موضوع (اصطلاح حدیث)

علم حدیث میں موضوع سے مراد وہ حدیث ہے جس کے بارے میں یقین کے ساتھ معلوم ہو جائے کہ وہ وضع کی ہوئی، جھوٹی اور بناوٹی ہے۔اس کی جمع موضوعات ہے۔

موضوع کی تعریف

اصطلاح حدیث میں جب کسی راوی میں یہ عیب ثابت ہو جائے کہ وہ رسول اللہ ﷺ پر جھوٹ بولتا ہے اور من گھڑت باتیں ان کی طرف منسوب کرتا ہے تو اس کی روایت کو موضوع کہتے ہیں

لغوی معنی

یہ لفظ وضع سے بنا ہے وضع الشئی کا معنی ہے فلاں نے کسی شے کو گرا دیا روایت کے موضوع کہنے کی بھی وجہ یہی ہے کہ رتبہ اور مقام کے اعتبار سے یہ انتہائی نیچے اور گری ہوئی ہوتی ہے

اصطلاحی معنی

محدثین کی اصطلاح میں اس کی تعریف یوں کی جاتی ہے

وہ جھوٹی، مصنوعی اور خود ساختہ بات جسے رسول اللہ کی طرف منسوب کر دیا گیا ہوحدیث موضوع کہلاتی ہے۔

موضوع اور ضعیف میں فرق

موضوع اور ضعیف الگ الگ ہیں موضوع گھڑی ہوئی بات یہ حدیث رسول نہیں قابل رد ہے اور ضعیف جس کی روایت کمزور ہو یہ قول رسول اور حدیث شمار ہوتی ہے ۔