چارلٹن ہسٹن

مشہور امریکی اداکارچارلٹن ہسٹن الے نوائے کی ایوانسٹن نامی جگہ پر 4 اکتوبر 1923ء کو پیدا ہوئے، اداکاری کی تربیت حاصل کی اور تین برس کے لیے امریکی ایئر فورس میں خدمات انجام دیں۔ جب وہ واپس سویلین زندگی میں لوٹے تو اداکاری کا موقع ملنے کے انتظار میں ان کی شریکِ حیات لِڈیا اور انھیں بہت سخت دن دیکھنے پڑے۔ وہ دونوں شکاگو میں ایک کمرے میں رہتے تھے اور مقامی آرٹسٹ حلقوں میں سوا ڈالر فی گھنٹہ کے حساب سے لائف ماڈلنگ کیا کرتے۔

چارلٹن ہسٹن
(انگریزی میں: Charlton Heston)
معلومات شخصیت
پیدائشی نام	(انگریزی میں: Miguel Angel)
پیدائش	4 اکتوبر 1923ء   اوانسٹن
وفات	5 اپریل 2008ء (85 سال)  بیورلی ہلز، کیلیفورنیا
وجہ وفات	نمونیا ،  الزائمر
مدفن	کیلی فورنیا
طرز وفات	طبعی موت
شہریت	ریاستہائے متحدہ امریکا
قد	189 سنٹی میٹر
جماعت	ریپبلکن پارٹی (1972–) ڈیموکریٹک پارٹی (–1972)
عارضہ	الزائمر (–)
عملی زندگی
مادر علمی	نارتھ ویسٹرن یونیورسٹی نارتھ ویسٹرن یونیورسٹی اسکول آف کیمونیکیشن
پیشہ	ٹیلی ویژن اداکار ،  فلم اداکار ،  فلم ہدایت کار ،  صوتی اداکار ،  آپ بیتی نگار ،  منچ اداکار ،  ٹریڈ یونین پسند ،  اداکار ،  منظر نویس ،  سیاسی کارکن ،  سماجی کارکن ،  فعالیت پسند ،  فوجی افسر ،  ہدایت کار ،  مصنف ،  فوجی افسر
مادری زبان	انگریزی
پیشہ ورانہ زبان	انگریزی
عسکری خدمات
لڑائیاں اور جنگیں	دوسری جنگ عظیم
اعزازات
آسکر اعزاز برائے بہترین اداکار   (برائے:Ben-Hur ) (1960) تھیٹر ورلڈ ایوارڈ (1950)  صدارتی تمغا آزادی    کینیڈی سینٹر اعزاز اسٹار آن ہالی ووڈ واک آف فیم
نامزدگیاں
آسکر اعزاز برائے بہترین اداکار   (1960)
	IMDB پر صفحات

فلم کی دنیا

انیس سو باون میں براڈوے میں کام کرنے کے بعد ہیسٹن کو فلم ’دی گریٹیسٹ شو آن ارتھ‘ میں رنگ ماسٹر کا رول ملا۔ چار برس بعد انھوں نے ’دی ٹین کمانڈمینٹس‘ میں حضرت موسیٰ کا کردار ادا کیا جو بعد میں ان کے کیرئیر کی شہ سرخیوں میں سے ایک ثابت ہوا۔ خواہ بِن حُر کا کردار ہو یا مائیکل اینجلو یا موسیٰ کا، ہالی وڈ کی ایپک فلموں کے دیو مالائی کرداروں میں ان کے افسانوی قد وکاٹھ جیسی جان ڈال دینا چارلٹن ہِسٹن ہی کو آتا تھا۔ ساٹھ کی دہائی کی سائنس فکشن ’پلینٹ آف دی ایپس‘ نے چارلٹن ہسٹن کے لیے کامیابی کے دروازے یوں وا کیے کہ وہ ستر کی دہائی میں ’ارتھ کوئیک‘ اور ’سکائی جیک جیسی آفاتی فلموں کے لیے لازم و ملزوم سمجھے جانے لگے۔ ماحولیاتی سائنس فکشن ’سوئیلینٹ گرین‘ کے سنسنی خیز ڈرامے میں ان کی مرکزی اداکاری سے نئے فلم بینوں میں ان کا درجہ عقیدت کی حد تک بڑھ گیا۔

شخصیت

چھ فٹ چار انچ کے قد، کسی سنگ تراش کے تراشے ہوئے نقوش اور ایک گہری، گونج دار آواز کے ساتھ فلم سکرین پر ان کی موجودگی کرشماتی ہوتی تھی۔ جہاں فلم بینوں کے لیے مائیکل اینجلو اور اور بن حُر کا حقیقی روپ چالٹن ہسٹن ہی تھے تو سٹیج بینوں کے لیے وہ شیکسپیئر کے میکبیتھ اور انٹونی تھے۔

سیاسی نظریاتی

گو بعد وہ میں رجعت پسندانہ تحریکوں سے وابستہ رہے لیکن وہ مارٹن لوتھر کنگ اور امریکا میں انیس سو ساٹھ کی سول رائٹس موومنٹ کے بڑے حامیوں میں سے بھی رہے۔ مارٹن لوتھر کنگ اور رابرٹ کینیڈی کے قتل کے بعد انھوں نے امریکا میں اسلحہ کی آزادانہ فروخت کے خلاف آواز اٹھائی لیکن بعد میں اسے اپنی ’غلطی‘ قرار دیا۔ اسی کی دہائی میں انھیں ٹیلی ویژن سیریز ’دی کولبی‘ میں جیسن کولبی کے روپ میں دیکھا گیا لیکن اپنے کیریئر کے آخری دنوں میں ان کی زیادہ توجہ سٹیج اور اپنے ریپبلکن نظریات کے دفاع پر مرکوز رہی۔ وہ امریکا میں گن کنٹرول کے اتنے خلاف ہوئے کہ نیشنل رائفل ایسوسی ایشن کے ایک جانے پہچانے صدر کے طور پر ایک مرتبہ انھوں نے کہا تھا کہ امریکی حکومت ان کے ’سرد و مردہ ہاتھوں‘ سے ہی اسلحہ لے سکتی ہے۔ 5 اپریل 2008ء کو ان کا انتقال ہوا۔