مسند (اصطلاح حدیث)

اس کی جمع مسانید ہے جس میں صحابہ کی ترتیب کے مطابق روایات ذکر کی جاتی ہیں کبھی حروف تہجی کبھی جیسے مسند انس بن مالک کبھی صحابہ کے تقدم فی الاسلام یا مراتب و درجات کے اعتبار سے ہوتی ہے علم حدیث میں اس سے مراد وہ حدیث ہے جو ثقہ راویوں کے ذریعے کسی صحابی تک مسلسل طریقے پر پہنچے اور کہیں کسی راوی کا ذکر رہ نہ گیا ہو۔ اس کو دومعنی ہیں تھوڑی سی تبدیلی کے ساتھ

مُسنَد (نون پر زبر کے ساتھ)

لغوی مفہوم میں اس چیزکو مسنَد کہتے ہیں جس کی طرف کوئی چیز یا بات منسوب کی گئی ہو۔ اس کے اصطلاحی مفاہیم تین ہیں۔* احادیث کی وہ کتاب جس میں احادیث کو روایت کرنے والے صحابہ کو ترتیب سے اکٹھا کیا گیا ہو۔* وہ حدیث جس کی سند ملی ہوئی ہو۔* یہ سند کا مترادف بھی ہے۔

مُسنِد (نون پر زیر کے ساتھ)

وہ شخص جو اپنی سند کے ساتھ حدیث روایت کرتا ہو، 'مُسنِد' کہلاتا ہے۔ اس سے کوئی فرق نہیں پڑتا کہ اسے خود اس حدیث کا علم ہے یا وہ کسی اور شخص سے روایت کر رہا ہے۔