بورے والا
بورے والا (Burewala)(بوریوالا، بورے والہ، بوریوالہ) جنوبی پنجاب، پاکستان میں ضلع وہاڑی کا ایک شہر ہے۔ 2000ء کے مطابق بورے والا پاکستان کا اکتیسواں بڑا شہر ہے-اسے city of sports and education ہونے کا اعزاز بھی حاصل ہے۔ کیونکہ ملتان سے لاہور تک کے طویل فاصلہ میں سوائے ایک شہر ساہیوال کے کوئی بھی شہر اس کی کامیابیوں کا مقابلہ نہیں کر سکتا۔ تعلیمی لحاظ اس میں گورنمنٹ ایم سی بوائز ہائی اسکول سمیت لڑکوں کے تین اور طالبات کے چھ سرکاری ہائی اسکول ہیں جس میں تازہ ترین اضافہ گورنمنٹ گرلز ہائی اسکول عربیہ اسلامیہ مرضی پورہ کا ہے۔ اس کے علاوہ بوائز و گرلز ڈگری کالجز ، ایرڈ یونیورسٹی سب کیمپس اور زرعی یونیورسٹی فیصل آباد سب کیمپس موجود ہیں۔ جبکہ پاکستان میں کام کرنے والے تقریباً تمام نجی اسکولز اور کالجز کی شاخیں اس شہر کی شان بڑھا رہی ہیں۔کھیلوں میں بھی یہ شہر کسی تعارف کا محتاج نہیں ہے۔اعلی تعلیم کے لیے بورے والا میں زرعی یونیورسٹی فیصل آباد کا ایک سب کیمپس موجود ہے-دینی تعلیم کے لیے جامعتہ الفاروق، جامعہ حنفیہ، جامعہ عربیہ اسلامیہ کا شمار بڑے مدارس میں ہوتا ہے جہاں حفظ وناظر،درس نظامی،تفسیر،حدیث وفقہ اور اسلامک سائنسز کی تعلیم دی جاتی ہے۔ اس وقت جب یہ سطور لکھی جا رہی ہیں تو بورے والا ضلع بناؤ تحریک بہت زور وشور سے جاری ہے اور امید ہے کہ آنے والے کچھ سالوں میں اس کی قسمت کا فیصلہ ہو جائے گا۔ فی الحال بورے والا کے شہری متفقہ طور پر یہ چاہتے ہیں کہ بورے والا کو ضلع بنا کر ساہیوال ڈویژن میں شامل کیا جائے۔
| شہر | |
| سرکاری نام | |
 | |
  بورے والا Burewala  بورے والا Burewala | |
| متناسقات: 30°9′33″N 72°40′54″E / 30.15917°N 72.68167°E | |
| ملک |  پاکستان |
| صوبہ | پنجاب |
| بلندی | 133 میل (436 فٹ) |
| آبادی (2010) | |
| • کل | 209,343 |
| منطقۂ وقت | پاکستان کا معیاری وقت (UTC+5) |
زبان
ترمیممقامی زبان پنجابی ہے، اردو قومی زبان ہونے کی وجہ سے ہر جگہ بولی اور سمجھی جاتی ہے
تاریخ
ترمیم1925ء معرض وجود میں آنے والی چند گھرانوں پر مشتمل آبادی آج اپنی صنعتی اور زرعی پیداوار کے ساتھ ساتھ اپنے محل وقوع ملتان ،وہاڑی ، لاہور اور قصور کو آپس میں ملانے والی سڑک پر واقع ہونے کی وجہ سے ایک بڑے اور شاندار شہر کا روپ دھار چکی ہے گذرے دنوں کے اوراق الٹ پلٹ کے دیکھیں تو معلوم پڑتا ہے کہ جہاں آج ریلوے اسٹیشن کی عمارت موجود ہے اس کے ساتھ ایک شخص کی جھگی ہوا کرتی تھی اس کا نام بورا سنگھ تھا اس کے ساتھ ایک تالاب تھا جس کا پانی مخلوق خدا کے کام آتا تھا، 1927ء میں انگریز نے یہاں رائے ونڈ ، قصور ، پاکپتن ،لودھراں تک ریلوے لائن بچھائی پھر ریلوے اسٹیشن تعمیر کیا تو اس جگہ کا نام اسی بورا سنگھ کے نام کی نسبت سے بورے والا رکھا گیا ۔
بورے والا دہلی ملتان روڈ پر واقع ہے۔ دریائے ستلج بورے والا کے قریبی قصبات جملیرا اور ساہوکا کے پاس سے گزرتا ہے۔ بورے والا سے 18کلومیٹر کے فاصلے پر دیوان صاحب میں حضرت بابا حاجی دیوان چاولی مشائخ کا مزار بهی واقع ہے۔ آغاز میں بورے والا کی جگہ پر جنگل تھا جسے مقامی بلوچ قبائل نے آباد کیا۔ پاکپتن نہر کے بننے کی وجہ سے زراعت میں اس علاقے نے ترقی کی جس کے نتیجے میں یہاں گاؤں کے گاؤں آباد ہو گئے زمین کو کاشتکاری کے قابل بنانے کے لیے جنگل کو کاٹ دیا گیا۔ چونکہ یہ علاقہ پاکپتن نہر کے مشرقی نہر ڈویژن (Eastern Canal Division ) اس لیے اس علاقے میں موجود چکوک کے نام کے ساتھ ای بی (EB) لگایا جاتا ہے (جیسے 148EB). بورے والا کے شمالی طرف دریائے بیاس کی پرانی گزرگاہ ہے جو سکھ بیاس کے نام سے معروف ہے۔ یہ ضلعی صدر مقام وہاڑی سے 35 کلومیٹر مشرق کی جانب دہلی ملتان روڈ پر واقع ہے۔ بورے والہ پنجاب کی دوسری سب سے بڑی تحصیل ہے۔یہاں حضرت بابا حاجی دیوان چاولی مشائخ کے مزار کے قریب سکھ مذہب کے روحانی پیشوا بابا گرو نانک صاحب کی بیٹھک موجود ہے جہاں انھوں نے 3 سال چلہ کاٹا ہے۔دعوت و اصلاح کی جدوجہد میں مشغول عالمی تبلیغی جماعت کے عالمی امیر حاجی عبد الوہاب صاحب رحمۃ اللہ علیہ کا تعلق بورے والا کے نواحی گاؤں331EB سے تھا۔ اور پاکستان کے کرکٹ کھلاڑی وقار یونس اور محمد عرفان کا تعلق بورے والا سے ہے ۔
تعلیم
ترمیمبورے والا تعلیم کے لحاظ سے ملحقہ تمام شہروں میں ایک ممتاز حیثیت رکھتا ہے اور یہی وجہ ہے کہ اسے سٹی آف ایجوکیشن بھی پکارا جاتا ہے۔ ذیل میں بورے والا کے چند ممتاز تعلیمی اداروں کے نام موجود ہیں۔
- یونیورسٹی آف ایگریکلچر فیصل آباد (بورے والا کمپس)
- گورنمنٹ پوسٹ گریجوئٹ کالج (مردانہ)
- گورنمنٹ ڈگری کالج (برائے خواتین)
- پنجاب کالج آف سائنس ( بورے والا کمپس)
- نیشنل کالج آف کامرس اینڈ کمپیوٹر سائنس
- سپرئیر کالج (بورے والا کمپس)
- سٹار انسٹی ٹیوٹ لاہور (بورے والا کمپس)
- بارانی انسٹی ٹیوٹ آف سائنس (بورے والا کمپس)
- دی سٹی اسکول (بورے والا کمپس)
- ریسرچ اسکول انٹرنیشنل (بورے والا کمپس)
- تابندہ ماڈل ہائیر سکینڈری اسکول بورے و الا
- ڈویژنل پبلک اسکول بورے والا
- فاطمہ جناح گرلز ہائی اسکول بورے والا
- جامعتہ الفاروق ہاؤسنگ سکیم بورے والا
- مدرسہ عربیہ اسلامیہ اے بلاک بورے والا
- جامعہ حنفیہ بورے والا
شخصیات
ترمیممزید دیکھیے
ترمیم- اس صفحہ ”بورے والا“ کے تبادلہ خیال پر بھی اہم معلومات موجود ہیں۔ پڑھنے کےلیے تبادلۂ خیال:بورے والا پر کلک کریں۔
- پاکستان کے شہر
- بورے والا ایکسپریس
- وقار یونس
- تحصیل بورے والا
- محمد عرفان
- میجر طفیل محمد
- محمد اکرم باجوہ