وولف گینگ موزارٹ

وولف گینگ ایماڈیس موزارٹ (انگریزی: Wolfgang Amadeus Mozart) (پیدائش: 27 جنوری 1756ء – وفات: 5 دسمبر 1791ء) عہدِ قدیم کے ایک مشہور اور صاحبِ اثر موسیقار تھے۔ آپ نے 600 سے زائد دھنیں تیار کیں جن میں سے کئی کو سریلی دھنوں کی معراج سمجھا جاتا ہے۔ وہ قدیم موسیقاروں میں سے سب سے زیادہ معروف ہیں۔

وولف گینگ موزارٹ
(جرمن میں: Johann Chrysostomos Wolfgang Gottlieb Mozart)
معلومات شخصیت
پیدائشی نام	(لاطینی میں: Joannes Chrysostomus Wolfgangus Theophilus Mozart)
پیدائش	27 جنوری 1756ء   سالزبرگ
وفات	5 دسمبر 1791ء (35 سال)  ویانا
مدفن	سینٹ مارکس قبرستان
شہریت	آسٹریائی آرچڈچی مقدس رومی سلطنت
قد	1.63 میٹر
زوجہ	کونسٹانز موزارٹ (4 اگست 1782–5 دسمبر 1791)
خاندان	موزارٹ خاندان
فنکارانہ زندگی
نوع	کلاسیک دور ،  سرود خلوت ،  اوپرا ،  ہم نوائی
آلہ موسیقی	ارگن ،  ہارپسیکارڈ ،  بیلا ،  وایولا ،  پیانو
استاد	جوہان کرسچیئن باخ
پیشہ	نغمہ ساز ،  استاد موسیقی ،  پیانو نواز ،  موسیقار ،  ارغنون نواز ،  وائلن نواز
مادری زبان	جرمن
پیشہ ورانہ زبان	اطالوی ،  انگریزی ،  فرانسیسی ،  لاطینی زبان ،  جرمن
شعبۂ عمل	اوپرا ،  ہم نوائی ،  مزامیری نغمہ ،  سرود خلوت ،  پنج ساز ،  مذہبی موسیقی ،  مغربی موسیقی ،  موسیقی
آجر	جوزف دوم
مؤثر	جوہن باخ
تحریک	کلاسیک دور
دستخط
ویب سائٹ
	IMDB پر صفحہ

موزارٹ نے سالزبرگ، آسٹریا میں بچپن ہی سے اپنی اس غیر معمولی صلاحیت ظاہر کی اور کی بورڈ اور وائلن پر اہلیت ظاہر کرتے ہوئے محض پانچ سال کی عمر میں پہلی دھن ترتیب دی اور 17 سال کی عمر میں شاہان یورپ کے سامنے اپنی کارکردگی کا مظاہرہ کیا، جب وہ سالزبرگ میں درباری موسیقار تھے لیکن بعد ازاں بہتر مواقع کی تلاش میں سفر کیے لیکن اس دوران میں بھی تواتر کے ساتھ دھنیں ترتیب دیں۔ 1781ء میں ویانا کے دورے کے موقع پر ان کو سالزبرگ میں درباری عہدے سے نکال دیا گیا جس پر انھوں نے دارالحکومت میں رہنے کا ارادہ کر لیا اور اپنی زندگی کے بقیہ تمام ایام ویانا ہی میں گزارے جہاں انھوں نے شہرت تو بہت حاصل کی لیکن مالی اعتبار سے کمزور رہے۔ ویانا میں اپنے آخری سالوں میں انھوں نے اپنی مشہور ترین دھنیں بنائیں۔ آپ کی قبل از موت کے گرد بہت سارے افسانے ہیں۔ لواحقین میں آپ نے ایک بیوی اور دو بیٹے چھوڑے۔