شیام بینیگل

شیام بینیگل مشہور ہندوستانی فلم ساز۔ جن کا شمار انیس سو ستر کی دہائی کے حقیقی سنیما کے خالقوں میں کیا جاتا ہے۔

شیام بینیگل
(انگریزی میں: Shyam Benegal)، (ہندی میں: श्याम बेनेगल)
معلومات شخصیت
پیدائش	14 دسمبر 1934ء   تریمولگھیرے
وفات	23 دسمبر 2024ء (90 سال)  ممبئی
شہریت	برطانوی ہند بھارت
تعداد اولاد	1
مناصب
رکن راجیہ سبھا
برسر عہدہ 2006  – 2012
عملی زندگی
مادر علمی	نارتھ ایسٹ ہل یونیورسٹی جامعہ عثمانیہ، حیدرآباد نظام کالج
پیشہ	فلم ہدایت کار ،  منظر نویس ،  فلم ساز ،  سیاست دان ،  ہدایت کار ،  دستاویز ساز
پیشہ ورانہ زبان	انگریزی
شعبۂ عمل	فلم ،  ڈاکیومنٹری
اعزازات
دادا صاحب پھالکے ایوارڈ   (2005)  پدم بھوشن   (1991) فلم فیئر اعزاز برائے بہترین ہدایت کار (برائے:جنون (1978ء فلم) ) (1980)  فنون میں پدم شری   (1976) ایفا حاصل زیست اعزاز
	IMDB پر صفحات

ابتدائی زندگی

مالوہ سکندر آباد میں 14 دسمبر 1934ء کو پیدا ہوئے۔ اڑیسہ یونیورسٹی سے گریجویشن کرنے کے بعد اڑیسہ چلے گئے جہاں FTIIمیں ڈپلوما حاصل کیا۔ پھر اشتہارات کی دنیا سے وابستہ ہوئے۔ فلم کی طرف آنے سے پہلے بہت سے اشتہارات تخلیق کیے۔

فلم

بینیگل نے اپنی پہلی فلم ’انکور‘ انیس سو تہتر میں بنائی تھی اور اس میں انھوں نے شبانہ اعظمی کو متعارف کرایا تھا۔ اس کے علاوہ بینگل نے فلمی دنیا کو نصیرالدین شاہ، اوم پوری، سمیتا پاٹل اور کل بھوشن کھربندہ جیسے فنکار دیے جن کا شمار ہندی سنیما کے بہترین اداکاروں میں ہوتا ہے۔ متوازی سنیما کے طور پر انھوں نے یکے بعد دیگرے چار فلمیں ایسی دیں جس نے بینیگل کو ڈھیر سارے ایوارڈ دلائے اور انھیں ممتاز فلمسازوں کی فہرست میں لا کر کھڑا کر دیا۔ ان کی فلمیں انکور، منتھن، نشانت اور بھومیکا ہندستانی سماج میں عورتوں کے مسائل، مزدوروں اور زمینداروں کے رشتوں اور سماج کے سلگتے مسائل پر مبنی فلمیں تھیں۔

جنون

شیام بینیگل نے ان چار فلموں کے بعد ششی کپور کے ساتھ فلم ’جنون‘ بنائی۔ اٹھارہ سو ستاون کے پس منظر میں جنون نے انتہائی محبت کی ایک کہانی پیش کی تھی۔

اس کے بعد ان کی فلم ’ کل یگ‘ آئی جو پیچیدہ انسانی رشتوں کی کہانی تھی، لیکن انیس سو اسی کی دہائی کے بعد متوازی یا حقیقی سنیما کا دور ختم ہو گیا اور بینیگل نے کمرشیل سنیما سے سمجھوتہ کرنے کی بجائے خود کو ٹی وی سیرئیلز تک محدود کر لیا، البتہ سن دو ہزار ایک میں انھوں نے کرشمہ کپور کے ساتھ فلم ’زبیدہ‘ بنائی۔ یہ فلم ایک نڈر بیباک چلبلی عورت کی کہانی تھی جو اپنے طور پر اپنی زندگی جینے کی خواہش رکھتی ہے۔ یہ فلم باکس آفس پر کچھ زیادہ کامیاب نہیں ہو سکی۔

بینیگل نے متوزای سنیما اور ٹی وی سیریل کے علاوہ چند یادگار دستاویزی فلمیں بھی بنائی ہیں جن میں ’چائلڈ آف دی سٹریٹ‘ اور ’ستیہ جیت رے‘ شامل ہیں۔ بینیگل نے کافی تحقیق کے بعد دو ہزار پانچ میں نیتا جی سبھاش چندر بوس پر فلم بنائی جو تنازع کا شکار ہو گئی۔

اعزازات

2007ء میں ہندوستان کی حکومت نے انھیں فلمی دنیا کے لیے مختص سب سے بڑے ایوارڈ دادا صاحب پھالکے ایوارڈ سے نوازا۔

وفات

ان کا انتقال23 دسمبر2024 ء کو ہوا۔