جوہر دودائیف

جوہر موسائیوچ دودائیف (چیچن :دوون موسی کانت جوہر ؛ اردو : جوہر ولد موسی دودن) (فروری 1941ء - 21 اپریل 1996ء) ایک سویت ایئر فورس جنرل اور چیچن رہنما تھے۔ وہ شمالی قفقاز میں روس کے علیحدگی اختیار کرنے والی ریاست چیچن جمہوریہ اشکیریہ کے پہلے صدر تھے۔

جوہر دودائیف
(شیشانیہ میں: ДудагӀеран Мусан ЖовхӀар)،(شیشانیہ میں: Дудин Муса-кӀант Джохар)،(شیشانیہ میں: Dudin Musa-voj Dƶoxar)
معلومات شخصیت
پیدائش	15 فروری 1944ء
وفات	21 اپریل 1996ء (52 سال)
مدفن	شیشان
طرز وفات	قتل
شہریت	سوویت اتحاد چیچن جمہوریہ اشکیریہ
جماعت	اشتمالی جماعت سوویت اتحاد (1968–1991)
تعداد اولاد	3
عملی زندگی
پیشہ	پائلٹ ،  سیاست دان ،  فوجی افسر
پیشہ ورانہ زبان	روسی
شعبۂ عمل	سیاست دان
عسکری خدمات
وفاداری	سوویت اتحاد ،  چیچن جمہوریہ اشکیریہ
شاخ	فضائیہ ،  سویت فضائیہ
عہدہ	میجر جنرل (1989–) صدر اعظم (عہدہ) (1996–)
لڑائیاں اور جنگیں	افغانستان میں سوویت جنگ ،  پہلی چیچن جنگ
اعزازات
آرڈر آف ریڈ اسٹار
دستخط

ابتدائی زندگی اور فوجی کیریئر

\ جوہر دودائیف 1944ء میں، غیر قانونی قرار دی گئی "چیچن انگوش خودمختار سویت جمہوریہ " میں اپنے آبائی گاؤں "یالخوروئی" سے جبری ( جوزف ستالین کے حکم سے تمام چیچن، انگوش، بالکار، کلمیک، کریمیائی تاتار اور دوسری چھوٹی قومیتوں کے ساتھ) بے دخلی کے دوران میں پیدا ہوئے۔ انھوں نے اپنے زندگی کے پہلے 13 سال قازاق سویت سوشلسٹ جمہوریہ میں اندرونی جلاوطنی میں گزارے۔

1957ء میں جبری بے دخلی کے بعد چیچن اور انگوشوں کی اپنے علاقوں میں واپسی کے بعد انھوں نے چیچن انگوشتیا میں شام کے ایک اسکول میں داخلہ لیا اور الیکٹریشن ڈپلوما لیا۔ 1962ء میں، ولادی قفقاز میں دو سال الیکٹرونکس پڑھنے کے بعد، وہ تمبوف کے پائیلٹوں کے لیے ہائر ملٹری ایوی ایشناسکول میں داخل ہوئے، جہاں سے 1966ء میں گریجوئیشن کی۔ دودائیف نے 1968ء میں سویت یونین (سویت اتحاد) کی کیمونسٹ پارٹی میں شمولیت اختیار کی اور 1971ء تا 1974ء اعلیٰ معیار کی گیگارین ایئر فورس اکیڈیمی میں تعلیم حاصل کی۔

انھوں نے، ایک روسی شاعرہ "آلا" سے شادی کی، جس سے ان کے تین بچے ہیں۔

دودائیف نے سائیبیریا اور یوکرین میں سویت فضائیہ کی ہیوی بمبار یونٹ میں خدمات سر انجام دیں اور افغانستان میں سویت جنگ میں بھی حصہ لیا۔ وہ سویت فضائیہ میں اس وقت نمایاں ہوئے، جب 1987ء میں انھوں نے میجر جنرل کے رینک کے ساتھ، تارتو اسٹونیا میں سویت سٹریٹیجک ایئر فورس کے ایئر بیس کی کمانڈ سنبھالی۔ دودائیف نے اسٹونی زبان سیکھی اور اسٹونوی قوم پرستی کے لیے نرم گوشہ رکھا، جب انھوں نے اسٹونوی پارلیمنٹ اور ٹیلی ویژن کو بند کرنے کے احکامات پر عمل درآمد کروانے کی بجائے، ایک فوجی گشتی باورچی خانہ وہاں بھیجا۔ 1990ء میں اس کے ایئر ڈویژن کا اسٹونیا سے انخلا عمل میں آیا اور دودائیف نے سویت فوج سے استیفی دے دیا۔

چیچن سیاست

مئی 1990ء میں دودائیف، چیچنیا کے دار الحکومت گروزنی لوٹ آیا اور خود کو مقامی سیاست کے لیے وقف کر دیا۔ وہ غیر سرکاری حزب اختلاف "چیچن لوگوں کی کل قومی کانگرس"(آل نیشنل کانگرس آف دی چیچن پیپل) کے سربراہ منتخب ہوئے، جو چیچنیا کی سویت یونین کی علاحدہ جمہوریہ کے طور پر حاکمیت اعلیٰ کی وکالت کرتی تھی (جب کے اس وقت چیچن انگوش خودمختار جمہوریہ کی حثیت "روسی وفاقی سویت سوشلسٹ جمہوریہ کی ایک خود مختار جمہوریہ کی تھی)۔