اسمبلی پاکستان 1988ء   –   1990ء	مابعد  گوہر ایوب خان
ماقبل  بینظیر بھٹو	وزیراعظم پاکستان (نگران) 1996ء   –   1997ء	مابعد  نواز شریف