راحت فتح علی خان

راحت نصرت فتح علی خان یا صرف راحت فتح علی خان (فیصل آباد، پنجاب، پاکستان میں 1974ء کو پیدا ہوئے۔ وہ ایک پاکستانی موسیقار اور گلوکار ہیں۔ وہ بنیادی طور پر پنجابی قوالی کے ایک گلوکار ہیں۔ وہ فرخ فتح علی خان کے صاحبزادے اور استاد نصرت فتح علی خان کے بھتیجے ہیں قوالی کے علاوہ بھی وہ غزل اور ہلکی پھلکی موسیقی گاتے ہیں۔ وہ بڑے پیمانے پر پاکستان، بھارت کے ساتھ ساتھ دنیا بھر کا دورہ کر کے اپنی کارکردگی کا مظاہرہ کر چکے ہیں۔آپ کی دادا افغانستان کے درالحکومت کابل کے رھنے والے پٹھان کے شاخ نورزئی سے تعلق رکھتے تھے جو بعد میں بھارت مشترکه ھندوستان کے صوبے مشرقی پنجاب کی شہر جلندھر میں آبسے.

راحت فتح علی خان
(انگریزی میں: Rahat Fateh Ali Khan)،(اردو میں: راحت فتح علی خان‎‎)
معلومات شخصیت
پیدائش	9 دسمبر 1974ء (50 سال)  فیصل آباد ،  پنجاب
شہریت	پاکستان
والد	فرخ فتح علی خان
فنکارانہ زندگی
نوع	قوالی ،  فلمی ،  غزل
آلہ موسیقی	ہارمونیم ،  صوت ،  ہارمونیم,
پیشہ	صوفی گلوکار ،  موسیقار ،  پس پردہ گلوکار ،  قوال ،  ریکارڈنگ آرٹسٹ
اعزازات
فلم فیئر اعزاز برائے بہترین پس پردہ گلوکار (2011) اپسرا اعزاز برائے بہترین پس پردہ مرد گلوکار (2011) ایفا اعزاز برائے بہترین پس پردہ گلوکار (2011) لکس اسٹائل اعزاز
ویب سائٹ
ویب سائٹ	باضابطہ ویب سائٹ
	IMDB پر صفحہ

ابتدائی زندگی اور تربیت

راحت فیصل آباد میں 1974ء میں روایتی موسیقاروں کے ایک خاندان میں پیدا ہوئے تھے۔ ان کے والد کا نام فرخ فتح علی خان تھا۔ انھوں کلاسیکی موسیقی اور قوالی کے فن میں اپنے چچا نصرت فتح علی خان سے تربیت حاصل کی تھی۔

پیشہ ورانہ زندگی

راحت کا پہلا عوامی فنی مظاہرہ دس یا گیارہ برس کی عمر میں ہوا جب انھوں نے اپنے چچا کے ساتھ 1985 میں برطانیہ کا دورہ کیا اور قوالی پارٹی کے ساتھ گانے کے علاوہ سولو گانے بھی گائے۔ 27 جولائی، 1985ء کو برمنگہم میں ایک کنسرٹ میں انھوں نے سولو غزل مکھ تیرا سوہنیا شراب نالوں چنگا اے گائی۔ 1985 میں ہائرو تفریحی مرکز کے ایک کنسرٹ میں انھوں نے ایک سولو گانا گن گن تارے لنگھ گئیاں راتاں گایا۔

پاپ (2004) کے ہٹ گانے من کی لگن سے انھوں نے بالی وڈ میں پس پردہ گلوکار کے طور پر اپنا نام درج کروایا۔ بالی وڈ فلموں کے گانوں کی وجہ سے وہ ہندوستان میں بھی بہت مقبول ہیں۔ ۔

2010ء میں انھوں نے برطانیہ کے ایشیائی موسیقی اعزازات میں "بہترین بین الاقوامی ایکٹ" کا اعزاز جیتا (AMAs برطانیہ)۔

آج کل ان کے پاکستانی قومی گیت دھرتی دھرتی اور ہم پاکستان زبان زد عام ہیں؛ اس کے علاوہ ہندوستانی فلموں میں ان کے گیت بھی بہت مقبول ہیں۔

ٹیلی ویژن

راحت فتح علی خان بھارتی گلوکار سونو نگم کے ساتھ مل کر 24 جولائی 2010 سے شروع ہونے والے بچوں کے گانے کے پروگرام چھوٹے استاد کے منصف کے فرائض سر انجام دے رہے ہیں۔

گرفتاری

13 فروری 2011 کو راحت فتح علی خان کو 124000 ڈالر برآمد ہونے پر نئی دہلی ہوائی اڈے پرگرفتار کر لیا گیا، راحت فتح علی خان کا کہنا تھا کہ انھیں دہلی ایئرپورٹ پر ایک بھارتی نجی کمپنی کے عہدے دار کی جانب سے رقم فراہم کی گئی لیکن انھیں قانون کا علم نہیں تھا کہ رقم کے بارے میں پہلے سے کسٹمز حکام کو بتانا ضروری ہوتا ہے۔ ان کے طائفے میں شامل دیگر 16ا فراد کو بھی ان کے ساتھ حراست میں لے لیا گیا تھا تا ہم ان کو بھارتی حکام نے 25 گھنٹے تک اپنی تحویل میں رکھنے کے 14 فروری 2011ء کو ساتھیوں سمیت رہا کر دیا گیا۔

راحت فتح علی خان کے خلاف جولائی 2010ء میں بھی بھارتی شہر گڑ گاؤں میں ایک تھانے میں ایک مقدمہ درج کروایا گیا تھا جو ایک پروگرام کے منتظمین نے درج کرایا تھا۔ ان پر الزام لگایا گیا تھا کہ راحت فتح علی خان نے ایک شو میں پرفارم کرنے کا وعدہ کیا تھا لیکن وہ شو میں نہیں آئے جبکہ انھیں معاوضہ پیشگی ادا کیا گیا تھا۔ نئی دہلی کے ایک صحافی کے مطابق عین ممکن ہے کہ راحت فتح علی خان کو مذکورہ کیس کے حوالے سے بھی گرفتار کر لیا جائے۔

اعزازی ڈگری

آکسفورڈ یونیورسٹی نے 2019 میں راحت فتح علی خان کو ڈاکٹریٹ کی اعزازی ڈگری دینے کا اعلان کیا۔

ریکارڈ نامہ

ﺍﻧﻔﺮﺍﺩﯼ ﮔﺎﻧﮯ

No.	ﮔﺎﻧﺎ
1	ﺩﮬﺮﺗﯽ ﺩﮬﺮﺗﯽ
2	ﻣﯿﮟ ﺗﯿﻨﻮﮞ ﺳﻤﺠﮭﺎﻭﺍﮞ ﮐﯽ
3	ﮨﻢ ﭘﺎﮐﺴﺘﺎﻥ
4	ﺍﻣﻦ ﮐﯽ ﺁﺷﺎ

البم

سال	البم
-	تصویر - والیم11
-	بلبل کو پھول
-	جنہاں دے ماہی دور وسدے
-	ماں اور دھی - والیم 13
-	تار میری ب رہی - والیم 5
-	آنکھ سے آنکھ ملاؤ - والیم 9
-	کھمبے والی گلی وچہ یار دا مکان - والیم 7
-	پلا دے ساقیا - والیم 2
-	علی مولا علی - والیم 3
-	صوفیانہ کلام - والیم 14
-	ربا میرا یار موڑ دے - والیم 10
-	میری توبہ کرو قبول - والیم 15
-	سحر قریب ہے - والیم 17
-	شیرِ خدا - والیم 22
-	جشن عید میلاد النبیصلی اللہ علیہ و آلہ وسلم - والیم 21
-	بیسٹ آف خان - والیم 12
-	بیسٹ آف خان (حصہ دوم) - والیم 6
-	پردیسیا 2 - والیم 20
-	مائٹی کنگ - والیم 23
-	کرائی فار یو (Cry For You) - والیم 1
-	وائسز فرام ابو (Voices From Above)- حصہ 4
-	میں نے بوتل سے کرنی ہے شادی - Vol.8
-	ماہ جاندا ہویا - والیم 4
-	اکہاں ہجر تیرے نے لا لئیاں - والیم 5
-	عشق اکھیاں چوں نیندراں - والیم 9
-	شاہسوارِ کربلا - والیم 6
-	بیسٹ ہٹس راحت فتح علی خان
-	جانشین - حصہ اول
-	جانشین - حصہ دوم
-	جانشین - حصہ سوم
-	جانشین - حصہ چہارم
-	جانشین - حصہ پنجم
-	رت ساون کی
-	سانوں روگ لاؤن والیا
-	راحت
-	آنکھ سے آنکھ ملاؤ
-	پردیسیا
2007	چرخہ
2009	نصرت فتح علی خان کی یاد میں: استاد نصرت فتح علی خاں میموریل کنسرٹ
2009	نذرانۂ عقیدت
2009	کوئی امید
2010	علامہ اقبال کی یاد میں
2010	مرزا غالب کی یاد میں

پاکستان ڈراموں کے گیت

ڈراما سیریل	گانا
تھوڑی سی وفا چاہیے	تھوڑی سی وفا چاہیے
خدا زمیں سے گیا نہیں	خدا زمیں سے گیا نہیں
میری ذات ذرۂ بے نشاں	میری ذات
بھردے جھولی	بھردے جھولی
انوکھا بندھن	بے وفا
کیسا یہ جنوں	کیسا یہ جنوں
جھمکا جان	زندگی عشق ہے
چبھن	عشق بھی ہے چبھن
نور بانو	بات کر لے
تعلق	تم سے ہے تعلق
چین آئے نہ	چین آئے نہ
عشق جنوں دیوانگی	عشق جنوں دیوانگی
اجازت	اجازت
صد قے تمھارے	صدقے تمھارے

بالی وڈ فلمی گانے

سال	فلم	گانا	تفصیل
2004	عشق قیامت	میں نے اسے دیکھا ہے کسی روز ملو
2004	پاپ	لال (الاپ) من کی لگن
2005	کلیگ	جیا دھڑک دھڑک
2006	اومکارا	نینا
2007	جھوم برابر جھوم	بول نا ہلکے ہلکے
2007	اوم شانتی اوم	جگ سونا سونا لاگے
2007	نمستے لندن	میں جہاں رہوں
2007	آجا نچ لے	او رے پیا	یہ گانا ملیالم فلم ٹیلنٹائم میں بھی شامل کیا گیا۔
2008	سنگھ از کنگ	تیری اور
2008	حال دل	حال دل
2008	وڈ سٹاک ولا	کوئی چلا جا رہا ہے
2008	دل کبڈی	زندگی یہ (فلم میں خصوصی آمد)	اس فلم میں ان کی خصوصی آمد بھی ہوئی
2009	آسماں - دی سکائی از دی لمٹ	من بانورا
2009	میں اور مسز کھنہ	ربا
2009	بلو باربر	جاؤ کہاں
2009	لو آج کل	اک دن چڑھیا	سٹار سکرین اعزاز برائے بہترین پس پردہ گلوکار (2010ء) - فاتح
2009	دیکھ بھئی دیکھ	آنکھوں میں کیوں سپنے بھائے ہیں
2009	جگ جیوندیاں دے میلے	جگ جیوندیاں دے میلے
2009	لندن ڈریمز	خواب جو
2009	دے دنا دن	رشتے ناطے
2009	ویر	سریلی اکھیوں والے اور سریلی اکھیوں والے (دوگانا)
2010	مائی نیم از خان	سجدہ
2010	عشقیا	دل تو بچہ ہے جی	سٹار سکرین اعزاز برائے بہترین پس پردہ گلوکار (2011) - فاتح فلم فیئر اعزاز برائے بہترین پس پردہ گلوکار (2011) - فاتح
2010	تو بات پکی	پھر سے
2010	اٹز ونڈرفل آفٹر لائف	گم سم
2010	لاہور	او رے بندے
2010	بدمعاش کمپنی	فقیرا
2010	ورثہ	میں تینوں سمجھاواں کی
2010	آئی ہیٹ لو سٹوریز	بہاراں
2010	ملیں گے ملیں گے	عشق کی گلی
2010	ونس اپان آ ٹائم ان ممبئی	تم جو آئے
2010	وئی آر فیملی	آنکھوں میں نیندیں
2010	دبنگ	تیرے مست مست دو نین	بگ سٹار انٹرٹینمنٹ اعزاز برائے بہترین گلوکار (2010ء) - فاتح مرچی اعزاز موسیقی برائے بہترین گلوکار (2011ء) - فاتح آپسارا اعزاز برائے بہترین گلوکار (2011ء) - فاتح
2010	انجانا انجانی	آس پاس ہے خدا اور آس پاس ہے خدا - (دوگانا)
2010	آکروش	من کی مت
2010	ناک آؤٹ	خوشنما سا یہ روشن ہو
2010	یملا پگلا دیوانہ	چڑھا دے رنگ
2010	ست رنگی پیراشوٹ	للابی
2010	گڈ بائے چمپینزی	ساری دنیا ربا نوں

ہالی وڈ فلمی گانے

سال	فلم
2002	فور فیدرز (Four Feathers)
2006	ایپوکلپٹو (Apocalypto)

بین الاقوامی کام

سال	گلوکار	گانا	البم
2002	دی ڈیرک ٹرکس بینڈ	مکی مدنی	جوائے فل نائس
2008	علی عظمت	گرج برسآرکائیو شدہ بذریعہ cokestudio.com.pk	کوک سٹوڈیو حصہ اول
2009	سکھشندر شندا	گم سم گم سم	Collaborations 2
2010	شفقت امانت علی خان	امتحان ہے امتحان	----
2011	ڈی جے وکس	گدا بولیے (روشن پرنس کے ساتھ)	Ultimate

بیرونی روابط

• راحت فتح علی خان کی زندگی آل میوزگ گائیڈ