دمشق

 

دمشق (عربی: دِمَشْق) سوریہ کا دارالحکومت اور دنیا کے قدیم ترین شہروں میں سے ایک۔ اسے الشام بھی کہا جاتا ہے۔ سطح سمندر سے 2260 فٹ کی بلندی پر آباد ہے۔ اس کے چاروں طرف باغات اور مرغزار ہیں۔ جن کے گرد پہاڑیاں پھیلی ہوئی ہیں۔ زمانہ قدیم میں یہ شہر علی الترتیب آرمینی، آشوری اور اہل فارس کے زیر تسلط رہا۔ 333 ق م میں اسے سکندر اعظم نے تسخیر کیا اور 62 ق م میں یہ رومی سلطنت کا صوبائی مرکز بنا۔

دمشق
(عربی میں: دمشق)
دمشق پرچم
نقشہ
انتظامی تقسیم
ملک	شام (1 جنوری 1944–) خلافت راشدہ (635–661) سلطنت امویہ (661–749) انباط (37–105) رومی سلطنت (36–394) بازنطینی سلطنت (395–634) دولت عباسیہ (750–1078) سلجوقی سلطنت (1079–1260) سلطنت مملوک (1260–1516) سلطنت عثمانیہ (1517–1917) فرانسیسی تعہد برائے سوریہ اور لبنان (1918–1 جنوری 1944)
دار الحکومت برائے	شام (1945–)
تقسیم اعلیٰ	محافظہ دمشق
جغرافیائی خصوصیات
متناسقات	33°30′47″N 36°17′31″E
رقبہ
بلندی
آبادی
کل آبادی
مزید معلومات
جڑواں شہر	انقرہ دنیزلی استنبول بیونس آئرس امارت دبئی یریوان مالقہ ساؤ پالو (1999–) ٹورانٹو قاہرہ توکیو عمان ایتھنز فیرارا فلورنس رباط بخارسٹ قرطبہ (2002–) میدرد بوداپست دبئی بیروت طلیطلہ بغداد
اوقات	متناسق عالمی وقت+03:00
سرکاری زبان	عربی
فون کوڈ	011
قابل ذکر
قابل ذکر	محاصرہ دمشق (634ء)
باضابطہ ویب سائٹ	باضابطہ ویب سائٹ
جیو رمز	170654

متجر للشرقيات في دمشق القديمة

635ء خلافت عمر فاروق رَضی اللہُ تعالیٰ عنہُ میں اس شہر پر اسلامی پرچم لہرایا۔ 661ء تا 741ء خلافت امویہ کا صدر مقام رہا۔ عباسیوں نے بر سر اقتدار آنے کے بعد بغداد کو دار الخلافہ بنایا لیکن دمشق کی اہمیت پھر بھی باقی رہی۔ صلیبی جنگوں کے دوران یہ شہر کافی عرصہ میدان کارزار بنا رہا۔ 1260ء میں ہلاکو خان نے اس کی اینٹ سے اینٹ بجا دی۔ ایک سو سال بعد اسے امیر تیمور نے فتح کیا۔ 1516ء میں عثمانی ترک اس پر قابض ہوئے۔ جب شام فرانس کی تولیت میں دیا گیا تو شہر حلب (Aleppo) کے ساتھ دمشق بھی ملک کا دار الحکومت رہا۔ 1946ء میں آزاد شام کا دار الحکومت بنا۔ اس شہر کو یہ فخر حاصل ہے کہ تین عظیم اسلامی فاتحین نور الدین زنگی، صلاح الدین ایوبی اور رکن الدین بیبرس کی آخری آرام گاہیں یہاں موجود ہیں۔ دمشق دنیا کے قدیم ترین شہروں میں سے ایک ہے جو مسلسل آباد ہے۔

نگار خانہ

• 
• 
• 
• 
•