حمد اللہ جان

مولانا حمد اللہ جان یا ڈاگئی باباجی (1914ء - 12 جنوری 2019ء) ایک سیاست دان، پاکستانی عالم دین اور شیخ الہند محمود حسن دیوبندی، محمد زکریا کاندھلوی اور حسین احمد مدنی کا شاگرد تھا۔ وہ 1914ء میں ضلع صوابی ایک گاؤں ڈاگئی میں پیدا ہوئے۔ انھوں نے دارالعلوم دیوبند اور مظاہر العلوم سہارنپور میں تعلیم حاصل کی۔

حمد اللہ جان
معلومات شخصیت
پیدائش	سنہ 1914ء  داگئی، پاکستان
تاریخ وفات	12 جنوری 2019ء (104–105 سال)
شہریت	پاکستان
جماعت	جمیعت علمائے اسلام
عملی زندگی
مادر علمی	دار العلوم دیوبند مظاہر علوم سہارنپور
استاذ	محمد زکریا کاندھلوی،  حسین احمد مدنی،  محمود حسن دیوبندی
تلمیذ خاص	عزيزالله المظهري
پیشہ	عالم،  سیاست دان
مادری زبان	اردو
پیشہ ورانہ زبان	اردو

تعلیم

انھوں نے ابتدائی تعلیم اپنے والد علامہ عبد الحکیم اور چچا مولانا صدیق سے حاصل کی۔ اس کے بعد انھوں نے کچھ عرصہ دارالعلوم دیوبند میں تعلیم حاصل کی لیکن اپنی طالب علمی کے آخری تین سال مظاہر العلوم سہارنپور میں گزارے اور وہاں سے 1947ء میں حدیث کا دورہ مکمل کیا۔

سیاست

انھوں نے 1970ء جمعیت علماء اسلام اور 1988ء کے عام انتخابات میں اسلامی جمہوری اتحاد کے پلیٹ فارم سے حصہ لیا لیکن کامیاب نہیں ہو سکے۔

وفات

مولانا حمد اللہ جان کو آبائی قبرستان میں سپرد خاک کر دیا گیا، نمازجنازہ میں ان کے لاکھوں شاگردوں، عقیدت مندوں، سیاسی جماعتوں کے رہنماؤں، کارکنوں اور شہریوں نے شرکت کی۔

جانشین

مولانا حمد اللہ کے بیٹے اشفاق اللہ خان کو سیاسی جانشین اور مدرسے کا مہتمم، دوسرے بیٹے ڈاکٹر انعام اللہ کو نائب جانشین ، بڑے بیٹے مولانا لطف اللہ جان کی بحیثیت ناظم اعلیٰ دار العلوم مظہرالعلوم، پوتے مولانا اسد اللہ کلیم کی بطور دینی جانشین دستار بندی کی گئی، مولانا حمداللہ جان کے جانشیوں کی دستاربندی سربراہ جے یوآئی مولانا فضل الرحمان نے کی، جو ان کی رہائش گاہ پر تعزیت کے لیے پہنچے تھے۔ جے یو آئی کے صوبائی امیر مولانا گل نصیب خان، مفتی کفایت اللہ، مولانا عطا الحق درویش، اے این پی کے سردار حسین بابک، جماعت اسلامی کے صوبائی امیر سینیٹر مشتاق احمد خان، مولانا عزیز الرحمن ہزاروی، سینیٹر مولانا عطاء الرحمن اور دیگر رہنما بھی موجود تھے۔