خدا کے لیے

خدا کے لیے ایک پاکستانی اردو انگریزی فلم ہے۔ جس کے ہدایات پاکستان کے مایہ ناز ہدایت کار شعیب منصور نے دی ہیں۔ ایمان علی نے اس فلم سے اپنے فلی کیریر کا آغاز کیا ہے وہ اس فلم میں ایک اینگلو پاکستانی کا کردار بطور ہیروئن ادا کر رہی ہیں۔ شان اس فلم کے ہیرو ہیں جبکہ امریکی ادا کارہ آسٹن میری سائر ان کی بیوی کا کردار ادا کر رہی ہیں۔ نوجوان گلوکار احمد جہانزیب اور شجاع حیدر نے اس فلم کے گانے بنائے اور کچھ گائے ہیں۔ اس فلم کا نام انگریزی میں In the name of God لکھا گیا ہے جبکہ ناقدین کا خیال ہے یہ "خدا کے نام پر" کا ترجمہ ہے۔ اس کا انگریزی ترجمہ For God’s Sake ہونا چائیے تھا۔

خدا کے لیے (ِKhuda Kay Liye)
فائل:Khuda-kay-liye.JPG خدا کے لیے فلم کا سرورق
ہدایت کار	شعیب منصور
پروڈیوسر	شعیب منصور جیو ٹی وی
تحریر	شعیب منصور
ستارے	شان نصیر الدین شاہ فواد افضل خان ایمان علی حمید شیخ راشد ناز ایوب کھوسہ
موسیقی	روحیل حیات
ایڈیٹر	علی جاوید عامر خان
تقسیم کار	جیو ٹی وی
تاریخ نمائش	20 جولائی، 2007ء
دورانیہ	144 منٹ
ملک	پاکستان
زبان	انگریزی، اردو

کہانی

کہانی کا پس منظر

اس فلم کی کہانی نو گیارہ کے واقعات کے بعد پیش آنے والی گھمبیر صورت حال کے گرد گھومتی ہے جس سے مسلمانوں بالخصوص پاکستانیوں کا گذرنا پڑا۔ اس فلم میں بنیاد پرست مسلمانوں اور لبرل یا اعتدال پسند مسلمانوں میں کشمکش دکھائی گئی ہے۔ اس فلم میں اعتدال پسند اور پڑھے لکھے مسلمانوں کو پریشان دیکھایا گیا ہے جیسا کہ بنیاد پرست یا شدت پسند مسلمان انھیں ان کی ظاہری حالت اور مغرب سے مغلوب ہونے کے سبب نا پسند کرتے ہیں اور دوسری طرف مغرب ان مسلمان کو شک کی نگاہ سے دیکھتا ہے اور انھیں دہشت گرد ہی یا دہشت گروں کا حامی گردانتا ہے۔ جس کی وجہ سے اعتدال پسند مسلمانوں کو شدید مشکلات کا سامنا ہوتا ہے۔ یہ فلم میں جہاد، اسلام میں موسیقی کا مقام اور مسلمانوں کی امریکا کے لیے نفرت کوموضوع بنایا گیا ہے۔ یہ تمام تنازعات اس فلم کے موضوع ہیں۔

فلم کی کہانی

سرمد اور منصور ایک اعتدال پسند گھرانے سے تعلق رکھنے والے دو بھائی تھے جو دینی لحاظ سے ایک مکمل گھرانہ ہونے کے ساتھ ساتھ سماجی طور پر بھی ایک خوش حال تھے ۔ ان کی زندگی میں پہلا ہلچل اس وقت مچتا ہے جب ان کا ایک بچپن کا دوست انہيں کٹر مذہبی بن کر ملنے آتا ہے اور اس کے کچھ دنوں کے بعد ہی اس کے چچا اپنی بیٹی کے مسئلے کی وجہ سے امریکا سے پاکستان ان کے ہاں رہنے آتے ہيں۔ سرمد کا دوست اسے ایک عالم دین کے پاس لے جاتا ہے جو ان کی ذہن سازی کرتے ہيں جس کے نتیجے میں سرمد اپنی چچا کی بیٹی سے زبردستی نکاح کرنے پر تیار ہو جاتا ہے۔ اپنے دوست کے آبائی گاؤں میں لے جا کر لڑکی کے باپ کی ملی بھگت سے وہ اسے زبردستی اپنی منکوحہ بنا لیتا ہے۔ مگر بات صرف یہیں ختم نہيں ہوتی بلکہ انہی عالم دین کے کہنے پر وہ افغانستان میں جنگ لڑنے بھی چلا جاتا ہے ۔

جب کہ دوسری طرف اس کا بھائی منصور امریکا میں فن و موسیقی کی تعلیم کے لیے جاتا ہے تو وہاں ایک مسیحی لڑکی سے شادی کرتا ہے۔ مگر نائن الیون کے بعد سے امریکا کی دنیا ہی بدل جاتی ہے۔ ذہنی و جسمانی طور پر اعتدال پسند ہونے کے باوجود اسے غیر مسلموں کی طرف شدید تنقید کا سامنا رہتا ہے مزید رہی سہی کسر امریکی تفتیشی ایجنسیوں کی طرف سے پوری ہو جاتی ہے جب وہ اسے اٹھا کر اسے پر بلا جواز تشدد بھی کرتے ہيں اور مختلف الزامات بھی لگاتے ہيں ۔

فلم کی اہمیت

عام طور پر پاکستانی فلم روایتی فلمی موضومات پر مبنی ہوتی ہے جس میں کچھ بالی وڈ سے متاثر شدہ گانے ہوتے ہیں اور روایتی کہانی ہوتی ہے لیکن فلم خدا کے لیے اپنے لحاظ سے ایک منفرد اور نہایت سنجیدہ اور کسی حد تک متنازع موضوع پر مبنی ہے۔ یہ فلم پاکستان نجی ٹیلی ویژن چینل جیو ٹی وی کی پیشکش ہے۔

تعریف اور تنقید

فلمی اور فنون لطیفہ کے نقادوں کے عام طور پر فلم کو نہایت پسند کیا ہے۔ لیکن فلم میں متنازع مذہبی نقاط کو بھی مذہبی حلقوں کی جانب سے سخت تنقید کا نشانہ بنایا گیا ہے۔ بالخصوص فلم میں نبی حضرت دائود علیہ السلام کے مطلق رویات کو متنازع قرار دیا گیا ہے۔ البتہ سمندر پار پاکستانیوں نے اس فلم کو بے پناہ پسند کیا ہے اور اس فلم کو بین الاقوامی سینمائوں میں جگہ ملی ہے۔ اس فلم میں اسلامی روایات کا خوب مذاق اُڑایا گیا۔ موسیقی،داڑھی،اور عورت کی آزادی پر بھی بحث کی گئی

کاسٹ

• شان بحثیت منصور، ایک موسیقی کا دلدادہ اور موسیقی کا طالب علم
• فواد افضل خان بحثیت سرمد، منصور کا بھائی اور مجاہد
• ایمان علی بحثیت مریم، سرمد کی بیوی
• نصیر الدین شاہ بحثیت مولانا ولی
• حمید شیخ بحثیت شیر شاہ
• آسٹن میری سائر بحثیت جین، منصور کی بیوی
• لیری نیومین
• راشید ناز بحثیت مولانا طاہری
• نعیم طاہر
• سیمی راحیل
• ہمایوں کاظمی
• نجیب اللہ انجم
• ایوب کھوسہ
• روفس گراہم
• اینجلاولیمز
• الیکس ایڈورڈ

موسیقی

• پس منظر موسیقی: روحیل حیات
• آواز:احمد جہانزیب، شجاع حیدر، فرح زلا، عمار حسن، خاور جواد، فائزہ مجاہد، سائیں ظہور اور حدیقہ کیانی
• بول: شعیب منصور،بلھے شاہ، فائزہ مجاہد
• ترتیبِ موسیقی: احمد جہانزیب، شجاع حیدر، لگن بینڈ، خاور جواد، جواد بشیر۔

گانے

• اللہ ھو
• بندے 1
• بندے 2
• uدنیا
• ہمارے ہیں
• خدا کے لیے
• جانے

ریلیز

پاکستان میں ریلیز کی تاریخ

• موسیقی: جولائی 7، 2007ء
• فلم: جولائی 20، 2007ء

Indented line

بین الاقوامی ریلیز

• متحدہ عرب امارات:
• برطانیہ: اکتوبر 25، 2007ء
• امریکا: نومبر 21، 2007ء
• بھارت: دسمبر 29، 2007ء

مزید دیکھیے

• لولی وڈ
• شعیب منصور

بیرونی روابط

• Khuda Ke Liya Movie and Mp3 Songsآرکائیو شدہ بذریعہ gloomx.com
• Khuda Ke Liye official websiteآرکائیو شدہ بذریعہ inthenameofgod.com
• Khuda Ke Liye آئی ایم ڈی بی پر
• Khuda ke Liye - Download Khuda Ke Liye Songs
• Shoaib Mansoor's fanatism - In The Name of God