جائیر بولسونارو

جائیر میسیاس بولسونارو برازیل کے ایک سبکدوش شدہ فوجی افسر، سیاست دان اور ملک کے صدر ہیں۔ 1991ء سے 2019ء تک ایوان نمائندگان کے رکن اور ریاست ریو ڈی جنیرو کی نمائندگی کی۔ وہ سوشل لبرل پارٹی کے رکن ہیں۔ جائیر نے 1 جنوری 2019ء کو بطور صدرِ برازیل حلف اٹھایا۔

عزت مآب
جائیر بولسونارو
(پرتگالی برازیلی میں: Jair Bolsonaro)
تفصیل=
اڑتیسویں صدر برازیل
آغاز منصب 1 جنوری 2019
نائب صدر	ہیملٹن موراؤ
مشیل تیمر
وفاقی نمائندہ برائے ریو ڈی جنیرو
مدت منصب 1 فروری 1991 – 1 جنوری 2019ء
کونسلرِ ریو ڈی جنیرو
مدت منصب 1 جنوری 1989 – 1 فروری 1991
معلومات شخصیت
پیدائشی نام	(پرتگالی برازیلی میں: Jair Messias Bolsonaro)
پیدائش	21 مارچ 1955ء (69 سال)
رہائش	اورلینڈو انجرا ڈوز رییس ریو دے جینیرو
شہریت	برازیل
آبائی علاقہ	اطالیہ
قد	1.85 میٹر
مذہب	رومن کیتھولک
عارضہ	کووڈ-19 (13 مارچ 2020–) کووڈ-19
اولاد	5
عملی زندگی
پیشہ	سیاست دان ،  فوجی افسر
مادری زبان	پرتگالی برازیلی ،  پرتگالی
پیشہ ورانہ زبان	پرتگالی برازیلی ،  پرتگالی
عسکری خدمات
وفاداری	برازیل
شاخ	برازیلی فوج
عہدہ	کپتان
اعزازات
اگ نوبل انعام (2020) ٹائم 100   (2020) ٹائم 100   (2019)
دستخط
	IMDB پر صفحات

برازیل کے عام انتخابات، 2018ء میں ان کی جماعت کو بھاری اکثریت ملی تھی۔

ابتدائی زندگی

جائیر 21 مارچ 1955ء کو پرسی گیرالڈو بولسونارو اور اولنڈا بونٹوری کے ہاں گلیسیریو، ساؤ پاؤلو میں پیدا ہوئے۔ جائیر کچھ جرمن اور زیادہ تر اطالوی نسل کے ہیں۔ والد کی طرف سے، وہ وینیتو اور کلابریا کے اطالویوں کے پرپوتے ہیں۔ پردادا کا خاندان وینیتو سے آیا تھا۔ ان کے پردادا وٹوریو بولسونارو 12 اپریل 1878ء کو پیدا ہوئے تھے۔ جب وٹوریو 15 برس کے تھے تو وہ اپنی چھوٹی بہن جیونا، چھوٹے بھائی ترنکیلو اور والدین کے ہمراہ برازیل آ گئے تھے۔ جائیر میں جرمن خون ان کے والد کے پرنانا کارل "کارلوس" ہِٹز سے آیا ہے جو لگ بھگ سنہ 1876ء کو ہم برک میں پیدا ہوئے اور سنہ 1883ء میں برازیل ہجرت کر کے آ گئے تھے۔ ان کے پرنانا و پرنانانی اطالوی شہر لوکا میں پیدا ہوئے اور 1890ء کی دہائی میں برازیل ہجرت کر گئے تھے۔

فوجی زندگی

اپنے ہائی اسکول کے آخری سالوں میں جائیر نے برازیلی فوجی کے تیاری کے مکتب میں میں داخلہ لیا اور پھر برازیل کی مرکزی ملٹری اکیڈمی میں بھیجا گیا، جہاں سے انھوں نے سنہ 1977ء میں تیاری مکمل کر لی۔ انھوں نے مختصر عرصے تک چھاتا فوج کے سپاہیوں کے دستے میں خدمات سر انجام دیں۔ ان کے بڑے درجے کے افسران انھیں ”حوصلہ مند اور جوشیلا“ کہتے تھے۔

سنہ 1986ء میں جائیر

انھیں سب سے پہلے سنہ 1986ء میں شہرت ملی جب انھیں نے برازیلی جریدے ویجا کو ایک انٹرویو دیا۔ انھوں نے فوج میں کم تنخواہوں کے متعلق شکایت کی اور دعویٰ کیا کہ کمانڈر ان چیف بجٹ میں کمی کی وجہ سے افسران کو نکال رہے تھے اور یہ بات غلط ہے جو کمانڈر نے نامہ نگاروں کو بتایا کہ وہ "کج روی اختیار کر رہے تھے"۔ اپنے بڑوں کی جانب سے لعن طعن کیے جانے کے باوجود، جائیر کے ساتھی افسران اور سپاہیوں کی بیویوں نے تعریف کی اور کئی سیاسی جماعتوں اور بائیں بازو پسندوں کے گھروں میں ان کے نام کا ڈنکا بجنے لگا جو برازیل کی اس وقت کی نئی شہری جمہوریت پسند حکومت سے نالاں تھے۔ جائیر نے فوج میں سترہ برسوں تک خدمات سر انجام دیں اور وہ کپتان کے درجے تک پہنچ چکے تھے۔

سیاسی زندگی

جائیر بطور ریو ڈی جنیرو شہر کے کونسلر، 1990ء

سنہ 1988ء میں انھوں نے سیاست میں قدم رکھا اور کرسچین ڈیموکریٹک پارٹی سے ریو ڈی جنیرو شہر کے چانسلر منتخب ہوئے۔ 1990ء کے انتخابات میں وہ اسی جماعت سے وفاقی نمائندہ منتخب ہوئے۔ وہ لگاتا چار مرتبہ اسی عہدے پر منتخب ہوتے رہے۔ ان سالوں میں وہ مختلف برازیلی سیاسی جماعت سے منسلک رہے۔ سنہ 2014ء میں وہ واحد نمائندہ تھے جس نے سب سے زیادہ ووٹ (464،000 ووٹ) حاصل کیے۔

قومی مجلس برازیل میں اپنے 27 سالہ عرصے میں انھوں نے 171 بِل اور ایک آئینی ترمیم پیش کیے، ان دونوں کے قانون بھی پاس ہو گئے تھے۔

جنوری 2018ء میں جائیر نے سوشل کرسچین پارٹی چھوڑ دی اور سوشل لبرل پارٹی میں شمولیت اختیار کر لی۔

جائیر کی آمد کے بعد سوشل لبرل پارٹی نے قدامت پسند اور دائیں بازو نظریات اور اس کے آزاد خیال گروہ لیورس (Livres) نے جماعت سے دور ہونے کا فیصلہ کر لیا۔

نجی زندگی

جائیر نے تین شادیاں کیں۔ پہلی زوجہ روجیریا بولسونارو سے کی جس سے ان تین بیٹے ہیں: فلیویا، کارلوس اور ایڈوارڈو۔ دوسری شادی انھوں نے اینا کرسٹینا مشیلے سے کی جن سے ان کا ایک بیٹا رینان ہے۔ ان کی تیسری اور موجودہ زوجہ مشیلے ڈی پولا فرمو رینالڈو بولسونارو ہیں جن سے ان کی اکلوتی بیٹی لورا ہے۔