آلیور گولڈ اسمتھ

انگریزی کا مشہور ادیب، آئر لینڈ میں پیدا ہوا۔ پادریوں کے گھرانے سے اس کا تعلق تھا۔ ٹرنٹی کالج ڈبلن میں تعلیم حاصل کی۔ بعد میں ایڈنبرا اور پھر لیڈن میں طب کی تعلم حاصل کی۔ شروع میں مطب کیا لیکن کامیابی نہیں ہوئی۔ چونکہ طبیعت میں ادب کی طرف رحجان زیادہ تھا اس لیے رسالوں کے لیے مضامین لکھنا شروع کیے۔ جب اس کی کتاب دنیا کے شہری Citizens of the World شائع ہوئی تو لوگ اس کی ادبی حیثیت ماننے لگے۔ چند اور کتابوں سے اس کی شہرت بڑھنے لگی۔
گولڈ اسمتھ کو انگریزی ادب میں اہم مقام حاصل ہے اور یہ اسے اس کے دو مشہور کامیڈی ڈراموں کی وجہ سے حاصل ہوا ہے۔ ایک "دی گُڈ نیچرڈ مین" Good Natured Man اور دوسرا "شی اسٹوپس ٹو کانکر" She stoops to Conquer ہے۔ ان کے ترجمے کئی زبانوں میں ہو چکے ہیں اور یہ آج تک اسٹیج پر کھیلے جاتے ہیں۔ اس نے ناول ایک ہی لکھا ہے اور وہ ہے "دی وکر آف ویک فیلڈ" The Viear of Wakefield گولڈ اسمتھ کے دور میں ادب پر جذباتیت بہت چھائی ہوئی تھی۔ اس نے اپنی تصانیف کے ذریعہ حقیقت پسندی کو رواج دیا۔
گولڈ اسمتھ نے اپنی تصانیف سے کافی کمایا لیکن ہمیشہ غربت کی زندگی ہی اسے نصیب ہوئی۔ باسول نے اس کے بارے میں لکھا تھا کہ وہ احمقانہ حد تک سخی اور نرم دل تھا۔ کسی دوسرے کی پریشانی اس سے دیکھی نہیں جاتی تھی۔ اپنے عہد کے فن کاروں اور ادیبوں اور خاص طور پر سیمول جانسن سے اس کی اچھی دوستی تھی۔

آلیور گولڈ اسمتھ
معلومات شخصیت
پیدائش	10 نومبر 1728ء
وفات	4 اپریل 1774ء (46 سال)  لندن
وجہ وفات	گردے فیل
شہریت	مملکت آئرلینڈ جمہوریہ آئرلینڈ مملکت متحدہ
عارضہ	رنگ اندھا پن
عملی زندگی
مادر علمی	جامعہ ایڈنبرگ ٹرنیٹی کالج، ڈبلن
پیشہ	طبیب ،  طبی مصنف ،  شاعر ،  ڈراما نگار ،  ادبی نقاد ،  ناول نگار ،  مصنف ،  مضمون نگار ،  ڈرامائی مشیر ،  تھیٹر پروڈوسر
مادری زبان	انگریزی
پیشہ ورانہ زبان	انگریزی ،  ڈینش زبان
شعبۂ عمل	نثر ،  شاعری ،  ڈراما ،  طب
دستخط
	IMDB پر صفحات
باب ادب