جن گن من

جن گن من بھارت کا قومی ترانہ ہے، جو بنگالی زبان میں تھا۔ پھر اس کو سنسکرت کا لہجہ دے کر سنوارا گیا۔ اس کے شاعر نوبل انعام یافتہ رابندرناتھ ٹیگور ہیں۔ انڈین نیشنل کانگریس کے 1911ء اجلاس میں یہ پہلی دفعہ گایا گیا۔ 24 جنوری، 1950ء کو بھارت کی قانون ساز کمیٹی نے سرکاری طور پر اس کی منظوری دی اور یہ نظم، بھارت کا قومی ترانہ ہو گئی۔

ترانہ

اردونقل حرفی	ہندی	اردو ترجمہ
جنَ گنَ منَ ادھی نایکَ جَیَ ہے بھارتَ بھاگیہ وِدھاتا پنجابَ سندھَ گجراتَ مراٹھا دراوڑاُتکلَ وَنگَ وندھیہ ہماچلَ یمنا گنگا اُچھلَ جلَدھی ترنگَ توَ شُبھَ نامے جاگے توَ شُبھَ آشش ماگے گاہے توَ جَیَ گاتھا جنَ گنَ منگلَ دایک جَیَ ہے بھارتَ بھاگیہ وِدھاتا جَے ہے، جے ہے، جَے ہے جَے جَے جَے۔ جَے ہے	जन गण मन अधिनायक जय हे भारत भाग्य विधाता पंजाब सिंध गुजरात मराठा द्राविड उत्कल वंग विंध्य हिमाचल यमुना गंगा उच्छल जलधि तरंग तव शुभ नामे जागे तव शुभ आशिष मागे गाहे तव जयगाथा जन गण मंगल दायक जय हे भारत भाग्य विधाता जय हे, जय हे, जय हे जय जय जय जय हे!		اے! بھارت کی منزل کا فیصلہ کرنے والے، عوام کے ذہن و دلوں پر حکومت کرنے والے تیری جئے ہو، تیرا نام ہی، پنجاب، سندھ، گجرات، مراٹھا علاقوں کے دلوں میں جگتا ہے دراوڈ، اتکل اور بنگال میں بھی تیرا ہی نام وندھیہ اور ہمالہ کی پہاڑیوں میں گونجتا ہے، جمنا اور گنگا کے پانی میں یہی رواں دواں ہے، یل (مذکورہ) علاقے تیرا ہی نام گنگناتے ہیں، اور یہ تیری ہی محترم دعائیں مانتے ہیں، وہ صرف عظیم فتوحات کے نغمے گاتے ہیں، اور اس عوام کی مغفرت تیرے ہی ہاتھوں ہے، اے! بھارت کی منزل کا فیصلہ کرنے والے، عوام کے ذہن و دلوں پر حکومت کرنے والے، تیری جئے ہو، تیری جئے ہو، تیری جئے ہو، جئے ہو، جئے ہو، جئے ہو، تیری ہی جئے ہو!

رابندرناتھ ٹیگور۔

انگریزی ترجمہ اور کامپوزشن - شہر مدنپلی

رابندرناتھ ٹیگورنے اس ترانہ کو دیوناگری (سنسکرت) سے انگریزی زبان میں ترجمہ کیا۔ انی بسینٹ کی قائم کردہ کالج میں، جو آج بسینٹ تھیوسوفکل کالج ( بی۔ ٹی۔ کالج )کے نام سے مشہور ہے، رابندرناتھ ٹیگورکا قیام رہا۔ دورانِ قیام انھوں نے اس نغمہ کا انگریزی ترجمہ کیا۔ اتفاق سے اس کی دھن بھی یہیں بنائی گئی۔ اور یہ کالج، جنوبی ہندوستان کی ریاست آندھرا پردیش کے چتور ضلع کے شہر مدنپلی میں ہے۔

انگریزی میں ترجمہ شدہ عبارت کی اصل،فریم میں آویزاں، بی۔ ٹی۔ کالج کے کتب خانہ کی دیوار پر آج بھی دیکھی جا سکتی ہے۔

بھارتی مسلمانوں کی جانب سے جن گن من پڑھنا

بھارت کے بیش تر علمائے کرام نے جن گن من پڑھنے میں کوئی برائی نہیں پائی۔ اس سلسلے میں پاکستانی مفتی عبد القیوم ہزاروی کا ایک فتوٰی ذیل میں درج ہے:

”

ہر ملک کا کوئی نہ کوئی ترانہ یا قومی گیت ہوتا ہے، جس میں وہ قوم اپنے وطن سے محبت وعقیدت کا اظہار کرتی ہے اور اس کے حق میں بہتری کی دعا کرتے ہیں۔ اسی طرح یہ بھی بھارت کا قومی ترانہ ہے، ہمیں تو اس میں ایسی کوئی بات نظر نہیں آتی جو غلط ہو، یہ وہاں پر رہنے والے مسلمان ہوں یا غیر مسلم اپنے وطن سے محبت کا اظہار کریں گے، یہ جائز ہے۔

“

مزید دیکھیے

• وندے ماترام

بیرونی روابط

• National Anthem - Know India. National Portal of India. Government of India. (Also contains the official version of the Indian National Anthem in mp3 format
• Indian Anthem in MIDI Format.