مرکزی مینیو کھولیں

محمد نصرت قلمی نام عزیز نیسن (انگریزی: Aziz Nesin) (پیدائش : 20 دسمبر 1915ء - وفات: 6 جولائی 1995ء) بیسویں صدی کا ترکی کا مشہور ادیب، شاعر، ڈراما نگار، مزاح نگار، 100 سے زائد کتابوں کے مصنف اور جدید ترکی ادب کا معروف ترین نام ہے۔

عزیز نیسن
Aziz Nesin
Aziz nesin.jpg
پیدائش محمد نصرت
20 دسمبر 1915(1915-12-20)
جزائر پرنس، سلطنت عثمانیہ
وفات 6 جولائی 1995(1995-07-06)
چشمے، ترکی
قلمی نام عزیز نیسن
پیشہ مصنف
زبان ترکی
قومیت Flag of Turkey.svg ترکی
اصناف شاعری، ڈراما، طنز ومزاح

حالات زندگیترميم

پیدائش و خاندانی پس منظرترميم

عزیز نیسن 20 دسمبر 1915ء کو جزائر پرنس، سلطنت عثمانیہ میں پیدا ہوئے۔ وہ کریمیائی تاتار نسل سے تعلق رکتے تھے۔[1]

خدماتترميم

عزیز نیسن نے متعدد طنزیہ رسائل کی ادارت کی۔ عزیز نیسن ایک فعال سیاسی کارکن رہے۔ 1980ء میں جب ترکی میں فوجی انقلاب کے بعد دانشوروں سمیت سارا ملک شدید دباؤ کا شکار تھا، عزیز نیسن نے دانش وروں کی ایک قابلِ لحاظ تعداد کو آمرانہ حکومت کے خلاف متحد کیا۔ زندگی کے آخری برسوں میں مذہبی شدت پسندی کے خلاف برسرِ پیکار رہے۔ اپنے سیاسی نظریات کی بنا پر وقتاً فوقتاً جیل جانا پڑا۔ عزیز نیسن نے عام آدمی کے دبائے اور کچلے جانے کے خلاف شدید رد عمل ظاہر کیا اور نوکر شاہی کو اپنے بھرپور طنز کا نشانہ بنایا۔ ان کی تخلیقات کے تیس سے زائد زبانوں مین ترجمے ہو چکے ہیں۔[1]

نیسن فاؤنڈیشن کا قیامترميم

انہوں نے 1972ء میں "نیسن فاؤنڈیشن" قائم کی۔ فاؤنڈیشن کا مقصد ہر سال چار بچوں کو فاؤنڈیشن کے قائم کردہ گھر میں لاکر ان کی تمام ضروریات کی کفالت کرنا ہے۔ ان ضرورریات میں روٹی، کپڑے اور مکان کے ساتھ ساتھ ابتدائی اسکول سے اعلیٰ تعلیمی اداروں تک بچوں کی تعلیم و تربیت بھی شامل ہے۔ اس مقصد کے حصول کے لیے عزیز نیسن نے اپنی تمام تخلیقات کے ترکی اور بیرونِ ترکی طباعت، ترجمے، اسٹیج پر پیش کیے جانے، فلم یا ٹیلی وژن پر پیش کش کے تمام حقوق دائمی طور پر فاؤنڈیشن کے نام کردیے۔[1]

اعزازاتترميم

انہیں ترکی، اطالیہ، بلغاریہ اور سابق سوویت یونین میں متعدد اعزازات سے نوازا گیا۔

وفاتترميم

عزیزنیسن کی وفات حرکتِ قلب بند ہونے سے 6 جولائی 1995ء کو چشمے، ترکی میں ہوئی۔ وصیت کے مطابق بغیر کسی تقریب کے "نیسن فاؤنڈیشن" کی زمین میں کسی نامعلوم مقام پر دفن کیے گئے۔

حوالہ جاتترميم

  1. ^ ا ب پ عزیز نیسن، مصنف کا تعارف، اردو ڈائجسٹ لاہور، ص 258