باب:تیلگو سنیما/Selected Article/1
سَرَئِنوڈُو (اردو:صحیح شخص) 2016ء میں جاری ہونے والی ایک بھارتی تیلگو زبان کی ہنگامہ خیز فلم ہے۔ اس فلم کے مصنف اور ہدایت کار بویاپتی سرینو ہیں۔ اس فلم کو اللو ارویند نے گیتا آرٹس کے بینر تلے پروڈیوس کیا ہے۔ اس فلم کے مرکزی ستارے اللو ارجن، آدھی پنی سیٹی، رکل پریت سنگھ، کیتھرین ٹریسا اور سری کانت ہیں۔ ایس تھمن نے فلم کا میوزک کمپوز کیا۔ رشی پنجابی نے فلم کی سنیماگرافی سنبھالی۔ یہ فلم 22 اپریل، 2016ء کو ملیالم زبان کے ڈب ورژن یودھاوو کے ساتھ جاری کی گئی۔ یہ فلم 2016ء کی سب سے زیادہ پیسے کمانے والی تیلگو فلموں کی فہرست میں شامل ہے۔ یہ فلم بعد میں ہندی زبان میں اسی عنوان کے ساتھ ڈب کی گئی اور 28 اپریل، 2017ء کو یوٹیوب پر جاری کی گئی۔ ڈبنگ آرٹسٹ سنکٹ مہاترے نے اللو ارجن کی آواز اور منوج پانڈے نے آدھی پنی سیٹی کی آواز کو ڈب کیا۔ یہ فلم دسمبر 2017ء میں نیپال میں بھی جاری کی گئی۔