لی کوان یئو

لی کوان یئو پیدائشی نام ہیری لی کو آن یو (16 ستمبر 1923 – 23 مارچ 2015) سیاست دان اور پہلے وزیر اعظم سنگا پور جنھوں نے تین دہائیوں تک حکمرانی کی۔ انھیں جدید سنگاپور کا بانی ماناجاتا ہے۔ اور یہ تیسری دنیا سے واحد مثال ہے کہ صرف ایک نسل کو جدید دنیا کے مقابل لا کھڑا کیا۔

لی کوان یئو
آرڈر آف سینٹ مائیکل اور سینٹ جارج
(چینی میں: 李光耀)
معلومات شخصیت
پیدائش	16 ستمبر 1923ء   سنگاپور
وفات	23 مارچ 2015ء (92 سال)
وجہ وفات	نمونیا
طرز وفات	طبعی موت
شہریت	ریاستہائے متحدہ امریکا
جماعت	پیپلز ایکشن پارٹی
عارضہ	پڑھنے کی اہلیت میں کمی
زوجہ	کوا گیوک چو (30 ستمبر 1950–2 اکتوبر 2010)
اولاد	لی شین لونگ ،  لی شین یانگ ،  لی وے لنگ
مناصب
رکن پارلیمان سنگاپور
برسر عہدہ 22 اپریل 1955  – 23 مارچ 2015
وزیراعظم سنگاپور
برسر عہدہ 5 جون 1959  – 28 نومبر 1990
گو چوک تونگ
رکن دیوان رعایہ
برسر عہدہ 2 نومبر 1963  – 9 اگست 1965
عملی زندگی
مادر علمی	فٹز ولیم لندن اسکول آف اکنامکس اینڈ پولیٹیکل سائنس جامعہ کیمبرج نیشنل یونیورسٹی آف سنگاپور جامعہ لندن
پیشہ	فلسفی ،  آپ بیتی نگار ،  وکیل ،  ریاست کار ،  سیاست دان
پیشہ ورانہ زبان	جاپانی ،  ملایو زبان ،  تمل ،  انگریزی ،  چینی زبان
ملازمت	جامعہ کیمبرج
اعزازات
آرڈر آف سینٹ مائیکل اور سینٹ جارج    آرڈر آف دی رائزنگ سن  آرڈر آف سیکا تونا  آرڈر آف فرینڈشپ  نائیٹ گرینڈ کراس آف دی آرڈر آف سینٹ مائیکل اینڈ سینٹ جورج اگ نوبل انعام  کمپینین آف آنر
	IMDB پر صفحات

ابتدائی دور

انھوں نے سنگاپور کے ایک انگریزی اسکول میں تعلیم حاصل کی لیکن 1942 میں جب جاپان نے سنگاپور پر قبضہ کر لیا تو ان کی تعلیم میں تعطل آ گیا۔ اگلے تین سال وہ بلیک مارکیٹ سے جڑے رہے اور چونکہ انھیں انگریزی بولنے میں مہارت حاصل ہو گئی تھی، انھوں نے جاپان کے پروپیگینڈا کے محکمۂ میں بھی کام کیا۔ جنگ کے بعد وہ کچھ عرصے کے لیے لندن اسکول آف اکنامکس بھی گئے۔ وہاں سے کیمرج یونیورسٹی چلے گئے اور قانون کی تعلیم حاصل کی۔ انھیں قانون میں ’ڈبل فرسٹ‘ حاصل کرنے کا اعزاز بھی ملا۔ انگلینڈ میں اپنی قیام کے دوران مسٹر لی، بی بی سی ہوم سروس اور ریڈیو فور سے کسی نہ کسی طرح وابستہ رہے اور انھوں نے یورنیورسٹی کے ایک دوست کی انتخابی مہم میں بھی شرکت کی جو ڈیون کے دیہی علاقے سے پارلیمنٹ کی نشست کے لیے انتخاب لڑ رہے تھے۔ لی جو زمانۂ طالب علمی سے ہی پکے سوشلسٹ تھے سنگار پور واپس آنے کے بعد ٹریڈ یونین کے ایک نمایاں وکیل بن گئے۔

سیاسی زندگی

1954 میں وہ پیپلز ایکشن پارٹی کے بانی اور پہلے سیکریٹری جنرل بنے اور اگلے چالیس سالہ عرصے میں یہ عہدہ کم و بیش انہی کے پاس رہا۔ 1959 کے انتخابات میں پیپلز ایکشن پارٹی نے سب سے زیادہ نشستیں جیتیں اور سنگاپور، برطانیہ کے مکمل کنٹرول سے نکل کر خود مختار ریاست بن گیا۔ دس سال بعد مسٹر لی نے سنگاپور کا ادغام ملیشیا کے ساتھ کر دیا لیکن اس تعلق کی عمر تھوڑی تھی۔ نظریاتی کشیدگی اور نسلی گروپوں کے درمیان میں پُرتشدد جھڑپوں کی وجہ سے سنگار پورکو فیڈریشن سے باہر نکلنا پڑا اور یہ مکمل طور پر آزاد ملک بن گیا۔ یہ فیصلہ مسٹر لی کے لیے مشکل تھا۔ وہ ملائیشیا کے ساتھ اتحاد کو علاقے کے نوآبادیاتی ماضی سے بالآخر چھٹکارے کا ایک ذریعہ سمجھتے تھے۔ اس واقعہ کو انھوں نے ’تکلیف کا لمحہ‘ قرار دیا۔ ان کے کچھ مخالفین نے یہ کہا کہ انھیں پارلیمانی انتخابات میں اتنی زیادہ اکثریت اور نتیجتاً سکیورٹی مل گئی تھی کہ انھیں ایسے جابرانہ اقدامات اٹھانے کی ضرورت نہیں تھی۔ انھوں نے یہ بھی کہا کہ کمیونزم مخالف نظریے کا توڑ کمیونزم ہے اور مغرب کے آزاد جمہورت کے تصورات کا اطلاق سنگاپور پر نہیں ہو سکتا۔ وہ کمیونزم کے خلاف تھے لیکن ان پر الزام لگا کہ انھوں نے کمیونسٹ اندازِ حکمرانی اختیار کیا تاکہ اپنی پالیسیوں کو آگے بڑھا سکیں، اگرچہ کئی کمیونسٹ حکومتوں کے برعکس ان کے عہد میں سنگاپور کے لوگوں کو مالی فوائد حاصل ہوئے۔990 میں جب سات مرتبہ الیکشن جیتنے کے بعد لی نے اقتدار چھوڑا تو وہ دنیا میں وزیرِ اعظم کے عہدے پر سب سے طویل عرصے تک فائز رہنے والے شخص تھے۔

مزید دیکھیے

• سنگاپور