سوہن لال پاٹھک
سوہن لال پاٹھک[1] (انگریزی: Sohanlal Pathak)، پیدائش: 7 جنوری، 1883ء - وفات: 10 فروری، 1916ء) ہندوستان کے مشہور انقلابی اور تحریک آزادی ہند کے کارکن تھے۔ انقلابی تنظیم غدر پارٹی کے لیڈر تھے۔ انھوں نے برما، ملایا اور سنگاپور میں آزادی ہند کی انقلابی سرگرمیوں میں فعال کردار ادا کیا۔ انھیں مانڈلے جیل میں بغاوت کے جرم میں پھانسی دی گئی۔
| سوہن لال پاٹھک | |
|---|---|
| معلومات شخصیت | |
| پیدائش | 7 جنوری 1883ء ضلع امرتسر ، برطانوی پنجاب |
| وفات | 10 فروری 1916ء (33 سال) ماندالے ، برطانوی برما |
| وجہ وفات | پھانسی |
| شہریت |  بھارت |
| عملی زندگی | |
| پیشہ | انقلابی |
| الزام و سزا | |
| جرم | بغاوت (فعل) |
درستی - ترمیم  | |
حالات زندگی
ترمیمسوہن لال پاٹھک 7 جنوری 1883ء کو موضع پٹی، امرتسر ضلع، صوبہ پنجاب (برطانوی ہند) میں پیدا ہوئے۔انھوں نے مڈل تک تعلیم پائی۔ پرائمری اسکول میں معلم تھے۔ انھوں نے وطن پرستانہ سرگرمیوں میں زیادہ دلچسپی لی۔[2] جب ان کے صدر مدرس نے انہہں لالہ لاجپت رائے اور دوسرے دوسرے لیڈروں سے قطع تعلق کرنے کا حکم دیا تو انھوں نے ملازمت سے احتجاجاً استعفیٰ دے دیا۔ وہ لالہ لابپت رائے کے اخبار بندے ماترم میں معاون مدیر ہو گئے۔ 1914ء میں تھائی لینڈ، فلپائن اور ریاستہائے متحدہ امریکا گئے۔ کیلیفورنیا میں غدر پارٹی میں شمولیت اختیار کی۔انھوں نے برما، ملایا اور سنگاپور میں مقیم برطانوی فوج کے ہندوستانی سپاہیوں کو بغاوت پر آمادہ کرنے کا کام سر انجام دیا۔ سنگاپور میں مقیم ہندوستانی فوجوں نے 1915ء میں بغاوت کی مگر اس بغاوت کو وحشیانہ طور پر کچل دیا گیا۔ بہت سے باغی سپاہیوں کو گرفتار کر لیا گیا اور ان میں سے اکثر کو گولی مار کر ہلاک کر دیا گیا۔ اگست 1915ء میں برما میں بغاوت منظم کرتے ہوئے گرفتار ہوئے۔ ان پر حکومت کے خلاف سازش اور بغاوت کرنے کا مقدمہ چلایا گیا اور سزائے موت کا حکم سنایا گیا۔ وہ 10 فروری 1916ء کومانڈلے جیل (موجودہ برما) میں پھانسی کی تختے پر شہید ہو گئے۔[3][4]
حوالہ جات
ترمیم- ↑ Pran Nath Chopra (2013)۔ Who's Who of Indian Martyrs, Vol. 1۔ Public Resource۔ Publications Division, Ministry of Information and Broadcasting, Govt. of India۔ ISBN 978-81-230-1757-0
- ↑ شہیدانِ آزادی (جلد اول)، چیف ایڈیٹر: ڈاکٹر پی این چوپڑہ، قومی کونسل برائے فروغ اردو زبان نئی دہلی، 1998ء، ص 108
- ↑ شہیدانِ آزادی (جلد اول)، ص 109
- ↑ Singh۔ "Eminent Freedom Fighters of Punjab by"۔ Scribd (بزبان انگریزی)۔ اخذ شدہ بتاریخ 22 دسمبر 2021