فیروز خان (بھارتی اداکار)

بالی وڈ کے نامور اداکار۔ بنگلور میں پیدا ہوئے۔ والد تنولیپٹھان جب کہ والدہ ایرانی نسل سے تعلق رکھتی تھیں۔ بنگلور سے بمبئی آئے تاکہ فلموں میں کام کر سکیں۔

فیروز خان (بھارتی اداکار)
معلومات شخصیت
پیدائش	25 ستمبر 1939ء   بنگلور
وفات	27 اپریل 2009ء (70 سال)  بنگلور
وجہ وفات	پھیپھڑوں کا سرطان
طرز وفات	طبعی موت
رہائش	ممبئی
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت
اولاد	فردین خان
بہن/بھائی	سنجے خان ،  اکبر خان (ڈائریکٹر)
عملی زندگی
مادر علمی	بشپ کاٹن بوائز اسکول
پیشہ	فلم اداکار ،  فلم ساز ،  فلم ہدایت کار ،  فلم مدیر ،  منظر نویس ،  مصنف ،  ٹیلی ویژن اداکار
مادری زبان	ہندی
پیشہ ورانہ زبان	ہندی
اعزازات
زی ساین حاصل زیست اعزاز (2008) فلم فیئر حاصل زیست اعزاز (2001) فلم فیئر اعزاز برائے بہترین معاون اداکار (برائے:Aadmi Aur Insaan ) (1971)
نامزدگیاں
فلم فئیر اعزاز برائے بہترین منفی اداکاری (2004) فلم فیئر اعزاز برائے بہترین معاون اداکار (1975) فلم فیئر اعزاز برائے بہترین معاون اداکار (1971)
	IMDB پر صفحات

فلمی زندگی

فلمی کریئر کی ابتدا دوسرے درجے کی فلموں میں بطور معاون اداکار کے شروع کی تھی لیکن فلم اونچے لوگ میں ان کی اداکاری کو کافی سراہا گیا اور انھیں اوّل درجے کی فلمیں ملنے لگیں۔ فلم آدمی اور انسان میں انھیں ان کی اداکاری کے لیے بطور معاون اداکار پہلا فلم فیئر ایوارڈ بھی ملا۔

ہدایتکاری

خان نے خود کو محض اداکاری تک محدود نہیں رکھا انھوں نے فلمیں بھی پروڈیوس کیں اور ہدایت کاری کے میدان میں بھی اپنا لوہا منوا لیا۔ اگر یوں کہا جائے کہ بہ حیثیت ہدایت کار اور فلمساز وہ زیادہ کامیاب تھے تو یہ کچھ غلط نہیں ہو گا۔ انیس سو اسی میں انھوں نے فلم قربانی بنائی یہ فلم ان کے کرئیر کی سب سے کامیاب اور باکس آفس ہٹ فلم تھی اس میں انھوں نے پاکستانی گلوکارہ نازیہ حسن سے ایک گیت گوایا ’آپ جیسا کوئی میری زندگی میں آئے تو بات بن جائے‘ یہ نغمہ بہت ہی مقبول ہوا۔ اس فلم کے بعد انھوں نے کئی کامیاب فلمیں بنائیں۔ انیس سو چھیاسی میں انھوں نے جانباز بنائی۔ اس کے بعد فلم دیا وان جو بہت ہی مقبول ثابت ہوئی اس فلم میں انھوں نے ونود کھنہ کے ساتھ اداکاری بھی کی۔ ونود کھنہ کے ساتھ ان کی یہ دوسری کامیاب فلم تھی پہلی فلم قربانی تھی۔ لیکن ان کی فلم یلغار کے بعد انھوں نے فلمسازی سے بریک لے لیا۔

آخری عمر

ہی میں انھوں نے کامیڈی فلم ' ویلکم ' میں کام کیا۔ یہ ان کی آخری فلم تھی اس کے بعد سے وہ مستقل بیمار رہنے لگے۔ ان کے آخری وقتوں میں ان کے بیٹے فردین خان برابر ان کے ساتھ رہے۔ اپنے والد کی تیمارداری کی وجہ سے فردین نے کوئی فلم سائن نہیں کی۔ فیرو خان کو فلمی صنعت میں ان کی کارکردگی کے لیے سن دو ہزار میں فلم فیئر نے لائف ٹائم اچیومینٹ ایوارڈ سے بھی نوازا گیا۔

اسٹائل

خان کو جانوروں سے بہت محبت تھی اور اسی لیے ان کی ہر فلم میں کوئی نہ کوئی جانور ضرور ہوتا تھا۔ خان کا اداکاری کا اپنا انداز تھا۔ جس طرح آج کل سلمان خان اپنے سٹائل کے لیے مشہور ہیں اسی طرح کسی وقت فیروز خان جانے جاتے تھے۔ خان نے اپنی پوری زندگی بہت ہی شاہانہ انداز میں گزاری۔