موتی پرکاش

موتی لعل پرکاش المعروف موتی پرکاش (انگریزی: Moti Prakash) (پیدائش: 15 مئی 1931ء - وفات: 4 اگست 2015ء) بھارت سے تعلق رکھنے والے سندھی زبان کے شاعر، سفرنامہ نگار، خاکہ نویس، ڈراما نگار، صحافی اور ناول نگار تھے۔ بھارتی ساہتیہ اکیڈمی کی جانب سے 1988ء میں ساہتیہ اکیڈمی اعزاز برائے سندھی ادب دیا گیا۔

موتی پرکاش
معلومات شخصیت
پیدائش	15 مئی 1931ء   ٹھٹہ ،  بمبئی پریزیڈنسی ،  برطانوی ہند
وفات	4 اگست 2015ء (84 سال)  ممبئی ،  بھارت
شہریت	بھارت (26 جنوری 1950–) ڈومنین بھارت
زوجہ	کلا پرکاش
عملی زندگی
مادر علمی	ممبئی یونیورسٹی
تعلیمی اسناد	پی ایچ ڈی
پیشہ	صحافی ،  شاعر ،  ڈراما نگار ،  ناول نگار
مادری زبان	سندھی
پیشہ ورانہ زبان	سندھی
ملازمت	انڈین ہائی اسکول، دبئی ،  انڈین انسٹیٹیوٹ آف سندھولاجی
اعزازات
ساہتیہ اکادمی ایوارڈ   (برائے:Se Sab Sandhyam Saah Sen ) (1988)
باب ادب

حالات زندگی

موتی لعل پرکاش 15 مئی 1931ء کو دڑو، ٹھٹہ، بمبئی پریزیڈنسی میں پیدا ہوئے۔ان کے والد سکھرام داس پوسٹ ماسٹر تھے۔ انھوں ابتدائی تعلیم آبائی قصبہ دڑو سے حاصل کی۔ تقسیم ہند کے بعد بھارت منتقل ہو گئے۔ آرٹس اور ایجوکیشن میں گریجویشن کیا۔ ممبئی یونیورسٹی سندھی ادب میں پی ایچ ڈی کی کی سند حاصل کی۔ حصول تعلیم کے بعد درس و تدریس سے وابستہ ہو گئے۔ کے جے کھیلنانی ہائی اسکول بمبئی میں ملازمت اختیار کی جہاں وہ پرنسپل کے عہدے تک پہنچے۔ بعد میں دبئی چلے گیا جہاں انھوں نے انڈین ہائی اسکول دبئی کا انتظام سنبھالا۔ اس اسکول سے وہ ریکٹر کے عہدے سے سبکدوش ہوئے۔1956ء سے 1977ء تک آل انڈیا ریڈیو سے وابستہ رہے۔ آل انڈیا ریڈیو میں 200 سے زائد ڈرامے پیش کیے۔ انڈین انسٹی ٹیوٹ آف سندھولاجی ادیپور کے ڈائریکٹر بھی رہے۔ انھوں نے ادب ناول، افسانے، ڈرامے اور خاکے تحریر کیے۔ ایک سفرنامہ بھی لکھا۔ وہ ایک بہترین شاعر تھے۔ شاعری کی مختلف اصناف غزل، بیت، ہائیکو، نظم میں طبع آزمائی کی۔ بچوں کے لیے بھی نظمیں لکھیں۔ انھیں ان کے سفرنامے سبھ سندیام ساہ سین پر 1988ء میں ساہتیہ اکیڈمی کی جانب سے ساہتیہ اکیڈمی اعزاز برائے سندھی ادب سے نوازا گیا۔ 1989ء کو پروفیسر رام پنجوانی ادبی ایوارڈ، 2006ء میں سندھی اکیڈمی دہلی کی جانب سے لائف ٹائم اچیومنٹ ایوارڈ اور 2008ء میں اتم ساہت ایوارڈ سے نوازا گیا۔

وفات

موتی پرکاش 4 اگست 2015ء کو بمبئی، بھارت میں وفات پا گئے۔