جوش ملیح آبادی
جوش ملیح آبادی (پیدائش: 5 دسمبر 1898ء - وفات: 22 فروری 1982ء) پورا نام شبیر حسین خاں جوش ملیح آبادی اردو ادب کے نامور اور قادر الکلام شاعر تھے۔ آپ آفریدی قبیلے سے تعلق رکھتے ہیں۔ آپ شاعر انقلاب کے لقب سے بھی جانے جاتے ہیں۔[1][2][3]
| جوش ملیح آبادی | |
|---|---|
 جوش ملیح آبادی (1949) | |
| پیدائش | شبیر حسن خان 5 دسمبر 1898 ملیح آباد، آگرہ اور اودھ کے متحدہ صوبے، برطانوی ہند |
| وفات | 22 فروری 1982 (عمر 83 سال) اسلام آباد، پاکستان |
| قلمی نام | جوش |
| پیشہ | شاعر، ادیب |
| قومیت | پاکستانی |
| نسل | مہاجر قوم |
| شہریت | پاکستانی |
| تعلیم | ٹیگور یونیورسٹی, شانتی نیکیتن |
| نمایاں کام | شعلہ و شبنم
جنون و حکمت فکر و نشاط سنبل و سلاسل حرف و حکایت سرود و خروش عرفانیات جوش یادوں کی بارات (آپ بیتی) |
| اہم اعزازات | پدم وبھوشن، 1954 ہلال امتیاز، 2013 |
| اولاد | سجاد حیدر خروش |
| رشتہ دار | بشیر احمد خان (والد)
فرخ جمال(نواسے) تبسم اخلاق (نواسی) |
ابتدائی حالات
آپ 5 دسمبر 1898ء کو اترپردیش ہندوستان کے مردم خیز علاقے ملیح آباد کے ایک علمی اور متمول گھرانے میں پیدا ہوئے۔ تقسیم ہند کے چند برسوں بعد ہجرت کر کے کراچی میں مستقل سکونت اختیار کر لی۔ جوش نہ صرف اپنی مادری زبان اردو میں ید طولیٰ رکھتے تھے بلکہ آپ عربی، فارسی، ہندی اور انگریزی پر عبور رکھتے تھے۔ اپنی اِسی خداداد لسانی صلاحیتوں کے وصف آپ نے قومی اردو لغت کی ترتیب و تالیف میں بھرپور علمی معاونت کی۔ نیز آپ نے انجمن ترقی اردو ( کراچی) اور دارالترجمہ (حیدرآباد دکن) میں بیش بہا خدمات انجام دیں۔ 22 فروری 1982ء کو آپ کا انتقال ہوا۔
تصانیف
آپ کثیر التصانیف شاعر و مصنف تھے۔ آپ کے شعری مجموعوں اور تصانیف میں مندرجہ ذیل نام اہم ہیں۔
- روح ادب
- آوازہ حق
- شاعر کی راتیں
- جوش کے سو شعر
- نقش و نگار
- شعلہ و شبنم
- پیغمبر اسلام
- فکر و نشاط
- جنوں و حکمت
- حرف و حکایت
- حسین اور انقلاب
- آیات و نغمات
- عرش و فرش
- رامش و رنگ
- سنبل و سلاسل
- سیف و سبو
- سرور و خروش
- سموم و سبا
- طلوع فکر
- موجد و مفکر
- قطرہ قلزم
- نوادر جوش
- الہام و افکار
- نجوم و جواہر
- جوش کے مرثیے
- عروس ادب (حصہ اول و دوم)
- عرفانیات جوش
- محراب و مضراب
- دیوان جوش
نثری مجموعے
- مقالات جوش
- اوراق زریں
- جذبات فطرت
- اشارات
- مقالات جوش
- مکالمات جوش
- یادوں کی برات (خود نوشت سوانح)
جوش کی بے انتہا مروتی
جوش مروت میں ایک ملازمت کے لیے کئی لوگوں کی سفارش کردیتے تھے ایک دفعہ ایک شخص کے ہمراہ سفارش کے لیے گئے افسر نے کہا اس کے لیے تو آپ نے کسی اور کی سفارش کی ہے فرمایا کہ اس مردود کو رکھ لیجئے کیونکہ مجھے ساتھ لایا ہے۔
بیرونی روابط
حوالہ جات
- ↑ "Josh in Old Delhi..."۔ The Hindu newspaper۔ Chennai, India۔ 6 March 2016۔ 29 اکتوبر 2013 میں اصل سے آرکائیو شدہ۔ اخذ شدہ بتاریخ 14 نومبر 2020
- ↑ http://www.nation.com.pk/pakistan-news-newspaper-daily-english-online/Karachi/07-Nov-2009/Research-work-on-Josh-Malihabadi-underway آرکائیو شدہ (Date missing) بذریعہ nation.com.pk (Error: unknown archive URL), published 7 November 2009, Retrieved 6 March 2016
- ↑ https://www.asian-voice.com/News/India/Josh-Malihabadi%E2%80%99s-defection-to-Pakistan