اسلام میں عورت کی گواہی

اسلام میں عورت کی گواہی ایک متنازع مسئلہ ہے۔ اختلاف کی وجوہات میں سے ایک قرآن پاک میں اللہ تعالٰی کا مندرجہ ذیل ارشاد ہے۔

يَا أَيُّهَا الَّذِينَ آمَنُوا إِذَا تَدَايَنتُم بِدَيْنٍ إِلَىٰ أَجَلٍ مُّسَمًى فَاكْتُبُوهُ ۚ وَلْيَكْتُب بَّيْنَكُمْ كَاتِبٌ بِالْعَدْلِ ۚ وَلَا يَأْبَ كَاتِبٌ أَن يَكْتُبَ كَمَا عَلَّمَهُ اللَّهُ ۚ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا ۚ فَإِن كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ ۚ وَاسْتَشْهِدُوا شَهِيدَيْنِ مِن رِّجَالِكُمْ ۖ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاءِ أَن تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَىٰ ۚ ...
اے ایمان والو! جب تم کسی وقت مقرر تک آپس میں ادھار کا معاملہ کرو تو اسے لکھ لیا کرو اور چاہیے کہ تمھارے درمیان لکھنے والے انصاف سے لکھے اور لکھنے والا لکھنے سے انکار نہ کرے جیسا کہ اس کو اللہ نے سکھایا ہے سو اسے چاہیے کہ لکھ دے اور وہ شخص بتلاتا جائے جس پر قرض ہے اور اللّہ سے ڈرے جو اس کا رب ہے اور اس میں کچھ کم کر کے نہ لکھائے پھر اگر وہ شخص جس پر قرض ہے بے وقوف ہے یا کمزور ہے یا وہ بتلا نہیں سکتا تو اس کا کارکن ٹھیک طور پر لکھوا دے اور اپنے مردوں میں سے دو گواہ کر لیا کرو پھر اگر دو مرد نہ ہوں تو ایک مرد اور دو عورتیں ان لوگوں میں سے جنہیں تم گواہو ں میں سے پسند کرتے ہو تاکہ اگر ایک ان میں سے بھول جائے تو دوسری اسے یاد دلا دے ...

— 

پاکستان کے کچھ عالم جن میں جاوید احمد غامدی، محمد اکبر، محمد حنیف اور غلام احمد پرویز شامل ہیں، وہ تمام اس آیت سے یہ نتیجہ اخذ کرتے ہیں کہ عورت کی آدھی گواہی صرف معاملات کے لیے ہے جہاں کسی کو گواہ بنایا جائے۔ جرائم کے معاملے میں ایسا نہیں ہے۔

قانونی حیثیت

وہ ممالک جہاں بعض مقدمات میں عورت کی گواہی مرد کے مقابل نصف حیثیت رکھتی ہے۔

• الجزائر (فوجداری مقدمات میں)
• بحرین (شرعی عدالت میں)
• مصر (خاندانی عدالتوں میں)
• ایران (زیادہ تر مقدمات میں)
• عراق (بعض مقدمات میں)
• اردن (شرعی عدالت میں)
• کویت (خاندانی عدالت میں)
• لیبیا (بعض مقدمات میں)
• مراکش (خاندانی عدالت میں)
• فلسطین (شادی، طلاق اور بچوں کی نگہداشت کے مقدمات میں)
• قطر (عائلی قوانین کے معاملات میں)
• سعودی عرب
• شام (شرعی عدالتوں میں)
• متحدہ عرب امارات (کچھ شہری معاملات میں)
• یمن (زنا اور انتقام کے مقدمات میں بالکل گواہی دینے کے لیے کی اجازت نہیں)

OIC وہ ممالک جہاں پر عورت کی گواہی مرد کے مقابل تمام قسم کے مقدمات میں قبول کی جاتی ہے :

• تونس
• سلطنت عمان

بیرونی روابط

عورت اور قرآن از محمد حنیف