اننیا پانڈے

اننیا پانڈے (انگریزی : Ananya Panday-پیدائش: 30 اکتوبر 1998)بھارتی شہر ممبئی سے تعلق رکھنے والی سوشل میڈیا شخصیت، ماڈل، انسٹاگرام اسٹار اور اداکارہ ہے۔ انانیہ ماضی کے معروف اداکار چنکی پانڈے کی بیٹی ہیں۔ اننیا پانڈے کی وجہ شہرت بالی وڈ فلم “ سٹوڈنٹ آف دی ائیر 2” اور فلم 'پتی پتنی اور وہ' بنی، فلموں میں انھوں نے مرکزی کردار ادا کیا ہے۔اس فلم کے ہدایت کار پونیت ملہوترا تھے۔ اس کے بعد وہ مزاحیہ فلم پتی پتنی اور وہ میں مرکزی کردار میں نظر آئیں۔

اننیا پانڈے
(ہندی میں: अनन्या पांडे)
معلومات شخصیت
پیدائش	30 اکتوبر 1998ء (26 سال)  ممبئی
شہریت	بھارت
آنکھوں کا رنگ	گہرا بھورا
بالوں کا رنگ	سیاہ
قد	1.72 میٹر
وزن	55 کلو گرام
مذہب	ہندومت
والد	چنکی پانڈے
عملی زندگی
مادر علمی	دھیروبھائی امبانی انٹرنیشنل اسکول
پیشہ	ادکارہ
	IMDB پر صفحہ

ابتدائی زندگی

اننیا پانڈے 30 اکتوبر 1998 کو بھارت کے ممبئی میں پیدا ہوئیں۔ وہ 80 اور 90 کی دہائی کے مقبول اداکار چنکی پانڈے کی سب سے بڑی بیٹی ہیں، ان کی والدہ بھاونا پانڈے ماہر تعمیرات ہیں۔ اس کی ایک چھوٹی بہن ریا پانڈے ہے۔اننیا پانڈے نے دھیرو بھائی امبانی انٹرنیشنل اسکول ممبئی سے ابتدائی تعلیم حاصل کی۔اس کے بعد وہ امریکا کے شہر لاس اینجلس کی یونیورسٹی آف ساؤدرن کیلیفورنیا میں فیشن اسٹڈیز میں داخلہ لیا اور وہاں سے گریجوئشن کی سند حاصل کی۔ وہ ماضی کی معروف اور سپر اسٹار اداکارہ سری دیوی کی بیٹی جھانوی کپور، سنجے کپور کی بیٹی شاہانہ کپور اور شاہ رخ خان کی بیٹی سہانا خان کی بچپن کی دوست ہے۔ انھیں 2017 میں پیرس میں لا ویلی لومیئر ، وینٹی فیئر کے لی بال ڈیس ڈوبٹنٹس ایونٹ میں شرکت کے لیے مدعو کیا گیا تھا اور وہ اس تقریب کی رکن تھیں۔

دلچسپ حقائق

اننیا پانڈے کے دادا شراد پانڈے ایک معروف ماہر امراض قلب تھے اور ہندوستان میں تبدیلی دل(Heart Transplant ) کی پہلی کامیاب سرجری (کیم اسپتال میں) انھوں نے ہی کی تھی۔ کئی ایک مشہور فلمی و دیگر شخصیات ان کے مریضوں میں شامل رہیں۔

فنی زندگی

فلموں میں آنے سے قبل اننیا پانڈے نے شاہ رخ خان کی فلم رئیس میں اسسٹنٹ ڈائریکٹر کی حیثیت سے کام کیا۔ اس سے قبل بھی اننیا پانڈے نے شاہ رخ خان کی فلم مائی نیم از خان میں ایک مختصر دورانیے سین کے لیے شامل ہوئیں، مگر بدقسمتی سے فلم کی فائنل ایڈیٹنگ میں اس سین کو شامل نہیں کیا گیا۔سال 2018ء میں اننیا پانڈے لو  بیوٹی پراڈکٹس کمپنی لیکمے کی جانب سے  ہندوستان کی مارکیٹنگ سفیر مقرر کیا گیا تھا۔

بھارتی فلمی صنعت کے اسٹوڈیو دھرما فلم پروڈکشن کے تحت بننے والی فلم سٹوڈنٹ آف دی ائیر 2 وہ پہلی فلم تھی جس کے ذریعے اننیا پانڈے ایک اداکارہ کی حیثیت سے دنیا کی نظر میں آئی۔ اس فلم کو ٹیِن فلم( یعنی بچوں سے بڑے اور نوجوانوں سے چھوٹی عمر کے لوگ جو تیرہ سے انیس برس تک کے ہوتے ہیں) کی فلم کہا جاتا ہے۔ اس فلم کے ہدایت کار پونیت ملہوترا اور پروڈیوسر کرن جوہر تھے۔ اس فلم میں ان کے ساتھ ٹائیگر شروف اور تارا سوتاریہ بھی مرکزی کردار میں تھے اور یہ فلم 10 مئی 2019 کو نمائش کے لیے پیش کی گئی تھی۔ سکرول ڈاٹ کام کے ، نینڈینی رام ناتھ نے تبصرہ کرتے ہوئے لکھا کہ فلم میں "محض گیمز اور کوئی لطف نہیں تھا" پھر بھی اننا پانڈے نے صلاحیت کا مظاہرہ کیا۔ ₹ 978،1 ملین کی کمائی کے ساتھ، فلم اچھی کارکردگی دکھانے میں ناکام رہی اننیا پانڈے اسی سال فلم پتی پتنی اور وہ (2019) میں نظر آئیں جو اسی نام کی 1978 میں بننے والی فلم کا ریمیک ہے ، جس میں کارتک آریان اور بھومی پیڈنیکر بھی شامل ہیں۔ پانڈے نے فلم میں اصل فلم سے رنجیتا کور کا کردار میں پیش کیا ۔

ستمبر 2019 میں ، پانڈے نے سپر نیچرل تھرلر فلم خالی پیلی کے لیے پرنسپل فوٹو گرافی کا آغاز کیا ، جو اداکار وجے دیورکونڈا کی 2018 کی تیلگو زبان کی ہارر فلم ٹیکسی والا کا ری میک ہے۔ فلم میں ان کے ساتھ ایشان کھٹر نظر آئیں گے۔

فلموں کی فہرست

†	ان فلموں کی نمائندگی کرتا ہے جو ابھی تک ریلیز نہیں ہوئی ہیں

سال	فلم	کردار	نوٹ
2019	اسٹوڈنٹ آف دی ائیر 2	شریا رندھاوا	پہلی فلم
2019	پتی پتنی اور وہ	تپسیا سنگھ
2020	خالی پیلی †	اعلان ہوگا	فلم بندی

بیرونی روابط

• انٹرنیٹ مووی ڈیٹابیس (IMDb) پر اننیا پانڈے