عز الدین رسعنی

عز الدین رسعنی، پورا نام: ابو محمد عز الدین عبد الرازق بن رزق اللہ بن ابو بکر بن خلف بن ابو الہیجاء رسعنی حنبلی ہے، رسعنی نسبت رأس عین نامی جگہ سے مرکب ہے، حنبلی مذہب کے فقیہ تھے، اپنے زمانہ کے امام اور محدث، شاعر اور ادیب تھے۔

عز الدین رسعنی
معلومات شخصیت
پیدائش	سنہ 1193ء   راس عین
وفات	24 جنوری 1263ء (69–70 سال)  سنجار
مذہب	اسلام
فرقہ	اہل سنت
فقہی مسلک	حنبلی
عملی زندگی
پیشہ	محدث ،  ادیب ،  شاعر

سوانح

ولادت: رأس عین میں سنہ 589ہجری میں ہوئی۔ حنبلی مذہب کے کبار علما میں سے تھے، اپنے زمانہ میں جزیرہ فرات کے امام شمار ہوتے تھے، طلبِ حدیث کی خاطر بغداد، دمشق اور حلب کا سفر کیا ہے، موصل کے مدرسہ دار الحدیث میں شیخ تھے۔

اساتذہ:- ابو الیمن کندی، افتخار ہاشمی اور اس زمانہ کے کبار علما و ائمہ سے کسب فیض کیا۔

تلامذہ:- مایہ ناز شاگردوں میں سے دمیاطی اور ابرقوہی ہیں۔

تصنیفات

• رموز الکنوز فی تفسیر الکتاب العزیز، یہ کتاب تفسیر کی اہم کتاب ہے، اس میں آیات کے معانی میں کو نہایت احسن طریقہ سے بیان کیا گیا ہے، ساتھ ہی ساتھ آیات کے معانی اور اس کی قرات کو احادیث، اقوال صحابہ و تابعین اور ائمہ مجتہدین کے دلائل کے ساتھ بیان کیا ہے، اسباب نزول کو احادیث نبویہ سے سند کے ساتھ ثابت کیا ہے، عربی زبان کی بلاغت و فصاحت کو بھی ذکر کیا ہے، گویا یہ کتاب تفسیر کے مختلف علوم و فنون کو شامل ہے۔
• درۃ القاری فی الفرق بین الضاد والظا، تجوید و قرات میں ہے، یہ دو ورق پر مشتمل منظوم مخطوطہ ہے جس میں 32 اشعار ہیں، اس میں امام رسعنی نے قرآن میں لفظ "ض" اور "ظ" کے فرق کو بیان کیا ہے۔

وفات

عز الدین رسعنی کی وفات سنجار میں 12 ربیع الثانی 661ہجری میں ہوئی۔