کوٹ مومن

کوٹ مومن ضلع سرگودھا، پنجاب، پاکستان کی پانچ تحصیلوں میں سے ایک تحصیل ہے۔

تحصیل
کوٹ مومن
ملک	پاکستان
صوبہ	پنجاب
ضلع	سرگودھا
تحصیل	کوٹ مومن
ڈاک رمز	40450
ڈائلنگ کوڈ	04866

نام

یہاں بسے والے ممنانہ قبیلہ کی وجہ سے شہر کا نام کوٹ مومن ہے۔

تاریخ

ایک قدیم شہر جو تقسیم ہند سے پہلے سے آباد ہے۔ یہاں قائم تھانہ کی عمارت پر 1865ء کی تاریخ درج ہے۔21 جون، 2003ء کو وزیرِ اعلیٰ پنجاب چوہدری پرویز الہی نے اسے تحصیل کا درجہ دینے کا اعلان کیا۔ اس تحصیل کا صدر مقام کوٹ مومن ہے۔

جغرافیہ

کوٹ مومن کے مشرق کی طرف تاریخی شہر بھابھڑہ واقع ہے، جو ایک روایت کے مطابق مغلیہ سلطنت کے بانی ظہیرالدین بابر کے نام پر رکھا گیا۔ کوٹ مومن کے مغرب میں

للیانی ( جو رقبہ کے لحاظ سے ایشیا کا سب سے بڑا گاؤں ہے)اور شہر بھلوال اور معظم آباد کا قصبہ واقع ہے۔ شمال میں سالم اور جنوب میں مٹیلہ واقع ہے.

حدودِ اربعہ

کوٹ مومن سرگودھا سے 40 کلومیٹر کی دوری پر شمال مشرق کی جانب موٹروے ٹو (2) پر واقع ہے۔

آبادی

کوٹ مومن کی کل آبادی پچاس ہزار ہے، جبکہ آبادی کی اکثریت مسلمان اور پنجابی بولنے والوں کی ہے۔ قلیل تعداد میں ہندو اور مسیحی بھی آباد ہیں۔ مرکزی بازار میں ایک مندر موجود ہے، جو قیام پاکستان سے قبل تعمیر کیا گیا تھا۔

حکومت

محسن شاہ نواز رانجھا (ممبر قومی اسمبلی، پاکستان مسلم لیگ نواز)

"میاں مناظر علی رانجھا (ممبر صوبائی اسمبلی، پاکستان مسلم لیگ نواز)

چوہدری طاہر احمد سندھو (ممبر صوبائی اسمبلی، پاکستان مسلم لیگ نواز)

تعلیم

لڑکیوں اور لڑکوں کے ڈگری کالجوں اور سرکاری اسکولوں سمیت کئی ایک غیر سرکاری کالج اور اسکول قائم ہیں جن میں دارالہدیٰ اسکول، دارارقم اسکول، منہاج القرآن اسکول ،مپس اسکول اور قمرالاسلام اسکول بنگله گھله پور شامل ہیں۔ تعلیمی سہولیات کے فقدان کے باعث طلبہ بڑے شہروں کی طرف چلے جاتے ہیں۔

اہم تعلیمی ادارے

• جامعۃ المدینہ فیضانِ مدینہ محبت کالونی کوٹ مومن
• مدرسۃ المدینہ فیضانِ مدینہ محبت کالونی کوٹ مومن
• گورنمنٹ ہائی اسکول کوٹ مومن
• گورنمنٹ پوسٹ گریجوایٹ کالج کوٹ مومن برائے خواتین
• گورنمنٹ کالج کوٹ مومن (فار بوائز)
• دارالہدیٰ ماڈل ہائی اسکول اینڈ کالج کوٹ مومن
• دار ارقم ماڈل ہائی اسکول کوٹ مومن
• منہاج القرآن ہائی اسکول کوٹ مومن
• دی ایجوکیڑ اسکول سسٹم کوٹ مومن
• قمرالاسلام ماڈل اسکول بنگله گھله پورکوٹ مومن
• دی ینگ اسکالرز گرلز پبلک اسکول کوٹ مومن

دانشگاہیں (کالجز)

• دی سپیرئر کالج کوٹ مومن
• گورنمنٹ پوسٹ گریجوایٹ کالج برائے خواتین کوٹ مومن
• کوٹ مومن کالج آف ایجوکیشن
• گورنمنٹ ڈگری کالج کوٹ مومن (9 چک)

دیگر اہم سرکاری ادارے

• نادرا آفس کوٹ مومن
• ٹیلی فون ایکسچینج، واپڈا آفس
• پولیس اسٹیشن کوٹ مومن
• پاکستان پوسٹ آفس کوٹ مومن
• سول ہسپتال کوٹ مومن
• عدالت ایڈیشنل سیشن جج کوٹ مومن
• تحصیل میونسپل ایڈمنسٹریشن آفس

صحت

ٹرسٹ ہسپتال

• تحصیل ہیڈ کوارٹرسول ہسپتال

نجی ہسپتال

• بھلی ہسپتال (محلہ شاہی مسجد)
• اللہ یار میڈیکل سنٹر (بھلوال روڈ)
• الحسنین ہسپتال (سالم روڈ)
• حمزہ ہسپتال (بھاگٹانوالہ روڈ)

پینے کا پانی

• الخدمت واٹرفلٹریشن پلانٹ (محلہ خواجہ آباد)
• گورنمنٹ واٹرفلٹریشن پلانٹ (مسلم بازار)
• واٹر ٹینک سول ہسپتال

زراعت

کوٹ مومن ایک زرعی علاقہ ہے، جس کی معیشت کا دارومدار زراعت پر ہے۔ یہاں کی سب سے بڑی زرعی پیداوار کینو اور مالٹا ہے، جسے ایران، متحدہ عرب امارات، سعودی عرب، سری لنکا، جاپان اور کوریا برآمد کیا جاتا ہے۔ یہاں پیدا ہونے والے خوش ذائقہ کینو اور مالٹا کی وجہ سے کوٹ مومن کو ’’ترش پھلوں کا شہر‘‘یا (City of Citrus) کہا جاتا ہے۔

دیگر زرعی پیداوار میں گندم، چاول، گنا اور مختلف قسم کی سبزیاں شامل ہیں۔

ذرائع آمدورفت

• گاڑا ٹرانسپورٹ کمپنی

موٹروے

• اسلام آباد - لاہور موٹر وے، ایم 2

تفریحی مقامات

• ٹی ایم اے پارک
• ماڈل ٹاؤن پارک
• سٹی سنٹر پارک

اہم رہائشی علاقے

• محلہ خواجہ آباد
• بلدیہ ٹاؤن
• محلہ لکاں والا
• محلہ تارڑاں والا
• محلہ احمد خان
• اسلام آباد کالونی

تجارتی مراکز

• مین بازار
• چناب بازار
• سرگودھا روڈ
• راجا بازار
• سٹی سنٹر مڈھ روڈ
• مسلم بازار

مزارات

• مزار میاں محمد قادر بخش تھہیم (بھلوال روڈ)
• مزار سید چنن شاہ (مڈھ موڑ)
• مزار بی بی پاک دامن سرکار (محلہ احمد خان)

دينی مدارس

اہم دینی مدارس میں جامعہ گلزار مدینہ، جامعہ گلزار طیبہ (سرگودھا روڈ)، جامعہ عبد اللہ بن مسعود اور جامعہ رفیق الاحناف ،مدرستہ المدینہ للبنین و للبنات [(دعوت اسلامی)(سرگودھا روڈ،سالم روڈ،مین بازار)]شامل ہیں۔

شرب و طعام

کوٹ مومن کے مشہور مشروبات میں لسی، ستو، بادام سردائی اورشکنجبین شامل ہیں جو موسم گرما میں کثرت سے استعمال کیے جاتے ہیں ۔ مقامی لوگوں کی غذائے اول گندم کی روٹی ہے۔ اس کے علاوہ چاول، گوشت اور دوسری مقامی سبزیاں بھی کھانے میں بہت پسند کی جاتی ہیں ۔

کھیل

• کرکٹ
• والی بال
• پتنگ بازی

اخبارات

• روزنامہ جنگ
• روزنامہ ایکسپریس

مزید دیکھیے

• سرگودھا
• ضلع سرگودھا

بیرونی روابط

• ضلع سرگودھا کے بارے میں
• کوٹ مومن تعارف
• کوٹ مومن
• ویکی کوٹ مومن