صہبا لکھنوی
صہبا لکھنوی (پیدائش: 25 دسمبر، 1919ء- وفات: 30 مارچ، 2002ء) پاکستان سے تعلق رکھنے والے اردو کے ممتاز شاعر، نقاد اور ماہنامہ افکار کے مدیر تھے۔
| صہبا لکھنوی | |
|---|---|
 | |
| معلومات شخصیت | |
| پیدائش | 25 دسمبر 1919ء بھوپال ، ریاست بھوپال ، برطانوی ہند |
| وفات | 30 مارچ 2002ء (83 سال) کراچی ، سندھ ، پاکستان |
| شہریت |  برطانوی ہند  پاکستان |
| عملی زندگی | |
| پیشہ | شاعر ، مدیر ، ادبی نقاد |
| پیشہ ورانہ زبان | اردو |
| شعبۂ عمل | ادارت ، غزل ، ادبی تنقید ، نظم ، سفرنامہ |
| کارہائے نمایاں | افکار (جریدہ) |
 باب ادب
| |
درستی - ترمیم  | |
حالات زندگی و خدمات
ترمیمصہبا لکھنوی 25 دسمبر، 1919ء کوریاست بھوپال، برطانوی ہندوستان میں پیدا ہوئے۔ ان کا اصل نام سید شرافت علی تھا[1][2][3]۔ ان کا آبائی وطن لکھنؤ تھا اسی وجہ سے لکھنوی کہلائے۔ انھوں نے بھوپال ، لکھنؤ اور بمبئی سے تعلیمی مدارج طے کیے اور 1945ء میں بھوپال سے ماہنامہ افکار کا اجرا کیا۔ تقسیم ہند کے بعد وہ کراچی میں سکونت پزیر ہوئے اور یہاں 1951ء میں افکار کا دوبارہ اجرا کیا۔ جریدے افکار کے ساتھ ان کی یہ وابستگی ان کی وفات تک جاری رہی اور یہ رسالہ مسلسل 57 برس تک بغیر کسی تعطل کے شائع ہوتا رہا۔ صہبا لکھنوی کے شعری مجموعے ماہ پارے اور زیر آسماں کے نام اشاعت پزیر ہوئے جبکہ ان کی نثری کتب میں میرے خوابوں کی سرزمین (سفرنامہ مشرقی پاکستان)، اقبال اور بھوپال، مجاز ایک آہنگ، ارمغان مجنوں، رئیس امروہوی فن و شخصیت اور منٹو ایک کتاب شامل ہیں۔[2]
تصانیف
ترمیم- ارمغانِ مجنوں (بہ اشتراک شبنم رومانی)
- منٹو ایک کتاب
- غالب ایک صدی
- برطانیہ میں اُردو
- زیرِ آسماں (شعری مجموعہ)
- خاکے
- اقبال اور بھوپال
- رئیس امروہوی - فن و شخصیت
- مجاز ایک آہنگ
- میرے خوابوں کی سر زمیں (مشرقی پاکستان کا سفرنامہ)
- ماہ پارے (شعری مجموعہ)
نمونۂ کلام
ترمیمشعر
| موج موج طوفان ہے موج موج ساحل ہے | کتنے ڈوب جاتے ہیں کتنے بچ نکلتے ہیں |
وفات
ترمیمصہبا لکھنوی 30 مارچ، 2002ء کو کراچی، پاکستان میں وفات پاگئے۔[1][2][3]
حوالہ جات
ترمیم- ^ ا ب صہبا لکھنوی، سوانح و تصانیف ڈاٹ کام، پاکستان
- ^ ا ب پ پاکستان کرونیکل، عقیل عباس جعفری، ورثہ / فضلی سنز، کراچی، 2010ء، ص 891
- ^ ا ب ڈاکٹر محمد منیر احمد سلیچ، وفیات ناموران پاکستان، لاہور، اردو سائنس بورڈ، لاہور، 2006ء، ص 429