فخر الدین رازی

محدث، فقیہ، فلسفی۔

امام
فخر الدین رازی
(عربی میں: فخرُ الدين الرازي)
معلومات شخصیت
پیدائش	سنہ 1150ء   رے
وفات	سنہ 1210ء (59–60 سال)  ہرات
مذہب	اسلام
فرقہ	اہل سنت
فقہی مسلک	شافعی
عملی زندگی
پیشہ	فلسفی ،  ریاضی دان ،  عالم ،  ماہر فلکیات
مادری زبان	فارسی
پیشہ ورانہ زبان	عربی ،  فارسی
شعبۂ عمل	علم کلام ،  تفسیر قرآن ،  اسلامی فلسفہ ،  اصول فقہ
کارہائے نمایاں	تفسیر کبیر ،  اساس تقدیس

پورا نام علامہ فخر الدین ابو عبد اللہ محمد بن عمر بن الحسینی تھا۔ رے ایران میں پیدا ہوئے۔ جہاں آپ کے والد ضیاء الدین عمر خطیب تھے۔ اس لیے آپ ابن الخطیب بھی کہلاتے ہیں۔ شافعی اور اشعری عقیدہ رکھتے تھے۔ خوارزم میں معتزلہ عقائد کے خلاف تبلیغ کے لیے گئے لیکن وہاں سے بخارا اور سمرقند جانے پر مجبور ہوئے۔ 1190ء میں غزنی اور پنجاب کا دورہ کیا۔ پھر ہرات میں مستقل سکونت اختیار کی اور ایک مدرسے میں شیخ الاسلام کی حیثیت سے تدریس میں مصروف ہو گئے۔ سلطان علاء الدین محمد خوارزم شاہ آپ کا سرپرست تھا۔ حاسدوں نے آپ کو زہر دے دیا جس سے جانبر نہ ہو سکے۔ آپ نے علوم دین فلسفیانہ پیرائے میں پیش کیے۔ ابن سینا اور فارابی کے معترف اور امام غزالی کے خلاف تھے۔ علم الکلام میں مشہور تصنیف اساس التقدیس ہے۔ دوسری متداول تصنیف کا نام مفاتیح الغیب ہے جو تفسیر کبیر کے نام سے مشہور ہے۔ مفتی محمد خان قادری نے فضلِ قدیر کے عنوان سے اس تفسیر کا مکمل اردو ترجمہ کر دیا ہے۔ پنجاب یونیورسٹی لاہور میں الرازی ہال ان سے منسوب ہے، علامہ اقبال کا شعر ملاحظہ ہو ، اسی کشمکش میں گزریں مری زندگی کی راتیں

کبھی سوز و ساز رومیؔ کبھی پیچ و تاب رازیؔ

مزید دیکھیے

• امین احمد رازی
• محمد بن موسیٰ رازی
• عاقل خان رازی